YOSUA 6:17 - Nanduk Ngget Tul Pidnak Wene

¹⁷ Nde, o min iri me woragwi oboksa min-e Nagawan Indo amanggim pidnak nggal mberena mondok lak tak purag-o. Alat nde, kwe terak yebugwi kwe Arakap iri na min at owe owot, eid ija min it nak perak nit-nen o yen wirik inpige nap inmiri yidnak me, indigit lak, keya unpurag-o.

YOSUA 6:17 ပူးပေါင်းရင်းမြစ်များ

NDAK WIRIDNAK WENE 12:3

Nde, ap-nen nde kat kimbiringgat tak kobogola-ge, an-nen na imbiringgat tag-et inpimin-o. Kat nde imbiri lamut tak kobogola-ge, an-nen na imbiri lamut tag-et inpimin-o. Kat kebem-nen nggweyak ma worali nap enlem oboksa imbiringgat tak inpimin-o” luk yak tij-o.

ESERA 10:8

”Ta-nen nde kenan pem ya woragolat nde, lobok yigit lak ala-ge, mondok arengge-ge ondoro rak pogolat, at ebe na mondok ninmin kundik wolmomtag-e mondok lag-o” luk ap enne kulugwi nap ap yok nggok ereba na nen-e: ”Nit-nen pige-o” luk engga mbara ininggi amburu puruk wirik piga-o.

MIKA 4:13

Nagawan Indo-nen yosolar-e: ”Yerusalem woragwi nap wa-e. Mburugupndik, kit kunuwim nab-e kunuwok liri rak enper-o! Nde, an-nen-e sapi wam anggul ambo-ge mbesi pago, nde, ijok abis-e tembaga pago ereba na amawi nggal tak kinpimin-o. Iri rak kunpumu, kit-nen-e ap enlem kwarat yigisa lak tak unpugub-o. Nde, it-nen mengga wanidnak silobulo-ge mbal min nggweyak min ombol pem kek tak Nagawan Indo an namanggim pugub-o” luk yij-o.

MATIUS 25:40

Yak togolikma-ge, Nagawan na-nen wene erep nggarosolar-e: ’An-nen yak kendeyeg-o: An nowot-tak marik komosa meya misik iri na iri nggal kwat ibigep iri-ge an-et kwat nibigeb-o!’ luk yuwa-o.

1 KORINTUS 16:22

Nagawan Indo abuwa kaso buk nap perak nde, imbiri lamut mag-o! Maranata! yogolar-e: ”Nenagawan Indo wa-e. Lobok yi-o!”

1 KORINTUS 2:7

Alat nde, Mbal Pem Nagawan indi tenggerak elem kura bidnak kura elem iri-ge Mbal Pem Nagawan-nen o yu ndak wirigit lak ma-nen nit kek tak nenpeyekluk, lud tak pidnak wene iri na yak kindili-o.

NGGALATIA 3:10

”Imiri mbarak pidnak wene-nen yidnak yidnak nak kwarosolat woramin-o” luk perali nab-e imbiri lamut urugwe nggwe worali-o. Nde, Mbal Pem Nagawan engga bem-nen yosolar-e: ”Imiri mbarak pidnak wene-nen yidnak yidnak pik paksa kwarigit lak nab-e imbiri lamut worasu-o” luk yij-o.

NGGALATIA 3:12

Alat nde, imiri mbarak pidnak wene iri-ge inndi angin tubu yugwi elem min parig-e lag-o. Are, Mbal Pem Nagawan engga mbarak pem-nen yosolar-e: ”Imiri mbarak pidnak wene-nen yidnak yidnak nak kwaruwa nab-e iri kwaridnak pem-net uruk wolma-o” luk mbarij-o.

IBERANI 11:31

Nde, terak yebugwi kwe Arakap na indi angin tubu yidnak pem-net o yen wil lobok yiga nap na kona wok inpidnak pem-e it Mbal Pem Nagawan ene kuruk tugwi nap ereba na lak tak onpogolar-e, kwe na wirigit lak yiga-o.

IBERANI 6:10

Nde, Mbal Pem Nagawan-e mborok tak kwaroso-ge lag-o. At-nen-e kit-nen wanigep yabu iri meme rak posolat, kit-nen at abuwa kagolar-e, mbek tak inpidnak nap kwara yongga indigep min yawo na yongga indili min ar-e meme rak puwa bug-o.

YAKOBUS 2:25

Iri nggal, ndumu terak yebugwi kwe Arakap iri-nen kwarosolar-e, enlengen waruk wirik inpidnak nap na kubu unpuruk, tu nin nggwe wirik inpid iri bem-e Mbal Pem Nagawan-nen Arakap na-ge lud tak nak tak ibid irir-o.

YOSUA 2:1

Nde, misik tarem-e Nun ambara Yosua-nen-e o Sitim iri me-nen ap mberen enlengen waruk Kanaan wi wirik inpij-o. Wirik onposolat-nen yak ondosolar-e: ”We mbik mbok nak Kanaan wi min nggog-e o siri Yeriko min kwara mbenarurag-o” yak ondosoloma-ge, ap mberen ya na-ge mbiriga-o. Mbirigarig-e, kwe terak yebil nugwi unu-ge Arakap iri na ama nene yiga-o.

YOSUA 2:22

Nde, ap mberen ya na-ge ndobo worak nggwe mbirigarik, ereba me kurak tak woraiga-o. Woragola-ge, o iri me nagawan-nen it onkore yuwakluk wirik inpid nap ereba na-ge it onkore nin me nan me oboksa onkore yigit nonggolar-e, kenan pem-et onkore yiga-t nde, eneyagit lag-o. Iri ala karug-e, it onkore yidnak nap ereba na-ge tuguruk Yeriko mbiriga-o.

YOSUA 7:1

Nagawan Indo-nen Isarael nap enpem posolar-e: ”Yeriko narogolar-e, yi mende indi mende mariger-o luk mondok mbi wanurak pug-o. Mondok oboksa lak tak purag-o” yak indij-et nde, enpem pid iri na ndak ndag-e kwarigit lak yogolar-e, ap misik unu-ge Akan iri-nen wene iri na kwid tosola-ge, Nagawan Indo isilepma-ge Isarael nap enpem pij-o. (Nde, Akan iri eid unu-ge Karami. Ombo unu-ge Sapndi. Nde, it iri-ge enlem Yewura nab-o. Alat nde, ari-ge Sera nab-o.)

1 SEMUEL 15:3

Iri bem-e kir-e mburugupndik Amalek nap enpem kore yogolat, enarengge min mondok abu pendega lak tak purag-o. Yi mende ndi mende misiger-o luk mondok keya burak pug-o. Ap ala na kwami ala na li marik ala na, li nggisiya ala na onowam sapi min lomba min unta min kelerai min oboksa mondok pendega lak tak unpurag-o” luk yak tij-o.

1 SEMUEL 15:6

Pak tak woragolar-e, at-nen wene wosa Keni nap enaru rak posolar-e: ”Konmborak-nen-e nanduk Isarael nap Mesira-nen lobok yukmu inmin konag-et kwaridnak me, kir-e Amalek nap inmin lak tak kinpimin-o luk, mondok kenarik lena mberer-o” luk wene wosa bij-o. Yosoloma-ge, Keni nab-e lena enarik mbiriga-o.