YOSUA 7:6 - Nanduk Ngget Tul Pidnak Wene

⁶ Iri yogola-ge, Yosua min Isarael nap ennggendumu enne kulugwi nap ereba na min-e mondok inndi kalok luk, inndi kalok yogolat-nen kwarugwi mende unsum ndelabela keya buruk, mabe ndatluk, iri tarem-e aptusa tag-et Nagawan Indo-nen idnak labu mbarak iri na eralu entare nggwe tud tak nak woraiga-o.

YOSUA 7:6 ပူးပေါင်းရင်းမြစ်များ

NDAK WIRIDNAK WENE 37:29

Iri rak pikma nde, at Uruben na-ge lobok yarik, yi mbun emnde mbaridnak sa iri na me wok yarik, lombot pidnggal-e, Yusup lak alama karug-e, indi andi-nen usum ndela bela keya bij-o.

NDAK WIRIDNAK WENE 37:34

Iri yosolar-e, Yakup na-ge usum ndela bela keya buruk, indi abi kalak woragolat-nen yurugwi sum karung nggal yutluk, ambara iri na ubud-nen tabun puruk, kwarat woragij-o.

2 SEMUEL 1:11

Wene iri na kulurug-e, Ndaut na-ge indi puru yosolar-e, Ndaut min at imin nugwi nap min unsum ereba na-ge ndela bela keya biga-o.

2 SEMUEL 1:12

Iri rak purug-e, Ndaut iri na at imin nugwi nap inmin-e iri tarem-e Saul min Yonatan min Nagawan Indo ilirak Isarael nap erep ereba na inmin-et indidnak me, nunggwi mende ninggit lak, yip nggu lek tenak iri-net ndamuk yij-o.

2 SEMUEL 1:2

Worasoma-ge, kub-e ap sujwe misik wim nggogolat-nen Saul woraso sa iri na me-nen lobok yij-o. Lobok yosolar-e, indi kalok yogolat tabun puruk woragolat-nen kwarugwi kwarosolar-e, usum ndela keya buruk, nggweyak anggul pem ndatluk Ndaut eram wok yosolar-e, Ndaut eram erare nggwe irit tud yij-o.

2 SEMUEL 12:16

Worosoloma-ge, la iri na ki rak puwakluk Ndaut-nen-e Mbal Pem Nagawan emengen mbarosolat woralar-e, nunggwi mende na ninggit lak, pempa kubu-ge at nene yoso sa kune bem tag-et mbiringgik nak woragij-o.

2 NAGAWAN NAGAWAN-NEN KWARIDNAK WENE 22:11

Wonarosola, nagawan-nen kulurug-e, indi puru yosolar-e usum-e ndela bela keya bij-o.

ESERA 10:1

Nde, Esera iri na yip tosolat-nen Nagawan Indo uwi iri na eralu-nen meya yidnak parosolat tepan yosola-ge, Isarael nab-e ap-nen kweyap-nen li marik-nen kwarat yip sa nggwa at eram ndok wiril lobok yiga-o. Lobok yogolar-e, at lop lop wiriga-o.

NEMIA 9:1

Nde, waneya iri na arem tanggal dua pulu empat (24) pem-e Isarael nab-e ndok wiriga-o. Ndok wirigarig-e, it-nen yogolar-e: ”Nit meya kwarugwi-ge mondok keya bige-o” luk abu kuri bogolar-e, nunggwi mende ninggit lak tepan nak yogolat woraiga-o. Nde, ir-e enlem nin nap inmin-e mondok kundik woragit lak, enarig-et lenak irit woraiga-o. Nde, it nen meya kwaridnak pem niri nera-nen kwarigi-o luk yogolar-e unsum-e karung sum ereba na langgusa yirik woragolat, enanggul pem nggweyak ndarogolat, men luk it min onmborak min-nen meya yidnak ereba na pariga-o.

ESET 4:1

Nde, Morendekai-nen iri kwariga wene ereba na kolosolug-e, indi abi kalok yosolar-e, usum ndela bela keya buruk, karung sum yutluk, mabe ndatluk, yip nggwa arem mberarig-e, o siri nggwe mbirij-o.

ESET 4:3

Iri-nen nin me nan me ngguberenot woraidnak sa Yawuri nap worali ereba na-ge nagawan-nen it undurak wene wirik pidnak iri na kulurug-e, yip yud ngud mbogolat woraiga-o. Iri kwarogolar-e, nunggwi mende ninggit lak, tepan nak yogolat, yip nak yogolat, ”Ngge rak nunpuwa-o?” luk yane worogolat woraiga-o. It ennggendumu ap ereb-e karung sum yutluk, mabe bem mbinggirik nak woragolat kwat tenak woraiga-o.

AYUP 1:20

Yosoloma, Ayup na men yosolar-e, indi abi kalok yosolar-e, usum ndela bela keya buruk, anggulsu pena keya buruk, erare nggwe tud luk-nen

AYUP 2:12

It kenan nap iri na-nen eram mborogolat-nen siyak erepma nggal-nen yik kaiganggal-e, Ayup abage-ge at abage nggal-e mondok kagit lak irit yiga-o. Iri ala karuk, ubud-nen yip sa nggwa mbogolat, unsum ndela keya bogolat, o liri kama teram nggwe mbo bil lagolat enanggul pem piga-o.

AYUP 42:6

Iri kwarosolar-e, an-nen yigi wene ereba na yebet kasolar-e, ’Niri nera-nen yigi-o’ luk ninggiri-nen o liri bem, mabe bem yeba koreyak worasu-o” luk yij-o.

WONARIDNAK WENE 14:6

Iri kwarogola-ge, it ennggendumu enlengen waruk o yen mbiridnak nap Nun ambara Yosua min Yepune ambara Kalep min inndi puru pera yogolar-e, it unsum ndela bela keya bogolat-nen

YIDNAK YIDNAK WENE 14:14

Yogolikma-ge, Mbaranabas min Paulus min-e wene iri na kuluruk yigarig-e, it unsum ndelak puruk, ap kwarat ndok wiridnak na ennggenggerak puburak nggogolat-nen ngguloksa yogolar-e:

YOSUA 7:7

Iri yogolat-nen Yosua-nen Nagawan Indo yak tosolar-e: ”O, Nagawan Indo Nembal Pem Nagawan wa-e. Noluk-nen kar-e Yi Yareren yu eyak ponok nggwe ninmin ndil waigen-o? Amori nap ininggem kegera keya nenpeyekluk-nen kwarigen, lak? Nit wat makluk-nen kwarigen, lak? Yi Yareren eyak ele bem nak woralep nggal-nen-e ob-et nde-o!

NAM PARA WENE 18:19

Ir-e mabe ndatluk tabun puruk woragolat, yip togolat-nen enne ngguloksa yogolar-e: ”O! O siri nggulok iri andi bandi kasu yu-ge o! At isilobulo kwarat ereba na-nen ndowaga yi ombolwak pem waring kagwi koma winde nap oboksa-ge enarengge kwarat ligik lagaij-o. Nde, jam misiget pem nak at arenggi arengge oboksa lak yij-o!” luk yiga-o.

WENE MBENARUGWI NAP-NEN KWARIDNAK WENE 11:35

Nde, Yepta-nen yik kagaidnggal ara iri na nde karug-e, indi puru kwarat yosolar-e, abare sum iri na mondok ndela bela keya bosolat-nen yosolar-e: ”O! Nara wa-e. Mondok nindi abi kalak pusu-o! Noluk-nen kar-e an nindi andi rak pusu-o? Nde, an-e Nagawan Indo imin ’Irit kwarimin-o’ luk owak mbaridnak me, tuguruk larok yurag-e meya-o” luk yij-o.

1 SEMUEL 4:12

Iri tarem-e Mbenyamin nap misig-e wim nggugwi sa-nen kwiye Silo lobok yosolar-e, iri na tarem-et o Silo wok lug-e, indi abi kalok yogolat-nen kwarugwi usum ndela keya bosolat, nggweyak anggul pem ndarosolat kwarij-o.