YOSUA 24:2 - Nanduk Ngget Tul Pidnak Wene

² Wok yogola, Yosua-nen it yak ondosolar-e: ”Nagawan Indo Isarael nap Kenmbal Pem Nagawan-nen yak kunduwa wene-ge kwara kulurag-o. At-nen yosolar-e: ’Nanduk konmborag-e yi Eperat eyak ele bem woragolar-e, kugwiwak erembel wanogolat woraiga-o. Nde, it ennggendumu ap misig-e Abarakam min Naot min ineid Tera irir-o.

YOSUA 24:2 ပူးပေါင်းရင်းမြစ်များ

NDAK WIRIDNAK WENE 11:27

Tera-nen wigarag-e yu-o: Tera iri-ge Abaram min Naot min Aran min ineid. Nde, Aran na-ge ambara mbi unu-ge Lot.

NDAK WIRIDNAK WENE 31:19

Nde, iri tarem-e Laban na-ge olomba wam usu mbarosolat, wam parugu woraso sa ereba worala-ge, Arakel-nen-e eid Laban ogwela inmin inmiri yoso ugugwiwak kuraguruk mbirij-o.

NDAK WIRIDNAK WENE 31:30

Kar-e ndemeret kindi kama mbururak wat tak puruk lobok yigen iri-ge ob-et nde, kar-e noluk-nen an nogwela inmin ninmiri yoso kugwiwak iri-ge waruk lobok yigen-o?” yak tij-o.

NDAK WIRIDNAK WENE 31:32

Alat nde, kugwiwak iri-ge an-e naru bug-o. Nenaptak yu inmbiri bem-et kat-nen nak limbini-o. Ta-nen nde wanidnak ala karug-e, at iri-ge mondok wururag-o” yak tij-o. Iri yid iri-ge Arakel-nen kugwiwak iri yariya wanarik worasu iri-ge aru buk-nen yij-o.

NDAK WIRIDNAK WENE 31:53

Nde, Abarakam-nen kek tak poso Mbal Pem Nagawan, an neid Naot-nen kek tak poso Mbal Pem Nagawan iri na-nen-e nit nenpem wene mbaroso nap kwat ma-o” yosoloma, Yakup-nen yosolar-e: ”Mondok kirimin pug-o” luk eid Isak-nen kek tak poso Mbal Pem Nagawan iri na unu bem owak mbarij-o.

NDAK WIRIDNAK WENE 35:4

Yosoloma-ge, it-nen-e erembel wanugwi mende nin ut memera ndak wosa bidnak ereba na oboksa Yakup eram piga-o. Iri-nen it eneyanggo sumbanok min-et yonggora eram pogola-ge, Yakup-nen-e ereba na oboksa-ge o Sikem siri iri na koroga ereba me e nggok misik indipma yapma bij-o.

LUKAS 3:34

Yakup ambara, Isak ambara, Abaram ambara, Tera ambara, Nagot ambara,

TUGURUK YIDNAK WENE 26:5

Iri yosola-ge, kat-nen Nagawan Indo imbiri bem wene-ge yu nggal yurag-o: ’Nagawan Indo wa-e. Nombo-ge Aram nap, we yeba nak waring kaso nab-o. Elirak inmin Mesira mberarik, iri me ap sal nggal irit woragij-o. Mondog-et iri me mborosolar-e, enpe-ge marig-et mbiriga-t nde, ap enlem mondok nggok enmawi worak irit kwat yiga-o.

YOSUA 24:15

Kit-nen nde Nagawan Indo ndegel uburak kinmbit ala-ge, yawo-net wene nggaruksa yogolar-e: ’Nir-e irit ndegel obogolat wulmul-o’ luk, unu yarurag-o. Kir-e konmborak nanduk Mesopotamia woragolat-nen erembel wanugwi kugwiwak ereba na erembel wanugub-a? Are, Amori nap unuwi nggweyag-e yawo kit worali yu-nen erembel wanugwi kugwiwak ereba na erembel wanugub-a? Alat nde, an min an nama woragwi nap inmin perak nde, Nagawan Indo nak ndegel obogolat wulmul-o” luk yij-o.