YOSUA 5:14 - Nanduk Ngget Tul Pidnak Wene

¹⁴ Yosoloma, ap iri na-nen onggo yosolar-e: ”Kit nap na lak. Kit kunuwim nap na lag-er-o. An yu me lobok yigi-ge Nagawan Indo-nen idnak san ombo onowe-t lobok yigi-o” yosoloma, Yosua-nen kulurug-e, Yosua na-ge ap iri na eram erare nggwe tud luk ap iri na erembel wanosolat-nen yak tosolar-e: ”An-e kat ndegel koboso nap-nen yusu-o. An-e kat kamanggim-e no kwarimin-o?” yij-o.

YOSUA 5:14 ပူးပေါင်းရင်းမြစ်များ

NDAK WIRIDNAK WENE 17:17

Iri yak tosoloma-ge, Abarakam na-ge tud yij-et nde, nda tosolat-nen indi yebet kasolar-e: ”Ap abu indi worak olengen seratus (100) woraidnag-e la ndagurag-a? Nde, Sara na olengen sembilan pulu (90) woraidnak yeba nggal-e nggesa-nen la ndagurag-o?” peragij-o.

NDAK WIRIDNAK WENE 17:3

Yak tosoloma, Abaram na-ge erare nggwe tud yosola, Mbal Pem Nagawan-nen yosolar-e:

2 SEMUEL 7:19

Nagawan Indo Mondok Kek tak wa-e. Iri kwat nibigen-et nde, kat-nen urul posolar-e: ’Abok ereba woragolat-nen kat-nen wigarak-nen pempa nagawan wolma-o’ luk yigen iri perak terak minik nggok-nen yusu-o. Nagawan Indo Mondok Kek tak wa-e. An-e nggweyakma nab-et nde, mirik nibigen-o.

2 SEMUEL 7:20

Ndegel koboso nap an nowene-ge kar-e aba arem min ndindera karu me, an-nen-e no wene nde yak kirimin-o?

NDAWI ENGGA 110:1

Nagawan Indo-nen an-nen idnak nagawan iri na yak tosolar-e: ”Kar-e neralu ninggi kigit ambigit nggwe koreyak irit worasoma, kat kuwim nab-e an-nen kuwokma rak inpimin-o” luk yij-o.

NDAWI ENGGA 24:10

Nagawan kek tak iri-ge ta-o? Nagawan Indo mondok amawi worak iri-ge Nagawan kek tak-net yusu-o.

MBIRIGA WENE 4:10

Yak tij-et nde, Musa-nen yosolar-e: ”Nagawan Indo wa-e. An-e nanduk-nen woralat na irit, yawo kat-nen wene yu yak nurugunmu-nen na irit, an-nen wene yurag-e nemnde na angin, nene na nil kil tak me, orog-et yoso-o” luk yij-o.

MBIRIGA WENE 4:13

Alat nde, Musa-nen onggo yosolar-e: ”Nab-o. An-e wirik nuburak pug-o. Nagawan Indo wa-e. Ap nin nde wirik inpi-o” luk yij-o.

YESAYA 55:4

Ap enlem erep-nen an namawi iri na at ebem kujwaklug-e, an-nen-e Ndaut iri-ge ndemeret nagawan tak posolat, san ombo onowe rak posolat kwarukmu-o.

YESAYA 6:8

Yak nutluk worasoma-ge, Nagawan Indo-nen yosolar-e: ”An-e ta wirik pimin-o? Nit-nen yidnak wene waruk noso nab-e ta nde kwat ma-o?” luk yosola kuluruk, an-nen onggo yosolar-e: ”An-e yu-o. An-et wirik nibi-o” luk yigi-o.

YESKIEL 3:23

Yosoloma, an-e mbirik iri nggwe mborosoma-ge, nanduk Yi Kebat eyak pem-nen Nagawan Indo wok yosolat abinal kagi abinal iri na nggal-et kagi-o. Karug-e, an-e nggweyak pem nerare nggwe tud yigi-t nde,

NDANIEL 10:13

Perisia nagawan-nen tenagidnak wi iri na nggetlel unpuruk woraso aid nap iri na-nen an nimin wim mbarosolar-e, 21 hari irit nimin wim mbarosolat irit woragij-o. Iri kwarosoma, aid nap ereba na enanggul pem kek tak woraso Mikael iri na-nen-e an-e yongga nirij-o. Nde, at iri na-ge Perisia iri me keya ibigi-o.

NDANIEL 12:1

Nde, aid nap sum linen sum yirik iri na-nen tuguruk yosolar-e: ”Iri tarem abog-e aid nap kek tak kit kenlem Isarael nap nggetlel kunpuruk woraso Mikael iri na wok ma-o. Iri luk imbirig-e anggun panggun wolmomtak tarem irit wok ma iri-ge ap nanduk woraiga ereba woragolat-nen enpem mboso nggal-e lag-o. Are, terak mena anggun panggun wolmomtak tarem irit wok ma-o. Alat nde, kit kenlem nap unnu Mbal Pem Nagawan engga bem mbarak worasu nab-e inmiri-t yuwa-o.

NDANIEL 8:11

Iri-nen at-nen-e aid arem woraso san ombo onowe iri na min-et ebem mbud yij-o. Iri yosolar-e, o nda yidnak ndak wosa aid arem woraso san ombo onowe iri amanggim wosa amanggim pugwi ereba na tet lak tak posolat, at erembel wanugwi o iri na tet tud tak posolat kwarij-o.

WONARIDNAK WENE 22:31

Iri lug-e, Nagawan Indo-nen Mbileyam erengen kuwarak pamu-ge, aid nap kabo inggi tenaga mendak iri na karug-e, ereya na-net Mbileyam na-ge erare nggwe tud luk erembel wanij-o.

MATIUS 22:44

’Nagawan Indo-nen an-nen idnak Nagawan Indo yak tosolar-e: Kat kimin wim nab-e kat kuwok unggutmu teberak inpigit lak ma, kar-e an ninggi kigit nggwe koreyak wolmin-o’ luk yij-o.

MATIUS 8:2

Iri tarem-e ndigiril laso mbijap ebem mbidnak nap misig-e at eram lobok yarik, at eralu tud luk-nen yak tosolar-e: ”Nap wa-e. Kat-nen nde an ud yu ambut tak nuburak kindingen ala-ge, ambut tak nibi-o” luk yak tij-o.

LUKAS 1:43

Noluk-nen an nggal neram-et nde, an-nen idnak Nagawan Indo ija-ge lobok yigen-o?

LUKAS 20:42

Nde, Ndawi Engga bem-nen Ndaud at-nen yosolar-e: ’Nagawan Indo-nen an-nen idnak Nagawan Indo yak tosolar-e: An ninggi kigit ambigit nggwe yu-t koreyak worasoma, kat kuwim nab-e an-nen kat kuwok unggutmu teberak inpimin-o luk yak tid na-t nde-o’.

LUKAS 5:12

Misik tarem-e Yesus na o siri mbi me woragaij-o. Nde, o iri na me-ge ap mbi ebem ndigiril laso mbijap-nen yela keya bidnak irit woragaij-o. Nde, ap na-nen Yesus karug-e, at eralu tud luk-nen at emengen mbarosolar-e: ”Nap wa-e. Kat-nen nde an ambut tak nuburak perasolar-e, iri kwat nuburag-e ndak-nen yusu-o!” luk yij-o.

YOANES 20:28

Yak tosoloma-ge, Tomas-nen at yak tosolar-e: ”Kar-e an-nen idnak Nagawan Indo min an Nembal Pem Nagawan min-nen yusu-o!” luk yak tij-o.

YIDNAK YIDNAK WENE 9:6

Alat nde, kar-e menluk, o siri iri me mbiri-o. Mondok kat-nen kwarurak mende-ge yak kuruwa-o” luk yij-o.

PILIPI 3:8

Nde, iri mende nak meya-ge lag-o. Are, yi mende ndi mende oboksa-ge ebe lak mende nde kasu-o. An Nagawan Indo Kerisut Yesus naru mom iri perak nde mondok nggulok lombog-o. At ebem an yi mende ndi mende oboksa keya bosolat, iri mende-ge we eneyak ngen mbo bidnak nggal-nen yusu-o luk peraso-o. Iri keya bigi iri-ge an-e mondok Kerisut nak wanuruk,

IBERANI 2:10

At ondomok amanggim at-nen yi mende ndi mende oboksa ndak worak pid Mbal Pem Nagawan iri na-nen Yesus-e at andi bandi kagaid iri bem-net iminep mbarak ibid iri-ge yurag-et kwarij-o. Iri bem-nen-e at ilirak kwarar-e at unu kek tak pidnak na erep wanuwakluk andi bandi kagaij-o. Nde, iri yid nap Yesus iri-ge ap inmiri yurak tula nggwe lit eneyaruk mboroso nap-net yusu-o.

NAM PARA WENE 12:7

Iri luk, aid arem-nen wim ngariga-o. Mikael min at-nen idnak aid nap erep inmin-nen-e aywa nggal nggok na min at-nen idnak aid nap min inmin wim pogolat woraiga-t nde,