YOSUA 2:18 - Nanduk Ngget Tul Pidnak Wene

¹⁸ Mbigija-ge, kat-nen yu nggal kwarurag-o: Nit abok nde o yu bem mbud yogola-ge, kar-e kere mimi yu-ge nit kerebara mberak nunpusu papalo tumende yu bem-nen para mberak puruk, keid kiya min kowe kowot min keid owe owot oboksa min kat-nen mondok ndok wosa o yu me nak unpurag-o.

YOSUA 2:18 ပူးပေါင်းရင်းမြစ်များ

NDAK WIRIDNAK WENE 12:2

Nde, an-nen-e kat-nen wigarak kwarat tak pumu-ge, it iri-ge ap enlem nggok irit kwat ma-o. Nde, an-nen-e kimbiringgat tak kobosola, kanggu kobok mborosolar-e, kar-e imbiringgat kwat yugun-o.

NDAK WIRIDNAK WENE 7:1

Nagawan Indo-nen Nu yak tosolar-e: ”An-nen kasolar-e, kat karik karag-et nak an nindi-n pidnak kwarosola keyasu-o. Iri bem-e kat kogwe min kelirak onkwela inmin-e kit nak ndigi ndegesa e koma wi wirigen iri arem nggwer-o.

MBIRIGA WENE 12:13

Nde, wam eyabi kunuwi tumende bem ndarugup iri na karug-e, kir-e iri me worali-o luk yenggerak pimin-o. Mesira nap ondosolat, kir-e kindigit lak, we wot nak keneyamin-o.

LUKAS 19:9

Iri yosoloma-ge, Yesus-nen at yak tosolar-e: ”Kar-e Abaram-nen wigarak me, yawo-net kat min kat kama woragwi nap min Mbal Pem Nagawan-nen kinmiri yij-o.

YIDNAK YIDNAK WENE 10:27

Yuruk, at imin wene ndiril ndiril ma nggwidnggal-e, ap kwarat ndok worak worakmu eneyagaij-o.

YIDNAK YIDNAK WENE 10:33

Iri bem-nen an-e ndaget nak yonggo kubukmu, kar-e kalen min-et lobok yigen-o. Nde, Nagawan Indo-nen kebem pidnak wene oboksa kuluwokluk nit pidsa Mbal Pem Nagawan imbiri bem ndok wirigerik worali yur-o” luk yij-o.

YIDNAK YIDNAK WENE 11:14

At iri-nen-e kat min kat kama woragwi nap min kinmiri yurak wene irit yak kunduwa-o’ luk yak tij-o.

2 TIMOTIUS 1:16

Pempa an nindi kondok tak posolat woraidnak me, Nagawan Indo-nen-e Onesiporus ama woragwi nap inmin-e unpud kasolat wolmag-o. An-e o kubu me worasu yu bem-e Onesiporus na inggiri kagit lag-o.

IBERANI 9:19

Nde, Musa-nen-e imiri mbarak pidnak wene bem-nen ”Iri nggal kwaru-o” yidnak wene oboksa-ge Isarael nap iri na yak ondosoluk, at-nen-e sapi wam marik eyabi min kambing wam kusi eyabi min wanuruk, yi amburu puruk, lomba wam usu mimi min isop angga min ebem puruk, eyabi iri-ge imiri mbarak pidnak engga na bem nggweyel karuk, ap ereba na oboksa enpem nggweyel kagaij-o.

YOSUA 2:21

Yogoloma, Arakap-nen-e it-nen yiga iri na-ge ”Ob-er-o” yosoloma, it na mborogola-ge, Arakap-nen-e kere mimi iri na-ge uwi papalo tumende bem-nen para mberak pij-o.

YOSUA 6:23

Iri yak ondosoloma, ap mberen ya na mbirigarik, Arakap min owe owot min eid ija min owe owot erep min inmin o ma-nen waiga-o. Nde, Arakap owe owot oboksa inmin ndegel unpugwi nap inmin-et it indigit lak yurak sa Isarael nap unuwi wiridnak sa koroga ndok wosa inpiga-o.

YOSUA 6:25

Nde, ap mberen enlengen waruk Yosua-nen Yeriko wirik inpid inmiri yid iri na bem-e kwe Arakap terak yebugwi kwe iri na min at owe owot oboksa Yosua-nen inmiri yij-o. (Keya inpid iri na-ge yawo-nen na Arakap-nen wigarag-e Isarael iri me woralir-o.)