YOSUA 6:6 - Nanduk Ngget Tul Pidnak Wene

⁶ Yosoloma-ge, Yosua-nen-e tepan ombo wene mbo unpuruk-nen yak ondosolar-e: ”Kit kennggendumu ap tuju terompet poba tenasa nanduk mborogola, kir-e urul pidnak wene labu mbarak iri na kud turuk, inmbirik mberer-o” luk yak indij-o.

YOSUA 6:6 ပူးပေါင်းရင်းမြစ်များ

YIDNAK YIDNAK WENE 9:1

Iri kwarukmu-ge, Saulus na-nen-e: ”Nagawan Indo ene wanugwi nap indimin-o” luk yik tenak worasolar-e, tepan ombo nggulok eram mbutlug-e,

YOSUA 24:11

Iri lug-e, kir-e Yi Yareren mbatluk, Yeriko wok yogola-ge, Yeriko nap-nen kinmin wim mbariga-o. Iri nggal-et, Amori nap min Peris nap min Kanaan nap min Et nap min Nggirigasi nap min Ewi nap min Yebus nap min-nen kinmin wim mbariga-t nde, an-nen it pidsa urugwe nggwe rak unpuruk, kir-et ombol nggwe rak kinpigi-o.

YOSUA 3:3

wene yu Isarael nap yak indiga-o: ”Kit-nen yik kagupnggal nde tepan omborak-nen Nagawan Indo-nen idnak urul pidnak wene labu mbarak iri na nde kud turuk mborogola-ge, kit woragwi sa-nen urul pidnak wene labu mbarak iri na imbirik nak mbururag-o.

YOSUA 3:6

Yak unduruk, Yosua-nen tepan omborak yak ondosolar-e: ”Kir-e urul pidnak wene labu mbarak iri na waruk Isarael nap lit eneyaruk anggul tak per-o” yak ondosoloma-ge, Yosua-nen yak indid iri na-t kwariga-o.

YOSUA 6:5

Iri kwasa wangget karug-e, tepan ombo ereya na-ge terompet poba ene-ge mondok pok tak pigit lak nggoksa kundugu motsa yogola-ge, san ombo oboksa-nen kulurug-e, kek kok lel kagolat, o nggu nggal lek kagola-ge, o iri pak kerep iri-ge ndamera mbuwa-o. Iri yosola-ge, kit oboksa mondok arem nggwe o silmu nggurag-o” luk yak tij-o.

YOSUA 6:7

Yak undurug-e, Yosua-nen-e at-nen idnak san ombo ereba na inmin-e obo nesa keya buruk, o siri iri na wangget kagolar-e, urul pidnak wene labu mbarak yik karok woragwi san ombo ereba na nandug-et mborogola-ge, inmbirig-e urul pidnak wene labu mbarak waruk mbiriga-o.

YOSUA 6:8

Nde, Yosua-nen yak indidnak ndak ndag-et nandug-et mburugwi san ombo-ge nandug-et mborogola-ge, inmbirig-e tepan ombo terompet poba ene yil yil mbitli ereba na mborogola-ge, inmbirig-e tepan ombo urul pidnak wene labu mbarak waruk ereba na mborogola-ge, inmbirig-e san ombo i mbarugwi ereba na mbiriga-o. Iri kwasa mborogolar-e, poba ene-ge yil yil-et mbiriga-o.

1 SEMUEL 4:3

Unduruk, urugwe nggwe rak inpikma, san ombo erep keya inpiga ereba na mbirigarik, unuwi lijema wok yogola-ge, Isarael nap enne kulugwi ereba-nen yogolar-e: ”Yawo-ge noluk-nen Nagawan Indo-ge keya nenpamu, Pilisin nap-nen urugwe nggwe rak ninpiga-o? Iri ala-ge, Nagawan Indo-nen wim nap ininggem-nen yongga nondosolat ninmiri yosolat makluk Nagawan Indo-nen idnak urul pidnak wene labu mbarak iri na Silo iri me wil mburulndik, waruk lobok yuwog-o” luk yiga-o.