YOSUA 7:25 - Nanduk Ngget Tul Pidnak Wene

²⁵ Iri rak puruk, Yosua-nen Akan yak tosolar-e: ”Noluk-nen kar-e anggun panggun nit nenpem pil lobok yigen-o? Nde, yawo-ge Nagawan Indo-nen angin worak mende kebem puwa-o” yak turug-e, Isarael nap oboksa-nen Akan iri na ogwela inmin-e kerep pem nak unduruk, arengge mende oboksa min yariya wanidnak silobulo oboksa min oboksa kan mbela lak tak inpiga-o.

YOSUA 7:25 ပူးပေါင်းရင်းမြစ်များ

NDAK WIRIDNAK WENE 34:30

Iri yogola, Yakup-nen Simeon min Lewi min yak ondosolar-e: ”Kir-e an nebem nak angin pigeb-o. Nde, yawo-ge Kanaan nap min Peris nap min o yu me woragwi nap oboksa min-e an-e insili rak nubuwa-o. Nde, nit nab-e mariget nak me, iri me woragwi nap nde lambuk yogolat nit nondogolar-e, nit nonkwela inmin-e mondok lak tak nunpuwa-o” luk yak indij-o.

NDAK WIRIDNAK WENE 38:24

Nde, waneya kenan woraruk ombol nggwe Yewura-nen wene kolel kagaidnggal-e, at ambararak onkwe togwe iri na-ge tup tup yogolar-e: ”Terak waring kasolat abila yarik worasu-o” yidnak wene irit kulij-o. Kuluruk, Yewura-nen wene wirik posolar-e: ”At iri-ge kan-nen nuruk lak tak puwakluk, kudsa kan purag-o” luk yak indij-o.

NGGOMO WENE 1:19

Ndemerer-o. Ap insilepma bem ukwe mende kore yugwi nab-e onggo-ge it enambik indi-t wisirik pugwi-o.

NGGOMO WENE 15:27

Ta-nen nde ukwe ukwe iri bem lesa wanugwi mende nde kwarurak pug-o luk yidnak ereba na kwarosolar-e, at ambik ogwela inmin enlengenwak lak tak posolat-nen kwarusu-o. Ukwe-nen ndowaga uang lesa wanugwi isili rak pusu nab-e konak alen pem-et wolma-o.

NGGALATIA 5:12

Kit nari wari rak kinpili nap iri-ge it-net it ondomok iniyiri wok kurujwag-o!

TUGURUK YIDNAK WENE 13:11

Wurugupmu-ge, wurugup obok iri na nde Isarael nap oboksa-nen kulurug-e, meya iri mende kwarurag-e kwiye luk, meya iri mende-ge kwaruwa bug-o” yij-o. 13:12–18:13 Pasal 13 erep min Pasal 14 kuri Pasal 18:13 kuri pasal ereya arem-e Musa-nen-e Isarael nap wolmomtak pem na, Mbal Pem Nagawan emmbel wanurak pem na ”Iri nggal kwarurag-o” luk tuguruk yak indidnak wene iri mbarak worasu-o.

2 TESALONIKA 1:6

Mbal Pem Nagawan-nen mot mot nak kwarosolar-e, kit andi bandi rak kinpili nap na enpem-e at-nen-e andi bandi mende enpem puwa-o.

IBERANI 12:15

Kit kennggendumu-nen ap misik-nen-e Mbal Pem Nagawan-nen we wok ondoso elem keya buwa naru kwil kwalsa wolmer-o. Kit kennggendumu-nen ap misik-nen ngari worak emengen nggal lasolar-e, ninggis mende-nen ap kwarat meya rak unpuwa naru, kwil kwalsa wolmer-o.

YOSUA 6:18

Nde, kit-nen mondok lak tak unpugup ereba enarengge-ge mondok mariget tet mondok wanurak pug-o. Nde, kit-nen nde wanugup ala-ge, Isarael nap kunuwi-ge lak tak onposo mende kunuwi bem mbud ma-o.

YOSUA 7:15

Iri kwasa ’Lobok yi-o’ yosola, lobok yosoma nde, at iri-nen wanurak pug-o yidnak silobulo ereba na nde at-nen kura bidnak karug-e, wanurak pug-o luk imiri mbarak pidnak wene ar-e kwid turuk, Isarael nap ennggendumu meya nggok kwaridnak me, ap iri-ge ogwela inmin arengge mende oboksa min mondok kan unpurag-o” luk yij-o.

1 SEMUEL 14:29

Yosoloma, Yonatan-nen onggo yosolar-e: ”An neid iri-ge nit nenlem nap inmin mondok meya-t kwarij-o. An-e tamuk amburu ningginggal-e yawo-ge namawi yid yu ki-o.