YOSUA 9:11 - Nanduk Ngget Tul Pidnak Wene

¹¹ Kulurug-e, nit-nen enne kulugwi nap min o iri me woragwi oboksa min-nen ninpil lobok yogolar-e, nunggwi mende tularo min-et lid lud tak puruk, naptak kinmin yu me lambuk yurak ninpil lobok yiga-o. Iri luk, nir-e kit ndegel kunpuwakluk ninpil lobok yiga-o. Iri bem-e, naptag-o. Kit-nen-e ninmin are kundurag-e nunggwirig-o? luk kenmengen mbatli-o.

YOSUA 9:11 ပူးပေါင်းရင်းမြစ်များ

NDAK WIRIDNAK WENE 43:12

Kit kontol nanduk kunsum mu mbato emndam kaigep ereba na-ge tuguruk wok togolar-e, uang-e ereya nggal-et nambena wok turag-o. Indi kabaksa-n kwaridnak nde kwat ma-o.

LUKAS 9:3

At-nen it yak ondosolar-e: ”Tu waring kagolar-e, silobulo mbi wanurak pug-o. Wangun ala na, kot manik ala na, mburu ala na, uwang ala na, yurugwi sum mberen ala na wanurak pug-o.

YOSUA 1:11

”Kir-e Isarael nap-nen o lije wiril lobok yidnak sa waring kagolat, wene yu yak ender-o: ’Yi Yareren mbatluk, ndil laruk Nagawan Indo Kenmbal Pem Nagawan-nen wok kunduwa o iri na me kore yurak pem ndil lorag-e mberen-et nak nene yurak worasu me, tularo lid lud tak per-o’ luk yak indil nugup na-e” luk yak indij-o.

YOSUA 9:10

iri-nen Amori nap nagawan Yareren eyak ele bem mo luwaso (timur) ambigit woragwi Esibon nagawan Sikon min Mbasan nagawan Ok min Asitarot woragwi ereya na kwat inpidnak wene-ge kulige-o.

YOSUA 9:12

Naptag-o. Nit-nen nunggwi mende tularo waruk lobok yige yeba nak ker-o. Oroti yeba-ge mondok nit lobok yogola-net nggeret embem min-et waruk lobok yige-t nde, lobog-et yogola-ge, karongo yosolat, mani mani posolat yid yeba nak ker-o.

YOSUA 9:8

Yak ondogolikma, it-nen Yosua yak togolar-e: ”Nab-o. Kat-nen nenpem pugun mende-ge nir-e kwarul nag-o” luk yogola-ge, ”Nde, kir-e tarag-o? O ngge me-nen lobok yigeb-o?” luk Yosua-nen kin wok inpij-o.