Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




YOSUA 8:2 - Nanduk Ngget Tul Pidnak Wene

2 Nde, Ai nagawan min at-nen tenagidnak wi woragwi nap min-e nanduk kat-nen Yeriko nagawan min at-nen tenagidnak wi woragwi nap min kwat inpigen iri na nggal-et kwat unpugun-o. Alat nde, yawo-ge insilobulo min onowam min-e kat kondomok kenmanggim wanurag-e ob-er-o. Kir-e mimo onmbol nggwe-nen enpem kore yurak lid lud tak per-o” luk yak indij-o.

အခန်းကိုကြည့်ပါ။ ကော်ပီ




YOSUA 8:2
27 ပူးပေါင်းရင်းမြစ်များ  

Konak nab-e at arengge mende-ge at omborak enmanggim keya boso-o. Alat nde, meya yoso nap iri na arengge ndak worak woraso iri-ge lud tak nak woraso nap iri na arengge ma-o.


Nde, Yerusalem nagawan Andoni Sendek-nen kulidnggal-e Yosua na-ge Yeriko nagawan min o siri min lak tak pid iri na nggal-et o Ai na ndamera lak tak puruk, iri me nagawan min-et lak tak unpuruk keya bij-o yidnak wene min iri-nen Nggibeon nab-e Isarael nap inmin are kundigarik, it ennggendumu worali-o yidnak wene min-et kulij-o.


Nggogolar-e, o iri me woragwi ap sujwe-nen indi worak-nen li ap-nen likwami-nen oboksa kabo bem unduruk, sapi min lomba min kelerai min-et mondok oboksa lak tak piga-o.


Nde, o siri iri ombol nggwe mo mboso (barat) nggwe Ai wok Mbetel wok ap erep kud yimndil wirik inpid nab-e enpe wonarag-e lima ribu (5.000) nggal irit wirik inpil mbirij-o.


Iri yogola, Ai nagawan iri na-nen Yosua owosirak eneyaruk, enpem mbud yosolar-e, ndag-et nak ap oboksa-nen Yareren mbirik nanduk Isarael nap indiga iri na nggwe-t lobok yiga-o. Nde, ar-e yanem ombol nggwe-nen ebem kore yuwa iri na-ge aru buk irit woragij-o.


Nde, Yosua-nen inggi ndimirik posola, ereya na-net Isarael nap o amberam kud yemndak ereba na ndag-et nak men yogolar-e, o siri iri na bem kore yiga-o. Iri yogolar-e, o iri na wanuruk, o siri ereba na-ge kan piga-o.


Isarael nap ap kere ereba na-nen wim nap it muk iniyuruk ap lak ma karu me mbiriga ereba na-ge oboksa indiga-o. Iri luk, tuguruk Ai lobok yogolar-e, iri me woraiga yengge wam oboksa indiga-o.


Yosoloma, Yosua na-ge at-nen idnak san ombo oboksa inmin Ai wi mbururak lid lud tak pij-o. Iri yosolar-e, san ombo san wari nak tiga pulu ribu (30.000) lenak unpurug-e, nandug-et kubu wirik inpij-o.


Nde, iri yogola-ge, kir-e yemndak woragup sa-nen kuwaluk ngguwagolar-e, o siri iri-ge mondog-et wanurag-o. Nagawan Indo Kenmbal Pem Nagawan-nen-e o siri iri-ge mondok kininggem-et puwa-o.


Nde, o siri nde abu wanurug-e, Nagawan Indo-nen yak kindidnak ndak ndag-et o siri ereba na-ge kan purag-o. Nde, iri kwarurak iri-ge kit keneyabu-nen yusu-o” yak indij-o.


Iri yak undurug-e, Yosua-nen it yu na wirik enpamu-ge, mo mboso (barat) ambigit, o Ai amberam nggwe, Ai wok Mbetel wok ereba me kud yimndil mbiriga-o. Mbirigarik, yik eneyarok kud yemndak worakmu-ge, Yosua na-ge Isarael nap woragwi sa-t nene lug-e,


Alat nde, enlem Ewi nap Nggibeon woragwi iri na-nen-e Yosua-nen o Yeriko min Ai min kwat inpid wene iri na-ge kuliga-o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ