YOSUA 3:10 - Nanduk Ngget Tul Pidnak Wene

^10-11 Kit-nen nde kunuwim nap enpem-et kore yogola-ge, Nagawan Indo-nen-e Et nap min Ewi nap min Peris nap min Nggirigasi nap min Amori nap min Yebus nap min ereba-ge Nagawan Indo-nen-e mondok maga wirik unpuwa-o. Nde, Nagawan Indo mbal min nggweyak min ombol pem kek tak iri-nen idnak urul pidnak wene labu mbarak iri nde nandug-et Yi Yareren mbatluk ndil lasola-ge, ’Nagawan Indo uruk nak woraso iri na-ge nennggendumu worasu-o’ luk kenaru yugub-o.

YOSUA 3:10 ပူးပေါင်းရင်းမြစ်များ

NDAK WIRIDNAK WENE 15:21

Amori nap min Kanaan nap min Nggirigasi nap min Yebus nap min onnggweyak min-et wok indimin-o” luk urul yak tij-o.

1 NAGAWAN NAGAWAN-NEN KWARIDNAK WENE 22:28

Yosoloma, Mika-nen yosolar-e: ”Nagawan kat nde tugurug-et kurug-et lobok yosolar-e, at yu na-ge wene-ge Nagawan Indo-nen emndam tak pidnak wene-ge lag-o luk yebet niyudtag-o! Kit yu me ndok wirigep yu-ge mondok kenaru wolmer-o!” luk yak indij-o.

2 NAGAWAN NAGAWAN-NEN KWARIDNAK WENE 19:4

Nde, Asiut nagawan iri na-nen-e Mbal Pem Nagawan uruk nak woraso iri na pesel ubuwakluk at-nen idnak san ombo onowe misik ibil lobok yij-o. Iri yamu, erep-nen-e Nagawan Indo Kembal Pem Nagawan-e at pesel ibiga iri-ge kulidnak me, at pesel obogolat wene wirik pidnak nab-e enpem angin worak mberak puwag-o. Iri ala-ge, nit nap unluk worali enmanggim tepan nak yi-o” luk yak tij-o.

NDAWI ENGGA 42:2

An-e Mbal Pem Nagawan uruk nak woraso iri na nere-nen nindi eberek yusu yu-ge mepme-nen at ama mbirimindik, erembel wanimin-o?

MBIRIGA WENE 17:7

Iri me-nen Isarael nap-nen Nagawan Indo indi ngarogolar-e: ”Ndemeret Nagawan Indo-ge ninmin worasu, lak?” yidnak sa ala karuk, o iri na unu-ge Masa yariga-o. Nde, Isarael nap-nen Musa met pidnak sa ala karuk, unu misig-e Meriba yariga-o.

MBIRIGA WENE 3:8

Iri ala karuk-nen an-e Mesira nap iri ininggiyapma-nen wisirik unpuruk, o terak wolmomtak sa mbi me inmin mbereyekluk-nen yu me mbuwagi-o. Nde, o iri me nggweyag-e mondok amburu worak, yi mende ndi mende na kwarar-o. Nde, yawo o iri me-ge Kanaan nap min Et nap min Amori nap min Peris nap min Ewi nap nim Yebus nap min worali-o.

MBIRIGA WENE 33:2

Mborogola-ge, kit lit kunpuruk mburuwakluk aid nap misik pil lobok yimin-o. Nde, an-nen-e Kanaan nap min Amori nap min Et nap min Peris nap min Ewi nap min Yebus nap min-e an-nen langgara wirik inpimin-o.

YESAYA 7:14

Yawo-ge Nagawan Indo ondomok-nen kit-nen yenggerak purak mirik Konposolar-e: kwe ndugum abila misik-nen liap misik ndaguruk, unu-ge Imanuel yaruwa-o.

OSEA 1:10

Nde, Isarael nab-e sisiri nggal kwat yogolar-e, ndak worogolat, wonarogolat yurag-e meya irit ma-o. Nde, yawo Mbal Pem Nagawan-nen it yak ondosolar-e: ”Kir-e an nilirag-e lag-o” luk yak undusu-o. Alat nde, abok at-nen yosolat: ”An-e kit Kenmbal Pem Nagawan nuruk nak woraso-nen yusu-o. Nde, kir-e an nilirak-nen yili-o” luk yurak tarem-e wok ma-o.

WONARIDNAK WENE 13:29

Nde, Amalek nab-e o iri me-nen-e abare ena nggwe (selatan) worali-o. Nde, Et nap min Yebus nap min Amori nap min it iri-ge iri me-net nde, ndobo worak nggwe worali-o. Nde, Kanaan nab-e yi koma inggi nggwe min Yi Yareren urusu umbut linik worali-o” luk yiga-o.

MATIUS 16:16

Yosoloma-ge, at Simon Peterus-nen wene erep nggarosolar-e: ”kar-e Kerisut, uruk nak woraso Mbal Pem Nagawan Ambara-nen yusu-o” luk yij-o.

YOANES 6:69

Mbal Pem Nagawan eram-nen lobok yidnak konak nab-e kat-net yusu-o nenaru luk, kat kebem ninndi angin tubu yili-o” luk yak tij-o.

TUGURUK YIDNAK WENE 31:17

It nde iri nggal kwarogola-ge, an nisilepma-ge mondok kwarat enpem posolat, keya onposolat mondok lak tak inpimin-o. Lak tak onposo mende kwarat mondok kwiye worak enpem posola-ge, it-nen peragolar-e: ’Yu-ge Nenmbal Pem Nagawan-net kwat nunpusu kagi-o. Ar-e abu keya nenpamu-o’ luk enaru ma-o.

TUGURUK YIDNAK WENE 7:1

Musa-nen yosolar-e: ”Nagawan Indo Kenmbal Pem Nagawan-nen-e o kit pim wolmomtak sa urul yid iri na me kinmin mburuwa-o. Iri yosolar-e, iri me woragwi nap enlem kwarat maga wirik unpuwa-o. Kit kenlengen pem-et ir-e kenpe na marig-et, kenmawi na lag-et nde, ap enlem tuju mondok terak minik nggok, enmawi worak irit maga wirik unpuwa-o. Nde iri-ge Et nap min Nggirigasi nap min Amori nap min Kanaan nap min Peris nap min Ewi nap min Yebus nap min irit sera wirik unpuwa-o.

TUGURUK YIDNAK WENE 7:21

Iri ala kir-e ap enlem ereba-ge mondok enaye yurak pug-o. Nagawan Indo Kenmbal Pem Nagawan-nen nggetlel kunpuruk nusu-o. At iri-ge Mbal Pem Nagawan nggok kwiye worak-nen yusu-o.

1 TESALONIKA 1:9

Are, iri wene kuliga nap it ondomok-nen kenggera yak nondogolar-e, nir-e kit kendam wok yogola-nen wok ninpigep wene min kit nanduk kugiwak kwarugwi keya buruk, nden karuk Mbal Pem Nagawan ambigit nggwe lobok yigep wene min ndemeret uruk nak woraso Mbal Pem Nagawan ndegel ibili wene min

IBERANI 10:31

Nde, urug-et woraso Mbal Pem Nagawan inggem nunpuwa iri-ge mondok meya lombog-o!

YOSUA 24:11

Iri lug-e, kir-e Yi Yareren mbatluk, Yeriko wok yogola-ge, Yeriko nap-nen kinmin wim mbariga-o. Iri nggal-et, Amori nap min Peris nap min Kanaan nap min Et nap min Nggirigasi nap min Ewi nap min Yebus nap min-nen kinmin wim mbariga-t nde, an-nen it pidsa urugwe nggwe rak unpuruk, kir-et ombol nggwe rak kinpigi-o.

YOSUA 3:9

Yosoloma, Yosua-nen Isarael nap wene mbo unpuruk-nen yak ondosolar-e: ”Nagawan Indo Kenmbal Pem Nagawan-nen kenpem puwa wene-ge kwara kolobok-nen lobok yer-o.

YOSUA 9:1

Yareren eyak ponok mo mboso (barat) nggwe woragwi nagawan oboksa min ndobo worak nggwe woragwi nagawan min Yi Koma Nggok iri na eyak eyak-nen kundugu nok mberarik Yareren eyak ponok nggwe Libanon ndobo bem-nen lingsa ereba me woragwi nagawan, Et nap min Amori nap min Kanaan nap min Peris nap min Ewi nap min Yebus nap min nagawan ereba na-nen-e Isarael nab-e pempa ombol nggwe nak yili ereba na wene kuliga-o.

1 SEMUEL 17:26

Yogola, Ndaut-nen yosolar-e: ”Elem nin nap Pilisin nap yu-ge Mbal Pem Nagawan Uruk nak Woraso-nen idnak esan ombo inmin amawi wal kudtak pem kwiye lag-et nggweyel unpusu yu-ge ngge-o?” luk at-nen san ombo misik kin wok obosolar-e: ”Pilisin nap iri worosola, Isarael nap pesel unpusu iri lak tak puwa nap iri-ge onggo-ge no mende wok tuwa-o?” luk kin wanij-o.