YOSUA 8:14 - Nanduk Ngget Tul Pidnak Wene

¹⁴ Iri yogola, Ai nagawan iri na-nen Yosua owosirak eneyaruk, enpem mbud yosolar-e, ndag-et nak ap oboksa-nen Yareren mbirik nanduk Isarael nap indiga iri na nggwe-t lobok yiga-o. Nde, ar-e yanem ombol nggwe-nen ebem kore yuwa iri na-ge aru buk irit woragij-o.

YOSUA 8:14 ပူးပေါင်းရင်းမြစ်များ

AID WENE YOSO NAP 9:12

Towe are bidnak arem ngonok yosolat, keyane na keyane wanugwi sum arem yat yosolat kwaroso nggal-et, peragit lak ma nggweyakma nab-e lak tak unpurak mende enpem lobok yurag-e mepme-nen lobok yuwa iri-ge kabak woragwi-o.

NDANIEL 4:31

At-nen wene iri na-ge awo nggaruk tak pigit lak ma, mbal pem-nen ene misik kulij-o. Ene iri na-nen yosolar-e: ”Nagawan Nebukatnesat wa-e. Wene yu kwara kuli-o! Nagawan kat-nen tenagidnak wi-ge kat kinggem-nen wanusu-o.

MATIUS 24:39

Nde, iri tarem-e it enaru buk worakmu, yi na lobok yosolat ereya na-net it oboksa lak tak inpij-o. Nde, Ap Ambara na lobok yuwa tarem-e iri nggal-et kwat ma-o.

MATIUS 24:50

’Jam iri bem wok ma-o’ peragit lak ma, at eid iri na mimo wok marig-e,

TUGURUK YIDNAK WENE 1:1

Engga yu arem worasu wene-ge Isarael nap Yi Yareren arem ereba woragolat-nen Musa-nen Isarael nap yak indidnak wene ereba na mbarak worasu-o. Nde, it Isarael nap woraiga ereba-ge o Sup siri koroga mo luwaso (timur) ambigit Yareren eyak ponok nggwe-o. Nde, iri-ge o Paran siri wok o Topel min o Laban min o Eserot min o Ndisagap min ereba enggendumu-o.

YOSUA 8:13

Nde, wim nggurak nap enpe timbiril lobok yiga iri-ge yu nggal-o: enpe kwarar-e abare abam (utara) nggwe unpuruk, nde, kere ereb-e abare mo mboso (barat) nggwe unpuruk, nde, Yosua-ge mbirik iri na me nene yij-o.

YOSUA 8:15

Yosua owosirak san ombo inmin-e enpe-net nde, kwiye mbitli-o yuwakluk lit iniyuruk iniyuruk ap lak ma karu me mbiriga-o.

YOSUA 8:16

Nde, Ai iri me woragwi nap oboksa ”San wanurag-o” yak indidnak me, ap oboksa-nen Yosua min at-nen idnak san ombo ereba na inmin muk iniyil mborogolar-e, it unuwi siri-ge enmberam nggwe yoboksa-t keya biga-o.

YOSUA 8:5

Nde, an nowosirak inmin-e nam o siri iri korok korok lobok yul-o. Iri yukmu nde, Ai nap-nen neneyaruk, nenpem kore yogolat langgal nunpuruk lobok yogola-ge, nanduk kwaridnak nggal nenpe-net nde kwiye mburul-o.

2 PETERUS 2:3

Ukwe akwe bem mbarak purak puk iri na bem-e enesiget siget ap mul undugwi nap-nen kenarengge luruwokluk, it inndi-nen mbilidnak wene yak kunduwa-o. Alat nde, it enpem wene mbarurak iri-ge obi-net lud tak pidnak worasu-o. Nde, it lak tak unpurak iri-ge mondok larok yuwa bug-o.