YOSUA 7:13 - Nanduk Ngget Tul Pidnak Wene

¹³ Yosua, yawo kar-e men min-o. Isarael nab-e marak puruk wolmag-o. Kat-nen yak indi-o. Ir-e an neram lobok yurak mondok lid lud tak puruk wolmag-o. Nagawan Indo Isarael nap Enmbal Pem Nagawan an-nen kub-e wene yu yak indimin-o: ’Isarael nap wa-e. Silobulo oboksa mondok lak tak purag-o luk yak kindigi ereba na-ge ereb-e kit kendam worasu-o. Kit-nen nde iri yidnak silobulo ereba nde mbo bigit lak ma-ge, kir-e wim nap inmin-e mondok pak tugup pug-o’ yak indimin-o.

YOSUA 7:13 ပူးပေါင်းရင်းမြစ်များ

NDAK WIRIDNAK WENE 34:27

Ap ereba na unlusu mbatlug-e, Yakup ilirak erep ereba na-nen-e it onowot Ndina iri unu marak woraso mbilaro ngin tak piga ereba na kemnggo it enarengge mende obok mengga waniga-o.

MATIUS 7:5

Ken ambik konmbol pem lagwi nap wa-e. Kit kondomok kenlengen arem worasu e ebis nggugurik iri nanduk waber-o. Kit kenlengen op-net kit kennggam erengen arem worasu kopkap iri konag-et wabobok-nen.

TUGURUK YIDNAK WENE 13:6

Kit konowe konowot-nen ala na, kinlirak kwami-nen ala na, ap-nen ala na, konkwerak kinndi kundik-nen ala na, kennggamirak mondok kundik-nen ala na, it-nen nde ap kit kenndam worali nap min erepma worali nap min enmbal pem nagawan nin mbi kit-nen na irit, konmborak-nen na irit kenaru buk iri na ’Erembel wanuwog-o’ luk kuraga kenmengen mbarogola-ge,

YOSUA 3:5

Nde, Yosua-nen Isarael nap yak ondosolar-e: ”Kub-e Nagawan Indo-nen kwiye worak mende mbi kennggendumu kwaruwa me, mondok kenpe marak puruk wolmer-o” luk yak indij-o.

YOSUA 6:18

Nde, kit-nen mondok lak tak unpugup ereba enarengge-ge mondok mariget tet mondok wanurak pug-o. Nde, kit-nen nde wanugup ala-ge, Isarael nap kunuwi-ge lak tak onposo mende kunuwi bem mbud ma-o.

YOSUA 7:11

Nde, Isarael nab-e meya kwarikma-o. Nde, an-nen it enpem posolar-e, an-nen yidnak yidnak kwaruwakluk urul yak indigi na-t nde, ir-e enpem pigi na-ge kwarigit lak kwid tikma-o. Iri yogolar-e, ’Silobulo oboksa lak tak purag-o’ yigi ereba na-ge yariya wanuruk, nam ma naru it insilobulo enggendumu kura biga-o.