YOSUA 6:22 - Nanduk Ngget Tul Pidnak Wene

²² Unduruk, Yosua-nen ap mberen enlengen waruk ndimirik inpid ereya na yak ondosolar-e: ”Kir-e kit-nen at urul yak tigep ndak ndag-et kwe terak yebugwi kwe iri na eram mburugupndik, at min owe owot min eid ija min inmin mbepme wok unpuruk wumer-o” yak indij-o.

YOSUA 6:22 ပူးပေါင်းရင်းမြစ်များ

NDAWI ENGGA 15:4

at erengenma-ge meya kwaroso nap na isili min yik kasolar-et nde, Nagawan Indo unu aye kagwi nab-e kek tak onposo nap, At-nen owak mbarak pidnak wene iri-nen at meya rak uburag-et nde, iri na tena woraso nap,

IBERANI 11:31

Nde, terak yebugwi kwe Arakap na indi angin tubu yidnak pem-net o yen wil lobok yiga nap na kona wok inpidnak pem-e it Mbal Pem Nagawan ene kuruk tugwi nap ereba na lak tak onpogolar-e, kwe na wirigit lak yiga-o.

YOSUA 6:17

Nde, o min iri me woragwi oboksa min-e Nagawan Indo amanggim pidnak nggal mberena mondok lak tak purag-o. Alat nde, kwe terak yebugwi kwe Arakap iri na min at owe owot, eid ija min it nak perak nit-nen o yen wirik inpige nap inmiri yidnak me, indigit lak, keya unpurag-o.

YOSUA 6:23

Iri yak ondosoloma, ap mberen ya na mbirigarik, Arakap min owe owot min eid ija min owe owot erep min inmin o ma-nen waiga-o. Nde, Arakap owe owot oboksa inmin ndegel unpugwi nap inmin-et it indigit lak yurak sa Isarael nap unuwi wiridnak sa koroga ndok wosa inpiga-o.

YOSUA 9:15

Yogoloma-ge, Yosua-nen-e Nggibeon nap inmin kondosolar-e: ”Mondok kundul pug-o” luk wene mbariga-o. Nde, Isarael nap ennggendumu enne kulugwi nap ereba na-nen-e: ”Mbaridnak irit kwarul-o” luk owak mbariga-o.