YOSUA 5:1 - Nanduk Ngget Tul Pidnak Wene

¹ Nde, Amori nap nagawan Yi Yareren eyak ponok mo mboso (barat) nggwe woragwi nap oboksa min Kanaan nap nagawan Yi Koma Nggok iri na eyak eyak woragwi nap min-nen kuliganggal-e Nagawan Indo-nen Yi Yareren na ogorak nak nggilara keya bamu, Isarael nap ndil laiga wene kulurug-e, ir-e Isarael nap enaye-nen kwiye yot kot mbiga-o.

YOSUA 5:1 ပူးပေါင်းရင်းမြစ်များ

NDAK WIRIDNAK WENE 12:6

Abaram na-ge o Kanaan nggweyak nggwe-t mbirid mbirij-e o More iri me kek tak pugwi e elem pem wok yid iri-ge o Sikem iri me it-nen erembel wanugwi sa iri me wok yij-o. (Nde, ereya tarem-e Kanaan nab-e o iri me woragola tarem-o.)

NDAK WIRIDNAK WENE 48:22

Amori nap ininggem-nen nesan pem, neyalawi bem-nen mengga wanigi o Sikem nggweyak amburu worak iri-ge kat kowerag-e wok indigit lag-o. Are, kar-et wok kurusu-o” yak tij-o.

1 NAGAWAN NAGAWAN-NEN KWARIDNAK WENE 10:5

Salomo eyabu wanugwi nap-nen yabu wanurak timbirik engga ereba na min it-nen yabu wanogolat-nen sum ndak ndak yurugwi min it unuwi min it-nen norak yi min nunggwi mende min nokluk saga pidnak ereba na min sakwi nap-nen nggok sakolat-nen kwarugwi min Nagawan Indo uwi iri na me Salomo-nen Mbal Pem Nagawan amanggim poso ereba na min ereba na oboksa kasolar-e, kwe nagawan Seba-nen lobok yid iri na-ge ijar-o luk wi yij-o.

ESERA 9:1

Ereba na oboksa kwatlug-e, Isarael nap ennggendumu enne kulugwi nap erep an neram lobok yogolat-nen an yak norogolar-e: ”Isarael nap min tepan ombo min Lewi nap min-nen-e ap enlem nin nap entalu worali Amon nap min Moap nap min Mesira nap min Kanaan nap min Et nap min Peris nap min Yebus nap min Amori nap min ap enlem yeba inmin-e mondok lambinik worali-o. Iri nggal woragolar-e, enlem nin nap-nen meya mbilaro ngin mende kwarugwi ereba na it-nen na kwatlir-o.

NDAWI ENGGA 135:11

Amori nagawan Sigon min Mbasan nagawan Ong min Kanaan nap nagawan oboksa min irit unduruk,

MBIRIGA WENE 23:28

Kunuwim nab-e nari wari rak inpimin-o. Ewi nap min Kanaan nap min Et nap min-e it konowak ket wuruwa naru, kendam-nen langgara wirik inpimin-o.

YESAYA 41:5

An-nen kwarigi ereba-ge o erepma erepma woragwi-nen-e kaiga-o. Karug-e kwiye-nen wendet yogolat, yot kot mbogolar-e, ndok wutluk, lobok yili-o.

NDANIEL 5:6

Kasolar-e, kwiye-nen erare nin yosolar-e, endaru min-et lele yij-o.

AMOS 2:9

Nilirak wa-e. Kir-e iri kwatli-t nde, an-e kit kenabuwa-nen Amori nap e nggabina nggal mot ereba na min e lom nggal enmawi worak ereba na min-e mondok lak tak unpukmu-o.

WONARIDNAK WENE 13:29

Nde, Amalek nab-e o iri me-nen-e abare ena nggwe (selatan) worali-o. Nde, Et nap min Yebus nap min Amori nap min it iri-ge iri me-net nde, ndobo worak nggwe worali-o. Nde, Kanaan nab-e yi koma inggi nggwe min Yi Yareren urusu umbut linik worali-o” luk yiga-o.

YOSUA 24:15

Kit-nen nde Nagawan Indo ndegel uburak kinmbit ala-ge, yawo-net wene nggaruksa yogolar-e: ’Nir-e irit ndegel obogolat wulmul-o’ luk, unu yarurag-o. Kir-e konmborak nanduk Mesopotamia woragolat-nen erembel wanugwi kugwiwak ereba na erembel wanugub-a? Are, Amori nap unuwi nggweyag-e yawo kit worali yu-nen erembel wanugwi kugwiwak ereba na erembel wanugub-a? Alat nde, an min an nama woragwi nap inmin perak nde, Nagawan Indo nak ndegel obogolat wulmul-o” luk yij-o.

YOSUA 3:16

ereya na-net yi ombolwak na-ge mbuguksa labuk yij-o. Iri yosolar-e, yi urusu nggwe-ge yi-ge o siri Saran eralu ponok nggwe o siri Aram iri me yenggera labuk yij-o. Nde, umbut nggwe mbuguksa mbirid iri na-ge Wat Yoso Yi Koma arem nggoso-t nde, umbut nggwe abu mondok eberek yij-o. Iri kwasa ogorak nggilara labuk yamu, Isarael nab-e o Yeriko ndik pindik iri na nggwe ndil laiga-o. Ndil lagola-ge, tepan omborag-e urul pidnak labu mbarak kudsa iri na-ge yi ma iri na-t mendak worakmu, Isarael nap nggaruksa ndil lagola-net ndil laiga-o.

NAM PARA WENE 18:10

At andi bandi kasu na kwiye-nen nuruksa mendak woragolat-nen yogolar-e: ”E! O siri anggu obok worak amawi worak Mbabel yu-ge ijar-o! Kat kebem wene mbarosolar-e, jam misiget pem nak lak tak kubusu-o!” luk yuwa-o.

WENE MBENARUGWI NAP-NEN KWARIDNAK WENE 1:1

WENE MBENARUGWI NAP-NEN KWARIDNAK WENE 4:2

Iri kwarogola-ge, Nagawan Indo-nen keya enpamu, Kanaan nagawan Yabin o Asot iri me woraso iri na nen yemndak unpuruk woragij-o. Nde, at-nen idnak san ombo onowe unu-ge Sitera-o. Nde, Sitera iri-ge o Aroset Agoyim woragij-o.

1 SEMUEL 25:37

Nde, nene luk kup Nabal indi lak lak yid iri na kondok yosola-ge, ogwe-nen-e kwaridnak wene ereba na-ge ndindera yak tij-o. Yak tosola-ge, Nabal na-ge kugwi inndingen andi yoso kugwi mbi ebem mbij-o. Iri yosolar-e, ebe oboksa urugup yurak meya tenep limbiksa labuk yij-o.