YOSUA 24:32 - Nanduk Ngget Tul Pidnak Wene

³² Sikem nggweyak Yakup-nen Sikem eid Emot ilirak enpem perak tol seratus (100) pem onggo pid iri na me-ge Isarael nap Mesira-nen lobok yogolat, Yusup owak waruk lobok yiga iri na-ge Sikem iri me yapma piga-o. Nde, Sikem nggweyak iri-ge Yusup-nen wigarak ombo rak inpiga-o.

YOSUA 24:32 ပူးပေါင်းရင်းမြစ်များ

NDAK WIRIDNAK WENE 33:19

Nde, nggweyak o lije wirid sa iri-ge onggo-ge perak tol seratus pem ap Sikem eid Emot-nen wigarak enpem onggo pij-o.

NDAK WIRIDNAK WENE 48:22

Amori nap ininggem-nen nesan pem, neyalawi bem-nen mengga wanigi o Sikem nggweyak amburu worak iri-ge kat kowerag-e wok indigit lag-o. Are, kar-et wok kurusu-o” yak tij-o.

NDAK WIRIDNAK WENE 50:24

Woralar-e, at-nen owerak yak ondosolar-e: ”An yawo-ge wat yurag-e panggorak worasu-o. Alat nde, Mbal Pem Nagawan-nen-e kir-e ndegel konposolat, o yu me-nen lit kunpuruk, ’Abarakam min Isak min Yakup min wok indimin-o’ luk urul yak ondosolat owak mbarid sa iri na me-t kinpil mburuwa-o” luk yak indij-o.

NDAK WIRIDNAK WENE 50:25

Iri yak unduruk yarig-e, owe owot yak ondosolar-e: ” ’Mondok irit mul-o’ luk owak mbarer-o. Kit nde Mbal Pem Nagawan-nen lit kunpuruk o iri me nde mborogolar-e, an norogag-e mondok waruk mbururag-o” yak indij-o.

MBIRIGA WENE 13:19

Nde, nanduk Yusup uruk woralar-e, ”Warug-et mburul-o luk owak mbarer-o” luk Isarael nap yak indidnak me, Musa na mborosolar-e, Yusup owak na-ge waruk mbirij-o. Nanduk Yusup-nen-e yu nggal yak indij-o: ”Nagawan Indo-nen nde wisirik konposola mborogolar-e, an nowag-e yu me nen waruk mbururag-o” luk yak indij-o.

YOANES 4:5

Yesus na wasolar-e, o Samaria iri me o siri Sikat iri me wok yij-o. Nde, Sikat iri-ge nanduk Yakup-nen at ambara Yusup wok tidnak nggweyak iri na korok korog-o.

YIDNAK YIDNAK WENE 7:15

Alama-ge, Yakub na-ge Mesira wi mbij-o. Mburug-e, at min nit nenlawingga min-e wat yogola-ge,

YIDNAK YIDNAK WENE 7:16

ontogwag-e o Sikem wi waruk mbirigarig-e, Abaram-nen Sikem nap Emot ilirak enpem kerep tol pem onggo pidnak sa iri me-t yapma inpiga-o.

IBERANI 11:22

Nde, Yusup na indi angin tubu yidnak pem-net ar-e wat eyekluk yosolat-nen Isarael nab-e Mesira wi keya buruk mbururak wene yak unduruk, ”Mborogolat-nen-e an nowag-e iniksa kwarugup na-e” luk yak indij-o.