YOSUA 4:9 - Nanduk Ngget Tul Pidnak Wene

⁹ Tepan omborak-nen urul pidnak wene labu mbarak kudsa mendak woraidnak sa Yi Yareren enggendumu iri na me-ge Yosua-nen-e kerep duabelas irit mendaga pil lagaij-o. Nde, kerep mendaga pil lagaid ereba-ge yawo-nen na worasur-o.

YOSUA 4:9 ပူးပေါင်းရင်းမြစ်များ

NDAK WIRIDNAK WENE 26:33

Yak togolikma, Isak-nen-e yi emnde mbariga iri na unu-ge: ”Owak mbaridnak sa” luk yarij-o. Iri kwaridnak ala karuk, o siri iri na unu-ge Mbereseba yariga-o.

NDAK WIRIDNAK WENE 28:18

Nde, kub-e Yakup-nen anggul ugwi mbara nene yid kerep iri na-ge sindik purug-e, ap-nen: ”Yu-ge iri yidnak sa-o” luk enaru wolmakluk, Mbal Pem Nagawan amanggim nak lenak posolat kerep iri na bem-e e saitun engen amburu kilik pij-o.

1 NAGAWAN NAGAWAN-NEN KWARIDNAK WENE 18:31

Yakup ilirak enlem duabelas ereya na ndak wosa kerep duabelas wanij-o. Nde, iri-ge Nagawan Indo-nen Yakup imin yosolar-e: ”Kat kunu-ge Isarael-o” yid iri na ala karuk-nen kwarij-o.

MBIRIGA WENE 24:12

Iri luk, Nagawan Indo-nen Musa yak tosolar-e: ”Kar-e an neram ndobo bem luwasug-o. Yu me-nen an-nen imiri mbarak pidnak wene mbarak kerep abak mberen wok kirimin-o. Imiri mbarak pidnak wene oboksa mbarak iri-ge it enlem Isarael nap iri mirik unpurak pem irit wok kirimin-o” yij-o.

MATIUS 27:8

Iri bem-e nggweyak iri na unu yarogolar-e, Eyabi Nggweyag-o luk yawo kuri-nen na yili-o.

MATIUS 28:15

Yak ondogolikma-ge, san ombo na-ge tol na wanurug-e, it yak indidnak iri na nggal-et kwariga-o. Iri ala-ge, it Yawuri nap ennggendumu wene na wigak yid na-ge yawo na wigak yusu-o.

TUGURUK YIDNAK WENE 34:6

Wat yamu Nagawan Indo-nen o Moap iri me mbirik mbi me o siri Mbet peyot ndik pindik ereba me Nagawan Indo-nen yapma ibij-o. Nde, at yapma ibidnak sa-ge yawo-nen na ap misiger-o luk tet kabak irit worali-o.

YOSUA 24:26

Imiri mbarak pidnak wene min enpem pidnak wene min ereba na-ge Mbal Pem Nagawan-nen idnak imiri mbarak pidnak engga iri na arem mbarij-o. Iri lug-e, at-nen kerep nggok misik wanarig-e, Nagawan Indo amanggim lenak pidnak ondoro iri na me e nggok iri na indipma sindik pij-o.

YOSUA 4:10

Nde, it tepan omborak ereba na-ge Yi Yareren enggendumu irit mendak irit worakmu, Nagawan Indo-nen Yosua mul tosola, Yosua-nen ap ereba enpem pid ereba na-t ndegera kwariga-o. Nde, ereba kwariga iri-ge Musa-nen Yosua mul tid ereba na ndak ndag-et kwariga-o. Kwatlug-e, Isarael nab-e ndig-et ndag-et nak yi mbara ele bem ndil laiga-o.

1 SEMUEL 7:12

Iri rak purug-e, Semuel nen-e kerep misik Mispa wok Sen wok iri na me sindik posolat-nen yosolar-e: ”Nagawan Indo-nen mondok kwara yongga nindij-o” luk yosolar-e, kerep iri na unu-ge ”Yongga Nindidnak Kereb-o” luk unu yarij-o.