YOSUA 4:10 - Nanduk Ngget Tul Pidnak Wene

¹⁰ Nde, it tepan omborak ereba na-ge Yi Yareren enggendumu irit mendak irit worakmu, Nagawan Indo-nen Yosua mul tosola, Yosua-nen ap ereba enpem pid ereba na-t ndegera kwariga-o. Nde, ereba kwariga iri-ge Musa-nen Yosua mul tid ereba na ndak ndag-et kwariga-o. Kwatlug-e, Isarael nab-e ndig-et ndag-et nak yi mbara ele bem ndil laiga-o.

YOSUA 4:10 ပူးပေါင်းရင်းမြစ်များ

MBIRIGA WENE 12:39

Nde, ir-e Mesira-nen oroti lomboroso mende pigit lak awo worakit lak kona pidnak waruk mbiriga ereba na-ge oroti woraiga-o. Nde, it na-ge iri me-nen langgara wirik onpogola, mija lele nak mborogolar-e, tularo mondok lid lud tak pigit lak irit mbiriga-o.

NGGOMO WENE 27:1

Abok-nen kwat ma iri-ge kar-e karu buk me, kup-nen kwarurak ereba na ”Iri nggal kwarimin-o” luk kek yurak pug-o.

AID WENE YOSO NAP 9:10

Kat abog-e ap watluk ndok wurugwi sa mburugun-o. Nde, iri me-ge yebet kagwi min yabu min enaru yugwi mende min inndi tenggerak woragwi min-e watluk ndok wurugwi sa-ge lak me, kat-nen yabu oboksa wanosolar-e, kamawi min-et wanosolat nak wolmomtag-o.

YESAYA 28:16

Iri kwatli iri bem-e Nagawan Indo Mondok Kek tak iri na-nen yosolar-e: ”Abok an-nen-e o mabin tugup lak wat kudtak puk iri-ge Sion iri me-t pimin-o. Kerep mondok amawi worak onggo nggok irit ebem wene mbara posolar-e: ’Ta-nen nde mondok indi an nebem wat tak puruk wolma-ge urugwe nggwe rak puwa bug-o’ luk yaga mbarak kerep irit pimin-o.

2 KORINTUS 6:2

Mbal Pem Nagawan-nen yosolar-e: ”An nalen yidnak tarem-e kit kenne kuligi-o. Kinmiri yurak tarem-nen-e an-e yongga kindigi-o” luk yij-o. Ndemerer-o! Mbal Pem Nagawan alen yidnak tarem-e yawor-o. Kinmiri yurak tarem-e yawor-o!

TUGURUK YIDNAK WENE 31:9

Iri luk Musa-nen-e Nagawan Indo Mbal Pem Nagawan-nen idnak imiri mbarak pidnak wene ereba na-ge engga mbarak purug-e, Lewi nap tepan ombo urul pidnak labu mbarak iri na ambigit yabu wanugwi nap min Isarael nap ennggendumu-nen enne kulugwi nap ereba na min wok indij-o.

YOSUA 24:11

Iri lug-e, kir-e Yi Yareren mbatluk, Yeriko wok yogola-ge, Yeriko nap-nen kinmin wim mbariga-o. Iri nggal-et, Amori nap min Peris nap min Kanaan nap min Et nap min Nggirigasi nap min Ewi nap min Yebus nap min-nen kinmin wim mbariga-t nde, an-nen it pidsa urugwe nggwe rak unpuruk, kir-et ombol nggwe rak kinpigi-o.

YOSUA 3:13

Tepan omborak nde Nagawan Indo-nen idnak urul pidnak wene labu mbarak iri na nde kud turuk, Yi Yareren arem nggogola-ge, yi iri-ge mbuguksa labuk yosolar-e, urusu nggwe-ge wamid lesa kobong yil mburuwa-o” luk yak tij-o.

YOSUA 4:11

Nde, it oboksa ndegera ndil larug-e, tepan omborak urul pidnak wene labu mbarak kud turuk ereba na-ge anggul tak puruk mbiriga-o.

YOSUA 4:9

Tepan omborak-nen urul pidnak wene labu mbarak kudsa mendak woraidnak sa Yi Yareren enggendumu iri na me-ge Yosua-nen-e kerep duabelas irit mendaga pil lagaij-o. Nde, kerep mendaga pil lagaid ereba-ge yawo-nen na worasur-o.