YOSUA 6:27 - Nanduk Ngget Tul Pidnak Wene

²⁷ Nde, Nagawan Indo-ge Yosua imin woralat, Yosua anggu obog-e o iri me wigak yij-o.

YOSUA 6:27 ပူးပေါင်းရင်းမြစ်များ

NDAK WIRIDNAK WENE 39:21

Nagawan Indo-nen Yusup na yongga worosolar-e, abuwa kagaij-o. Iri yosola-ge, o kubu me ombo iri na-nen-e Yusup na indingen tak ibij-o.

2 SEMUEL 7:9

An-e pempa kat kimin woralat, kat nusu sa-ge pempa kimin-et mburusu-o. Kat-nen kuwim nap inmin wim mbarosola-ge, an net ndegera lak tak inpigi-o. Ap nggok nggweyak ma yu me-nen enanggu onpok mburusu nggal an-net kanggu kobok worak tak pimin-o.

MATIUS 14:1

Ereya tarem-e o Nggalilea tena woraso nagawan Erores-nen-e Yesus obok kulij-o.

MATIUS 18:20

Nde, ap mberen ala na, ap kenan ala na, an nunu bem ndok worogola-ge, an-e it ennggendumu-t woramin-o” luk yij-o.

MATIUS 28:20

an-nen ’Iri nggal mer-o’ luk yak kindigi wene oboksa-ge it mul ender-o. Yebet yebet tak wolmer-o. An-e pempa-t kit kinmin irit worasoma, woroksiyem wok ma-o” luk yak indij-o.

MATIUS 4:24

At obog-e o Siria uwi oboksa wigak yil mborosola-ge, ap-nen at eram wok unpuruk lobok yogolar-e, kugi nin tak nan tak enpem mbidnak nap oboksa min, kugi andi-nen yane wurugwi nap min kugi enarem nggwidnak nap min ininggi nggonggo onowak nggonggo entagup kila kilasa wat yugwi kugi enpem mbidnak nap min kambung puk tak woragwi nap min wok unpuruk lobok yogola, Yesus-nen it oboksa ki rak onposolat woragaij-o.

TUGURUK YIDNAK WENE 31:6

Mondok kir-e tugup lak, kwiye lak irit wolmer-o. Nagawan Indo Kenmbal Pem Nagawan-net yongga kunduwa me, kir-e mondok it enaye yurak pug-o. At-nen-e keya konposolat, kinndi kabak tak posolat yuwa bug-o” luk yak indij-o.

2 TIMOTIUS 4:17

Alat nde, Nagawan Indo an nimin worala me, aid wene pidsa-ge an-nen ndak yak ondosola, it enlem nin nap oboksa kuluwaklug-e, amawi wok nirij-o. Iri nggal yosolar-e, singa ndakngge emendam-nen mengga keya nibij-o.

2 TIMOTIUS 4:22

Nagawan Indo-ge kat kindi imin wolmag-o. Nde, Mbal Pem Nagawan-nen we wok ondoso elem-e kit pidsa kinmin wolmag-o.

YOSUA 1:5

Yosua kat worala-ge, an-nen nanduk Musa imin worasu iri na nggal-et pempa kat kimin woramin me, ap misiger-o luk mbi-nen kat urugwe nggwe rak kubuwa bug-o. An-e mondok keya kibimin pug-o.

YOSUA 1:9

An-nen kat yak korosolar-e: ’Kar-e kindi uwi yaga tugup lak, kwiye lak irit wolmin-o’ yak kirigi iri na kindi yeberak wolmin-o. Nagawan Indo Kembal Pem Nagawan an-e kat mburugun sa-ge pempa kimin nosolat woramin me, kar-e kwiye yosolat, kamawi lak yurak pug-o” luk yak tij-o.

YOSUA 9:1

Yareren eyak ponok mo mboso (barat) nggwe woragwi nagawan oboksa min ndobo worak nggwe woragwi nagawan min Yi Koma Nggok iri na eyak eyak-nen kundugu nok mberarik Yareren eyak ponok nggwe Libanon ndobo bem-nen lingsa ereba me woragwi nagawan, Et nap min Amori nap min Kanaan nap min Peris nap min Ewi nap min Yebus nap min nagawan ereba na-nen-e Isarael nab-e pempa ombol nggwe nak yili ereba na wene kuliga-o.

YOSUA 9:3

Alat nde, enlem Ewi nap Nggibeon woragwi iri na-nen-e Yosua-nen o Yeriko min Ai min kwat inpid wene iri na-ge kuliga-o.

YOSUA 9:9

Kin wok onposoloma, it-nen onggo yogolar-e: ”Nir-e nunuwi-ge mondok erepma-net lobok yige-o. Nab-o. Kat-nen erembel wanoso Nagawan Indo Kembal Pem Nagawan iri-nen Mesira iri me-nen kwaridnak wene oboksa min

1 SEMUEL 18:14

Nagawan Indo-nen Ndaut yongga worasola-ge, Ndaut-nen kwaridnag-e ebe nak yosolat woragij-o.

1 SEMUEL 2:30

Isarael nap Kenmbal Pem Nagawan, Nagawan Indo an-nen nanduk urul yak kondosolar-e: ’Kenlem nap min konowe konowot min-e tepan ombo nggal an ndegel nobogolat woralik nalik irit woragub-o’ yak kindigi-t nde, yawo-ge iri kwarurak iri na-ge an-e mondok nisili-o! Are, an kek tak nubuwa nab-e kek tak inpimin-o. Nde, an teberak nubuwa nab-e an-nen na teberag-et inpimin-o.