YOSUA 2:1 - Nanduk Ngget Tul Pidnak Wene

¹ Nde, misik tarem-e Nun ambara Yosua-nen-e o Sitim iri me-nen ap mberen enlengen waruk Kanaan wi wirik inpij-o. Wirik onposolat-nen yak ondosolar-e: ”We mbik mbok nak Kanaan wi min nggog-e o siri Yeriko min kwara mbenarurag-o” yak ondosoloma-ge, ap mberen ya na-ge mbiriga-o. Mbirigarig-e, kwe terak yebil nugwi unu-ge Arakap iri na ama nene yiga-o.

YOSUA 2:1 ပူးပေါင်းရင်းမြစ်များ

NDAK WIRIDNAK WENE 42:16

Kit kennggendumu ap misik-nen konowot iri wil mbururag-o. Nde, kit ereb-e yu me-t tena kunpuruk worasoma, kit-nen yigep iri na ndak ndag-et kwat yosola, lerak keya kunpurag-o. Lak nde ala-ge, Pirayon unu bem yak kundusu-o. Kir-e nunduwokluk o yen nugwi nab-er-o” yij-o.

NDAK WIRIDNAK WENE 42:9

Iri lug-e, at-nen nanduk nabi it inmin kagaid ereba na indi yebet karuk-nen yosolar-e: ”Kir-e o yu me nunduwokluk mbenat ninpil kenlengen waruk lobok yigepndik keneyagi-o” yij-o.

MIKA 6:5

Nilirak wa-e. Moap nagawan Mbalak-nen kit kwat kunpurak yemnak puruk worala, Mbeyot ambara Mbileyam-nen-e wene onggo yak tid iri na kinndi yebet ker-o. Kit lobok yogolat tu ndumu kit woraigen sa o Sitim wok, Nggilnggal wok, ereya lobok yogolat kwat yidnak ereba na mbi kinndi yebet ker-o. Kit-nen nde ereba kwat kinpigi ereba na oboksa yebet kagolat nggal-nen-e an-nen kinmiri yosolat kwat kinpigi ereba-ge ’O! Iri nggal kwat ninpigen-o!’ luk yebet kudtag-et nde yili-o” luk yak indij-o.

WONARIDNAK WENE 13:1

Nde, misik tarem-e Nagawan Indo-nen Musa yak tosolar-e: ”Kat-nen Isarael nap enlem duabelas iri ennggendumu enne kulugwi nap nak ya lit nda lit ap duabelas lini-o. It-nen an-nen Isarael nap wok indimin Kanaan wi iri na limbinil mburuwak-nen lenak inpi-o” yak tij-o. 13:3-24 Ayat ya arem-e Kanaan wi o yen wil mbiriga nap ereba na unnu mbarak min Musa-nen it yak indidnak wene min mbarak worasu-o.

WONARIDNAK WENE 25:1

MATIUS 1:5

Salmon ogwe Arakap imin-nen-e Mboas ndet ibiga-o; Mboas ogwe Urut imin-nen-e Obet ndet ibiga-o; Obet-nen-e Isai ndagaid;

MATIUS 10:16

”Yu nde ker-o. An-nen wirik konposolar-e, lomba wam-e ndakngge enggendumu wirik pugwi nggal wirik kunpusu-o. Iri bem-e, kir-e kinndi tenggerak waro nggal woragolat, kinndi yanggonak towe merpati nggal woragolat mer-o.

EPESUS 5:5

Kit-nen ”Iri-ge ndemeret wene-o” luk peragolat wolmomtak wene-ge yu-o: Mbabi yugwi nap min kop kap tobok tak woragwi nap min ukwe ukwe yugwi nap min (Nde, ukwe ukwe yugwi iri-ge kugiwak erembel wanugwi nggal-nen yusu-o) iri kwarugwi nab-e Kerisut min Mbal Pem Nagawan min-nen tenagaidnak wi-ge winde ma bug-o.

IBERANI 11:31

Nde, terak yebugwi kwe Arakap na indi angin tubu yidnak pem-net o yen wil lobok yiga nap na kona wok inpidnak pem-e it Mbal Pem Nagawan ene kuruk tugwi nap ereba na lak tak onpogolar-e, kwe na wirigit lak yiga-o.

YAKOBUS 2:25

Iri nggal, ndumu terak yebugwi kwe Arakap iri-nen kwarosolar-e, enlengen waruk wirik inpidnak nap na kubu unpuruk, tu nin nggwe wirik inpid iri bem-e Mbal Pem Nagawan-nen Arakap na-ge lud tak nak tak ibid irir-o.

YOSUA 1:18

Ta-nen nde kat-nen nenpem pugun wene ereba na eyak worosolat, are, kat-nen yugun wene nde kuligit lak yosolat kwarosola-ge, mondok wururag-o. Nde, kar-e mondok kwiye lak, tugup lak irit wolmin-o” luk yak tiga-o.

YOSUA 2:2

Nde, Yeriko nagawan iri na-nen kolosolar-e: ”Isarael nab-e yawo kubu nit nenma yu enlengen waruk lobok yigarig-o” yidnak wene kulurug-e,

YOSUA 3:1

Nene luk kub-e kubu kabu Yosua min Isarael nap oboksa min men yogolar-e, it unuwi lije wutluk woraiga sa Sitim keya burug-e, Yi Yareren eyak pem mbirigarik, it-nen Yi Yareren mbarurak tarem wok makluk iri me o lije wiril lobok luk woraiga-o.

YOSUA 5:10

Yeriko koroga mbirikmu Nggilnggal iri na me o lije ma woragolar-e, Isarael nab-e waneya anggul-et iri na bem-e keyama nggwe tanggal empat belas pem-e O Anggul Pandok Mbiridnak Tarem yebet kagolat saiga-o.