YOSUA 7:12 - Nanduk Ngget Tul Pidnak Wene

¹² Iri-nen ndowaga it-nen wim nap inmin pak turag-e meya agaij-o. It langgara wirik inpiga iri-ge it ondomok-nen lak tak unpuwakluk enare biga iri-nen ndowaga ir-e pak tigit lak yiga-o. Silobulo yariya waniga iri nde lak tak pigit lak ma-ge, an-e mondok kinmin woramin pug-o.

YOSUA 7:12 ပူးပေါင်းရင်းမြစ်များ

YEREMIA 23:33

Nagawan Indo-nen an yak norosolar-e: ”Yeremia wa-e. An nilirak ennggendumu ap misik ala na, an nene lomboksa yoso nap ala na, tepan ombo ala na-nen nde kat kin wok kobogolat nde: ’Nagawan Indo-nen-e no kebem pij-o?’ luk kin wok kobogola-ge, kat-nen onggo yak ondosolar-e: ’Nagawan Indo angin tak poso nab-e kar-er-o. Iri bem-e kar-e mondok mbo kubuwa-o’ luk yak turag-o.

ABAKUK 1:13

Alat nde, kar-e meya yugwi nap insilepma worak ereba-t nde, kar-e nggesa-nen mamak puruk, yik eneyarok nak worasu-o? Kar-e mondok marak yu-t nde, it-nen meya kwatli ereba yik eneyarok wolmomtag-e ndag-er-a? Nde, kat-nen lugud tak kwarugwi ereba yik eneyarug-e, kar-e sok wururak nde kwat yusu bug-a? Iri ala-ge, noluk-nen kat kaye worak nap ereba na it wene tarugwi nap ereba na-nen yigisa keya onpogola-t nde, kar-e kindiyabu nak worasu-o?

WONARIDNAK WENE 14:39

Nagawan Indo-nen Isarael nap kwat unpurak wene ereba na Musa-nen yak ondosola-ge, Isarael nab-e inndi kalok luk yip yuk nguk tenak woraiga-o.

WONARIDNAK WENE 14:42

Iri ala, mondok larok yer-o. Nagawan Indo-ge kinmin mburuwa buk me, kunuwim nap-nen urugwe nggwe rak kunpuwa-o.

WONARIDNAK WENE 14:43

Kit nde Amalek nap min Kanaan nap inmin wim nggogolar-e, mondok urugwe nggwe rak kunpuwa-o. Kir-e Nagawan Indo-nen yidnak yidnak kwarugwi buk me, ar-e mondok kinmin mburuwa bug-o” luk yak indij-o.

WONARIDNAK WENE 14:45

Amalek nap min Kanaan nap min ereba na-nen-e Isarael nap na-ge ondogolat langgara muk yaga o Koroma inpil lobok yiga-o.

TUGURUK YIDNAK WENE 7:26

Kugwiwak ndak worak misiget ter-o luk mondok kenma purak pug-o. Iri mende iri-ge Nagawan Indo-nen imbiri lamut tak pidnak me, imbiri lamut tak ibidnak iri na-nen kit imbiri lamut tak kunpuwa naru, mondok kinsili rak puruk, no mende nggal irit yik kudtag-o” yij-o.

YOSUA 6:18

Nde, kit-nen mondok lak tak unpugup ereba enarengge-ge mondok mariget tet mondok wanurak pug-o. Nde, kit-nen nde wanugup ala-ge, Isarael nap kunuwi-ge lak tak onposo mende kunuwi bem mbud ma-o.

WENE MBENARUGWI NAP-NEN KWARIDNAK WENE 16:20

Iri rak puruk ene nggoksa Ndelila-nen yosolar-e: ”Simson wa-e. Pilisin nap lobok yili-o!” luk yak tosoloma-ge, Simson-nen perasolar-e: ”An-e nanduk-nen men yusu ereba na nggal-et men yimin-o” luk peragidnggal-e, mondok ndeyak irit men yij-o. Nde, Nagawan Indo-nen keya ibid iri na-ge ar-e aru buk irit woragij-o.

WENE MBENARUGWI NAP-NEN KWARIDNAK WENE 2:4

Nde, aid nap iri na-nen wene iri na yak ondosola-ge, Isarael nap oboksa-nen yip sa nggwa mbiga-o.

1 SEMUEL 14:38

Iri ala karuk Saul-nen Isarael nap ennggendumu ap enne kulugwi nap ereba na yak ondosolar-e: ”Ndak yanem lobok yugupndik wene mbenarer-o. Yawo-ge meya-ge no kwaridnag-o?” luk yak indij-o.