YOSUA 6:19 - Nanduk Ngget Tul Pidnak Wene

¹⁹ Nde, perak min emas min tembaga min mbesi min ereba oboksa-ge Nagawan Indo amanggim nak lenak puruk, at amanggim ndok wosa pugwi sa purag-o” luk Yosua yak indij-o.

YOSUA 6:19 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 24:13

Nagawan Indo uwi iri na arem woraso mende Salomo-nen emas pem konil lobok yidnak ereba na oboksa-ge Nebukatnesat nggosolar-e, ndamera ligik pil lobok yurug-e, silobulo onggo nggok pugwi Nagawan Indo ama iri na me woraso min nagawan woraso sa woraso min ereba na-ge oboksa punduguruk Mbabilonia waruk mbirij-o. Nde, iri kwarid iri-ge iri nggal kwat yigit lak ma abuwokma-nen Nagawan Indo-nen urul yid iri na ndak ndag-et kwarij-o.

YEREMIA 38:11

Yosoloma-ge, Ebet-melek iri na-ge ap kenan inmin mbirigarig-e, nagawan woraso sa yi mende ndi mende ndok wosa pugwi iri na me mbiriga-o. Mbirigarik, sum umbuk ereba na iri na me-nen wanurug-e, sum umbuk na-ge kere bem yela an neram yi mbun mbaridnak iri na me mberak piga-o.

TEPAN OMBO-NEN KWARURAK WENE 19:24

Nde, olengen kweyap mendak pem tak pogolat-nen e ereba na engen yuwa-ge oboksa wa yak norogolat, Nagawan Indo an namanggim-et purag-o.

MIKA 4:13

Nagawan Indo-nen yosolar-e: ”Yerusalem woragwi nap wa-e. Mburugupndik, kit kunuwim nab-e kunuwok liri rak enper-o! Nde, an-nen-e sapi wam anggul ambo-ge mbesi pago, nde, ijok abis-e tembaga pago ereba na amawi nggal tak kinpimin-o. Iri rak kunpumu, kit-nen-e ap enlem kwarat yigisa lak tak unpugub-o. Nde, it-nen mengga wanidnak silobulo-ge mbal min nggweyak min ombol pem kek tak Nagawan Indo an namanggim pugub-o” luk yij-o.

MATIUS 27:6

Iri ala-ge, tepan omborak nagawan nagawan na-ge tol na wanuruk-nen yogolar-e: ”Tol yu-ge eyabi onggo pidnak me, Mbal Pem Nagawan ama-nen uwang ndok wurugwi sa iri ma pil nggurag-e mondok meya-o” luk yiga-o.

MARAKUS 12:41

Yesus na-ge Mbal Pem Nagawan ama-nen Mbal Pem Nagawan amanggim yarak pugwi labu mbarak iri na eralu koreyak woralar-e, ap-nen uwang yarak pili iri na lombot posolat woragaij-o. Worasoma-ge, insilobulo worak nap kwarat-nen uwang mbunu-t yarak piga-o.

YOSUA 7:11

Nde, Isarael nab-e meya kwarikma-o. Nde, an-nen it enpem posolar-e, an-nen yidnak yidnak kwaruwakluk urul yak indigi na-t nde, ir-e enpem pigi na-ge kwarigit lak kwid tikma-o. Iri yogolar-e, ’Silobulo oboksa lak tak purag-o’ yigi ereba na-ge yariya wanuruk, nam ma naru it insilobulo enggendumu kura biga-o.