YOSUA 24:24 - Nanduk Ngget Tul Pidnak Wene

²⁴ Yosoloma, Isarael nap-nen Yosua yak togolar-e: ”Nir-e Nagawan Indo Nenmbal Pem Nagawan nak ndegel obogolat, at-nen nenpem pidnak nak kwarogolat wulmul-o” luk yiga-o.

YOSUA 24:24 ပူးပေါင်းရင်းမြစ်များ

MBIRIGA WENE 19:8

Yak ondosoloma, it pidsa-nen: ”Nagawan Indo-nen yak nindid iri-ge kwarul-er-o” luk it oboksa-nen enne leksa nak yogola, onggo yiga iri na-ge Musa-nen Nagawan Indo yak tij-o. Yosoloma, Nagawan Indo-nen Musa yak tosolar-e: ”An-e nggan nggan kwarat-nen muruksa kendam lobok yimindik, kimin wene yosola-ge, ap-nen kologolat iri-net inndi-ge kat kebem wat tak puruk wolma-o.

MBIRIGA WENE 24:3

Iri luk, Musa na it endam mberarig-e, Nagawan Indo-nen watsa yak indid wene min it-nen kwarurak mururak enpem pidnak wene oboksa min yak indij-o. Yak ondosoloma-ge, it-nen misik tarem-et nak enne leksa yogolar-e: ”Nagawan Indo-nen yid irit oboksa kwarul-o” yiga-o.

MBIRIGA WENE 24:7

Iri rak purug-e, Nagawan Indo-nen urul yak indidnak wene mbarak iri na wanosolar-e, ap ereba na kuluwakluk ene nggoksa wonarosola-ge, it-nen yogolar-e: ”Nir-e pempa Nagawan Indo-nen yidnak yidnak kwarogolar-e, at-nen nenpem pidnak oboksa kwarogolat wulmul-o” yiga-o.