YOSUA 7:24 - Nanduk Ngget Tul Pidnak Wene

²⁴ Iri lug-e, Yosua min Isarael nap oboksa min-nen-e Akan iri na tenaguruk, ogwela min esapi min olomba min egelerai min uwi lije min at arengge mende oboksa min iri-nen yariya wanid perak min leyok sum iri na min emas min oboksa ereya-ge waruk nduguluk, unu-ge Anggun Panggun Kagwi Mbirik iri na me-t mbiriga-o.

YOSUA 7:24 ပူးပေါင်းရင်းမြစ်များ

NDAK WIRIDNAK WENE 18:25

Lud tak kwarugwi nab-e lugud tak kwarugwi nap inmin undurag-e mondok meyog-o, Nagawan Indo wa-e. Nagawan Indo-nen nde lak tak onposolar-e, lud tak kwarugwi nab-e ndemeret lugud tak kwarugwi nap inmin-et lak tak unpugun me, mondok meyog-o. O yu oboksa enpem Wene Mbenaroso-nen-e wene kasa lugud tak enpem mbarurag-e meya-o” luk yij-o.

MBIRIGA WENE 20:5

An-e Nagawan Indo Kenmbal Pem Nagawan-nen yusu me, kininggi-nen ndak wiridnak mende iri kek tak purak pug-o. Nin mende nan mende min an ndak ndak tak nuburag-e mondok nimbir-o. An mondok insili rak mbili nab-e enpem angin worak posolar-e, lila bem lud, tabuh pem lud, ap tap kenan pem unpumu, iri na-t ap tap empat enpem lud yil mburuwa-o.

NGGOMO WENE 15:27

Ta-nen nde ukwe ukwe iri bem lesa wanugwi mende nde kwarurak pug-o luk yidnak ereba na kwarosolar-e, at ambik ogwela inmin enlengenwak lak tak posolat-nen kwarusu-o. Ukwe-nen ndowaga uang lesa wanugwi isili rak pusu nab-e konak alen pem-et wolma-o.

YESAYA 65:10

It an nilirak iri-nen-e an kek tak nobogolat wolma-o. Nde, it ensapi min onlomba min-e o Saron min Akot min mbirik ereba me tusuangge tarosolat wolma-o.

OSEA 2:15

At-nen idnak anggut eyabu ereba na-ge tuguruk wok timin-o. Anggun Panggun Woragwi Mbirik iri-ge inndi ebem wat tak woragwi tumende rak pimin-o. Iri me-nen undugum pem Mesira-nen wesera lobok yosolat wok nibid nggal-et wok nubuwa-o.

YOSUA 6:18

Nde, kit-nen mondok lak tak unpugup ereba enarengge-ge mondok mariget tet mondok wanurak pug-o. Nde, kit-nen nde wanugup ala-ge, Isarael nap kunuwi-ge lak tak onposo mende kunuwi bem mbud ma-o.

YOSUA 6:21

Nggogolar-e, o iri me woragwi ap sujwe-nen indi worak-nen li ap-nen likwami-nen oboksa kabo bem unduruk, sapi min lomba min kelerai min-et mondok oboksa lak tak piga-o.

YOSUA 7:1

Nagawan Indo-nen Isarael nap enpem posolar-e: ”Yeriko narogolar-e, yi mende indi mende mariger-o luk mondok mbi wanurak pug-o. Mondok oboksa lak tak purag-o” yak indij-et nde, enpem pid iri na ndak ndag-e kwarigit lak yogolar-e, ap misik unu-ge Akan iri-nen wene iri na kwid tosola-ge, Nagawan Indo isilepma-ge Isarael nap enpem pij-o. (Nde, Akan iri eid unu-ge Karami. Ombo unu-ge Sapndi. Nde, it iri-ge enlem Yewura nab-o. Alat nde, ari-ge Sera nab-o.)

YOSUA 7:23

wanurug-e, Yosua min Isarael nap oboksa min endam waruk lobok yogolar-e, silobulo ereya na-ge Nagawan Indo imbiri bem iri me piga-o.

YOSUA 7:26

Wutlug-e, at ebem-e kerep-nen logo logo puruk keya biga-o. Nde, iri kwaridnak kereb-e yawo-nen na worasur-o. Iri kwaridnak me, iri me unu yarogolar-e, Anggun Panggun Kagwi Mbirig-o yili-o. Iri rak pogola, Nagawan Indo isilepma na-ge yamuk yij-o.