YOSUA 5:13 - Nanduk Ngget Tul Pidnak Wene

¹³ Nde, misik tarem-e Yosua-ge Yeriko koroga mbi me ereba worasolat-nen mimo yik kagaidnggal-e ap misik kabo lesa inggem tenaga irit at eram mendak irit kagaij-o. Karuk, Yosua-nen ap iri na eram panggosa lasolat-nen kin wok obosolar-e: ”Kar-e nit nap, lak? Are, wim nab-a?” luk yak tij-o.

YOSUA 5:13 ပူးပေါင်းရင်းမြစ်များ

NDAK WIRIDNAK WENE 18:1

O Mamere iri me e erembel wanugwi ereba na erem pem Abarakam na-ge koreyak woragij-o. Iri tarem-e mo eyak-nen uwi sum-nen wiridnak o lije iri na tumende bem koreyak worasoma-ge, Nagawan Indo-ge Abarakam imbiri bem nam yij-o.

NDAK WIRIDNAK WENE 18:2

Ereya na-net Abarakam na undugun pugaksa yik kagaidnggal-e, ap kenan nde at urugwe ambigit nde mendak eneyarug-e, ndag-et nak wok inpil mborosolar-e, enndam tud luk-nen

NDAK WIRIDNAK WENE 28:16

Yosoloma, Yakup na-ge indi luk luk, men yosolat-nen yosolar-e: ”Nagawan Indo-ge o yu me-t worasu-o. Ar-e yu me worasu-t nde, an-e kabak woragi-o” yij-o.

NDAK WIRIDNAK WENE 33:1

Yakup-nen yik kagaidnggal Esau na-ge ab-e empat ratus (400) inmin lobok yosola karug-e, Yakup-nen-e ilirak ereba na-ge weyara Lea min Arakel min ndegel ubugwi kweyap mberen ereya na min endam lombok tak inpil lobok yij-o.

NDAK WIRIDNAK WENE 33:5

Iri luk Esau-nen kwami ereya na min li marik min eneyarug-e: ”Kat kimin yeba-ge tarag-o?” yosoloma, Yakup-nen onggo yosolar-e: ”Yeba-ge an nilirak, Mbal Pem Nagawan-nen wok niridnag-er-o” yak tij-o.

MBIRIGA WENE 23:23

An-nen idnak aid nab-e lit kunpuruk mburuwarik, Amori nap min Et nap min Peris nap min Kanaan nap min Ewi nap min Yebus nap min woragwi sa kinpil mburuwa-o. Nde, ir-e an nen labera lak tak inpimin-o.

NDANIEL 10:5

Woralat-nen nerengen lik kaginggal-e ap misig-e usum-e linen-nen konidnak sum yirik, nde, ubugulwak kere-ge emas kopkap lak pem-nen konidnak irit logoksa yirik kagi-o.

NDANIEL 8:3

Nde, yi iri na eyak pem-e lomba kusi misik anggul ambo-ge mot mberen worak kagi-o. Nde, anggul ambo misik ponok nggwe iri na-ge emesiyag-et nde, misik iri na-ge ngget-nen mondok mot irit kagi-o.

WONARIDNAK WENE 22:23

Mborosoma, kelerai iri na-nen aid na kabo tenaga tulabiyem pak tak iri na karug-e, kelerai iri na-ge nden karuk yapmu nggwe mborosoma Mbileyam-nen-e owam na wosa tuguruk sera tulabiyem puruk mborosoma,

WONARIDNAK WENE 22:31

Iri lug-e, Nagawan Indo-nen Mbileyam erengen kuwarak pamu-ge, aid nap kabo inggi tenaga mendak iri na karug-e, ereya na-net Mbileyam na-ge erare nggwe tud luk erembel wanij-o.

YIDNAK YIDNAK WENE 1:10

At lasola-ge, it na-ge enlengen mbal nggwe arogo lik karok worakmu-ge, ap mberen sum loro yiridnak mimo it endam panggosa mendak woragolat-nen

YOSUA 6:2

Woragola-ge, Nagawan Indo-nen Yosua yak tosolar-e: ”Yawo-ge o Yeriko min o iri me woraso nagawan min san ombo kwiye lak ereba na min-e wesera kinggem pusu-o.

NAM PARA WENE 1:13

Nde, tal iri na enggenggerag-e ap nggal-et misik mendak kagi-o. Nde, usum-e lorok sum ijok kuri irit yirik, nde, emas-nen konidnak kere-nen-e imigwak ngonoksa yirik kagi-o.

WENE MBENARUGWI NAP-NEN KWARIDNAK WENE 13:11

Yosoloma-ge, Manoa na-ge kil ogwe imbirik mbirij-o. Mberarik, ap iri na yak tosolar-e: ”Nab-o. Nanduk an nogwe eram wene waruk lobok yigen na-ge kar-et, lak?” luk kin wanosoloma-ge, ”An-ner-o” luk yak tij-o.

WENE MBENARUGWI NAP-NEN KWARIDNAK WENE 13:22

Nde, Manoa-nen ogwe na yak tosolar-e: ”Nir-e Mbal Pem Nagawan kaigerik me, mondok wat mul-o” luk yak tij-o.