YOSUA 7:21 - Nanduk Ngget Tul Pidnak Wene

²¹ Silobulo minggige ereba enggendumu-ge sum leyok sum konak Mbabilonia-nen yagidnak misik min perak angin-e dua kilo iri min emas mbarak angin-e setenga kilo min irit mondok nindi nggosola karuk, wanigirik, an nuwi lije ma nggweyak yala kura bigirik worasu-o. Nde, perak iri-ge nggweyak arem nggal-et pukmu-o” luk yij-o.

YOSUA 7:21 ပူးပေါင်းရင်းမြစ်များ

NDAK WIRIDNAK WENE 3:6

Yak tosoloma, kwe na-nen e konak iri na yik kasolar-e: ”Engen konak irit undu kayeg-o” luk perasolar-e: ”An-e oboksa naru yosolar-e ob-er-o” luk peragij-o. Perarug-e, e iri na engen mbararik, ninggij-o. Nuruk, ereb-e un wok tamu, un iri na ninggij-o.

NDAK WIRIDNAK WENE 34:27

Ap ereba na unlusu mbatlug-e, Yakup ilirak erep ereba na-nen-e it onowot Ndina iri unu marak woraso mbilaro ngin tak piga ereba na kemnggo it enarengge mende obok mengga waniga-o.

NDAK WIRIDNAK WENE 6:2

Mbal Pem Nagawan elirak-nen yik eneyagolar-e, mondok ndugum kigirik nak yik eneyagoluk, it Mbal Pem Nagawan elirak ereba na-nen-e it inndi-nen nak nggweyak ma nap-nen ndiridnak ndugum ereba na yena wanogolat woraiga-o.

2 SEMUEL 11:2

Nde, misik tarem-e keyama nggwe-ge Ndaut na nene luk men yosolar-e, at uwi ngguwa mbirik yamuk tak ereba na bem waring kil nosolat-nen yik kagaidnggal-e, kwe mondok konak mbi aboro marosola, yik kagaij-o.

2 NAGAWAN NAGAWAN-NEN KWARIDNAK WENE 7:8

Nde, ap empat marugot ndigiril laso enpem yidnak ereya na mbirigarik, Siria nap pak tak worali sa inggi nggwe wok yiga-o. Wok yogolar-e, o lije misik arem nggwigarik, nunggwi mende min yi min nonggolat, iri-nen emas min perak min yurugwi sum min ereba na wanuruk, kura bil mbiriga-o. Kura bil mbutluk, tuguruk lobok yogolar-e, o lije misik nggogolat na iri na nggal nag-et kwaril niga-o.

AYUP 31:1

An-nen mondok watsa owak mbarosolar-e: ”Kweyap ndugum yik eneyasolar-e, mondok nindi-nen nok inpimin pug-o” luk owak mbarigi-o.

MBIRIGA WENE 20:17

Ap misik arengge: uwi min ogwe min ndegel ubugwi min owam min egelerai wam min at arengge mende oboksa min ukwe yurak pug-o” yij-o.

NGGOMO WENE 1:19

Ndemerer-o. Ap insilepma bem ukwe mende kore yugwi nab-e onggo-ge it enambik indi-t wisirik pugwi-o.

NGGOMO WENE 23:31

Anggut amburu iri-ge erare na konak, iri-nen indi wanosolat, embe arem erare na kil mol tak konak, undu na konak ontonggolem arem mberak pugwi irit nde, anggut amburu iri-nen kindi ngaruwakluk keram wolmomtak pug-o.

YESAYA 28:15

Kit-nen yogolar-e: ”Nir-e wat yugwi elem min ’Iri nggal kwat nunpurag-o’ luk urul purug-e, ap watluk ndok wiril mbugwi sa imin ninndi misiget tak pigerig-o” luk yili-o. Kit kinndi-nen peragolar-e: ”Nir-e nenkap ndagurak pem-e nenesiget enmberam lul yu bem-net lak tak onposo mende abok lobok yuwa iri-ge nenpem-e mbuwa bug-o” luk yebet kali-o.

ABAKUK 2:9

Kir-e anggun panggun mende min lak tak onposo mende min kit kenpem mbud ma naru, kit kunuwi konag-et wolmakluk abuwokma-nen ndogorogolar-e, kit kinsilepma bem-nen wanidnak mende ereba na bem-nen konkwela-ge ukwe lak yaga ndak yaga wok indili-o. Iri bem-e kir-e kinmbiri lamut mer-o!

LUKAS 12:15

Yurug-e, Yesus-nen ap pidsa iri me worali na yak ondosolar-e: ”Ab-e enarengge kwarat winde yidnak iri na bem nak woragwi buk me, kinndi silobulo ukwe ukwe yugwi indi kenpem mbuma naru, kwara wolmer-o” luk yij-o.

LUKAS 12:2

Kura bidnak nam momtak puk misik worasu-ge lag-o. Nde, kura wene misik nam pa yurak puk mbi worasu-ge lag-o.

EPESUS 5:3

Kir-e marak nap-nen yili me, ap onkwe yebugwi wene nde mbabi kwarugwi wene oboksa nde ap enarengge ukwe ukwe yugwi wene nde kit kennggendumu-nen-e iri obok tet yurak pug-o.

EPESUS 5:5

Kit-nen ”Iri-ge ndemeret wene-o” luk peragolat wolmomtak wene-ge yu-o: Mbabi yugwi nap min kop kap tobok tak woragwi nap min ukwe ukwe yugwi nap min (Nde, ukwe ukwe yugwi iri-ge kugiwak erembel wanugwi nggal-nen yusu-o) iri kwarugwi nab-e Kerisut min Mbal Pem Nagawan min-nen tenagaidnak wi-ge winde ma bug-o.

TUGURUK YIDNAK WENE 7:25

It-nen erembel wanugwi kugwiwak ininggi-nen ndak wosa pidnak mende ereba-ge mondok kan purag-o. Kugwiwak ereba bem panggarak pidnak emas ala na, perak ala na, kit-nen ukwe luk mondok wanurak pug-o. Kit-nen nde wene iri kwid togola-ge, Nagawan Indo ge kugwiwak erembel wanugwi iri-ge mondok isili me, kir-e mondok wat yugub-o.

KOLOSE 3:5

Iri ala-ge, kir-e nggweyak ma nap woragolat-nen ukwe ukwe yugwi mende-ge mbabi yugwi nde, mbilaro ngin mende kwarugwi nde, mbabi kwarurak ukwe ukwe yugwi nde, meya nak kwarurak peragwi nde, worala-t nde ukwe nak yugwi nde, iri-ge oboksa worak pugup na-e. Nde, worala-t nde ukwe nak yugwi iri-ge kugiwak erembel wanugwi-nen yusu-o.

IBERANI 13:5

Uang ukwe ukwe yugwi nap yurak pug-o. Are, kat karengge kinggem worasu iri na-ge ndak-nen yusu-o luk peragolat woragup na-e. Nde, Mbal Pem Nagawan-nen yosolar-e: ”An-e keya konposolat, meme rak konposolat mondok yimin pug-o” luk yij-o.

YAKOBUS 1:15

Nde, at-nen ukwe ukwe iri na-nen yidnak yidnak kwarosolar-e, meya kwarugwi elem ndagoso-o. Nde, meya na ebe kwarosolar-e, wat yugwi elem irit ndagoso-o.

YOSUA 7:20

Yosoloma, Akan-nen yosolar-e: ”Ndemeret, an-e Isarael nap Enmbal Pem Nagawan imin meya kwarukmu-o. An-nen kwarigi-ge yu-o:

YOSUA 7:22

Yosoloma, ”Ndag-et nak wil mberer-o” luk Yosua-nen yosoloma, ndag-et nak Akan uwi lije ma mbirigarik-nen lombot piganggal-e, ”Silobulo wanurak pug-o” luk imiri mbarak pidnak wanid ya na-ge nggweyak arem iri me kurabamu kaiga-o. Nde, perak na-ge mondok yiriwak parikmu,

2 PETERUS 2:15

It iri-ge mot mot tula na keya bidnak me, ir-e kabak luk, nanduk Mbeyot ambara Mbileam-nen mbirid tula iri nggwe mbitli-o. Mbileam na-ge meya kwarurak onggo tol iri na indingen tak pij-et nde,