YOSUA 24:11 - Nanduk Ngget Tul Pidnak Wene

¹¹ Iri lug-e, kir-e Yi Yareren mbatluk, Yeriko wok yogola-ge, Yeriko nap-nen kinmin wim mbariga-o. Iri nggal-et, Amori nap min Peris nap min Kanaan nap min Et nap min Nggirigasi nap min Ewi nap min Yebus nap min-nen kinmin wim mbariga-t nde, an-nen it pidsa urugwe nggwe rak unpuruk, kir-et ombol nggwe rak kinpigi-o.

YOSUA 24:11 ပူးပေါင်းရင်းမြစ်များ

NDAK WIRIDNAK WENE 15:19

Keni nap min Kenas nap min Katmon nap min

NDAWI ENGGA 105:44

Ap enlem erep ereba na unuwi nggweyag-e it wok ondosolat, it eneyabu min-et at ilirak enarengge rak posolat kwarij-o.

NDAWI ENGGA 114:3

Yi Koma Nggelaga-nen-e at yik karug-e kwiye mberamu-o. Yi Yareren mboroso iri na-ge mbirigit lak, ndong yamu-o.

NDAWI ENGGA 114:5

Yi koma wa-e. Kar-e no karuk-nen kwiye mbirigen-o? Yi Yareren wa-e. No karuk-nen kar-e mbirigit lak, ndong yigen-o?

MBIRIGA WENE 13:5

Nagawan Indo-nen Kanaan nap min Et nap min Amori nap min Ewi nap min Yebus nap min unuwi nggweyak konmborak owak mbara yarik wok indid wi yi mende ndi mende na kwarat, nggweyak na amburu worak iri na me Nagawan Indo nen wok kunpuruk mburuwama woragolar-e, pempa olengen ndak wosa waneya Abib yu bem-e kir-e oroti lomboroso mende pigit lak oroti woraga nonggolat woragup na-e.

MBIRIGA WENE 23:23

An-nen idnak aid nab-e lit kunpuruk mburuwarik, Amori nap min Et nap min Peris nap min Kanaan nap min Ewi nap min Yebus nap min woragwi sa kinpil mburuwa-o. Nde, ir-e an nen labera lak tak inpimin-o.

MBIRIGA WENE 23:28

Kunuwim nab-e nari wari rak inpimin-o. Ewi nap min Kanaan nap min Et nap min-e it konowak ket wuruwa naru, kendam-nen langgara wirik inpimin-o.

MBIRIGA WENE 23:31

Nde, an-nen kit wolmomtak nggweyak mbal kondosolar-e, yi Akaba koma kuri-nen yi Eperat kuri iri-nen yi koma enggendumu (Laut Tenga) kuri-nen ap lak kuri irit mbal kindimin-o. Nde, kit-nen iri me woragwi nap wirik unpurak pem-e an-nen namawi wok kundumu, kit-nen it inmin wim mbarogolar-e, langgara wirik unpuruk, kit-nen nggweyak iri-ge tenakub-o.

MBIRIGA WENE 3:17

Nde, an-e it anggun panggun tak inpili Ia Mesira-nen lesa wok unpuruk, o nggweyak na amburu worak, yi mende ndi mende na kwarat sa mbi me wok unpuruk mbururak wat tak pigirik worasu-o. Nde, o iri me-ge Kanaan nap min Et nap min Amori nap min Peris nap min Ewi nap min Yebus nap min unuwi nggweyag-o.

MBIRIGA WENE 3:8

Iri ala karuk-nen an-e Mesira nap iri ininggiyapma-nen wisirik unpuruk, o terak wolmomtak sa mbi me inmin mbereyekluk-nen yu me mbuwagi-o. Nde, o iri me nggweyag-e mondok amburu worak, yi mende ndi mende na kwarar-o. Nde, yawo o iri me-ge Kanaan nap min Et nap min Amori nap min Peris nap min Ewi nap nim Yebus nap min worali-o.

MBIRIGA WENE 33:2

Mborogola-ge, kit lit kunpuruk mburuwakluk aid nap misik pil lobok yimin-o. Nde, an-nen-e Kanaan nap min Amori nap min Et nap min Peris nap min Ewi nap min Yebus nap min-e an-nen langgara wirik inpimin-o.

YIDNAK YIDNAK WENE 13:19

Iri lug-e, o Kanan woragwi nap, ap enlem tuju iri na lak tak unpurug-e, at-nen nggweyak na-ge it onggweyak makluk, nit nenlawingga wok indij-o.

YIDNAK YIDNAK WENE 7:45

Nde, o iri na-ge it ineidtak-nen nit nenlawingga ininggem pikma-ge, Yosuwa-nen lit unpuruk o yu me ngguwagolar-e, o iri na-ge waruk lobok yiga-o. Nde iri-ge, it onggweyak winde yuwakluk Mbal Pem Nagawan-nen nit nenlawingga enmanggim enlem nin nap ereba langgara wirik inpid kuri-nen Ndaud woragaid kuri-ge o iri na woragaij-er-o.

TUGURUK YIDNAK WENE 7:1

Musa-nen yosolar-e: ”Nagawan Indo Kenmbal Pem Nagawan-nen-e o kit pim wolmomtak sa urul yid iri na me kinmin mburuwa-o. Iri yosolar-e, iri me woragwi nap enlem kwarat maga wirik unpuwa-o. Kit kenlengen pem-et ir-e kenpe na marig-et, kenmawi na lag-et nde, ap enlem tuju mondok terak minik nggok, enmawi worak irit maga wirik unpuwa-o. Nde iri-ge Et nap min Nggirigasi nap min Amori nap min Kanaan nap min Peris nap min Ewi nap min Yebus nap min irit sera wirik unpuwa-o.

YOSUA 3:10

Kit-nen nde kunuwim nap enpem-et kore yogola-ge, Nagawan Indo-nen-e Et nap min Ewi nap min Peris nap min Nggirigasi nap min Amori nap min Yebus nap min ereba-ge Nagawan Indo-nen-e mondok maga wirik unpuwa-o. Nde, Nagawan Indo mbal min nggweyak min ombol pem kek tak iri-nen idnak urul pidnak wene labu mbarak iri nde nandug-et Yi Yareren mbatluk ndil lasola-ge, ’Nagawan Indo uruk nak woraso iri na-ge nennggendumu worasu-o’ luk kenaru yugub-o.

YOSUA 4:1

Nde, Isarael nap oboksa Yi Yareren eyak ele bem ndil laigarik woragola, Nagawan Indo-nen Yosua yak tosolar-e:

YOSUA 4:19

Nde, Isarael nap Yi Yareren mbatluk eyak ele bem wok yiga-ge waneya anggul-et tanggal sepulu iri bem wok yiga-o. Wok yogolar-e, unuwi lije-ge o Nggilnggal iri me wiriga-o. Nde, o Nggilnggal iri-ge Yeriko-nen-e mo luwaso (timur) ambigir-o.

YOSUA 4:23

Kit ndegera eyak ponok nggwe ndil womakluk, Nagawan Indo Kenmbal Pem Nagawan-nen kit kenmanggim Yi Yareren yu eberek tak pamu-o. Iri kwarid iri-ge nit nenmanggim Telaga Koma eberek tak pid iri na nggal-et kwarij-o luk yak undurag-o.

YOSUA 9:2

Kulurug-e, nagawan ereba oboksa lambuk yogolar-e, Yosua min Isarael nap min inmin wim mbarurak inndi misiget yiga-o.