YOSUA 10:13 - Nanduk Ngget Tul Pidnak Wene

¹³ Yosoloma-ge, mo na ndong yosolat, waneya na konoksa nin me mbirigit lak yosolat irit kwasa worala-ge, Isarael nab-e unuwim nap urugwe nggwe rak inpiga-o. Nde, iri kwaridnak wene-ge engga Yasat arem mbarak worasu-o. Mo na ndong tak woralar-e, o misik tarem aptusa ndong tak worasolar-e, siyak kwarat woraruk-net tuguruk woroksa nggwij-o.

YOSUA 10:13 ပူးပေါင်းရင်းမြစ်များ

2 SEMUEL 1:18

Nde, at-nen-e: ”Ndawi yu-ge Yewura nap mirik unpurag-o” luk yak indij-o. (Nde, ndawi yu-ge engga Yasat arem mbarak worasu-o.) Ndaut-nen ndawi yosolar-e:

2 NAGAWAN NAGAWAN-NEN KWARIDNAK WENE 20:10

Yosoloma, Isikia-nen yosolar-e: ”Mo amorok obo sepulu kwid turuk mbururak iri-ge mboroso me, te-nen yusu-o. Alat nde, tuguruk nden karuk obo sepulu kwid turuk mbururak iri perak nde mirik nuburag-o” luk yak tij-o.

NDAWI ENGGA 148:3

Mo min waneya min wa-e. At nak erembel waner-o! Wonaru abinal worak wa-e. At nak erembel waner-o!

NDAWI ENGGA 19:4

enne anggungga-ge yi wi ndi wi lung yusu-o. It-nen yidnak wene-ge o kuri nggweyak kuri wok yij-o. Nagawan Indo-nen-e molengen amanggim o-ge mbal pem iri me wirij-o.

YOEL 2:10

Nde, enpem mbud yuwokluk it mborogola-ge, nggweyak min lele yosolat, mbal min tugup yosolat, iri kwarosolar-e, waneya min mo min-e mondok lumu yosolat, wonaru yaya min-et lak yusu-o.

YOEL 2:31

Molengen mom ki yosolat, waneya-ge mep worok yosolat kwaruwa-o. Nde, ereba kwat ma iri-ge Nagawan Indo-nen idnak tarem mondok kwiye worak kwiye-nen enaboro min linggi yurak iri na awo wok yigit lak ma nandug-et kwat ma-o.

YOEL 3:15

Mo min waneya min mom ki yosolat, wonaru na eyaya lak ma-o” luk yij-o.

ABAKUK 3:11

Kat kamare abinal-e ndag-et nak abinal nggwerek luk mborosolat, kuwuru abinal yerek nggwerek mborosolat, iri yosola-ge, mo min waneya min-e ondolma-t tugup lak nak yosolat kwarij-o.

MATIUS 24:29

”Andi bandi rak unpuwa tarem iri na lak yosoluk ereya na-net molengen ndamuk yosolat, waneya na eyaya pil wagit lak yosolat, wonaru na mbal pem-nen mbuwasolat, teram amawi rak poso mende na nari wari mbosolat ma-o.

MATIUS 5:45

Iri kwarugup pem-e kit kineid aid arem woraso ilirak tugub-o. Kineid iri-nen at omolengen yemberak pil lobok yosolar-e, meya nap enpem na irit, konak nap enpem na irit, poso-o. Nde, talme engen pil mbuwasolar-e, lud tak nak kwarugwi nap enpem na irit, meya nak kwarugwi nap enpem na irit, pil mbuwaso-o.

LUKAS 18:7

Nde, at lenak inpidnak nab-e kubu-nen lengge-nen at emengen mbal tenak wolma nap iri-ge Mbal Pem Nagawan-nen wene kona wok unduwa buk kali-a? It yongga ondosolar-e, ndan-et yongga unduwa nde kali-a?

YIDNAK YIDNAK WENE 2:20

Nde, Nagawan Indo-nen idnak Tarem, nggulok abinal worak Tarem iri wok yigit lak ma-ge, molengen na lumu yosolar-e, mom ki yosolat, waneya na eyabi worak yosolat ma-o.

YOSUA 10:11

Nde, iri kwasa Amori nap kwiye mbukmu-ge, Nagawan Indo-nen talme engen pem-nen indil indil-e Aseka wok yiga-o. Nde, iri indij-e wim nggogolat-nen indiga-ge mariger-et nde, talme engen pem-nen indij-e, mondok terak minig-et indij-o.

YOSUA 10:14

Iri kwarid iri nggal-e nanduk na mbi kwat yigit lak, abok-nen na mbi kwat yigit lag-er-o. Iri kwarid iri-ge Nagawan Indo-nen ki nap indi-n pidnag-et kwarosolat-nen kwarij-o. Iri-ge Nagawan Indo Isarael nap enambigit yosolat-nen wim mbarij-o.

NAM PARA WENE 21:23

Nde, o siri iri me-ge Mbal Pem Nagawan abinal-nen yaya rak posolat, tal ebe-ge Lomba Wam Marik-net yusu me, o siri iri me-nen-e mo min waneya min eyaya ukwe-ge mondok lag-o.

NAM PARA WENE 6:10

It iri-nen enne ngguloksa yogolar-e: ”Kamawi Mondok Kwarat worak, lenak irit woraso, lud tak nak kwaroso Nagawan Indo wa-e! Nunggurik woraruk-nen nggweyak ma woragwi nap enpem wene mbatluk, nit nindiga onggo pugun-o?” luk yiga-o.

NAM PARA WENE 6:12

Iri luk, an-nen yik karok worasoma-ge, Lomba Wam Marik iri-nen lop nok tak pugwi mende imbirik (yang keenam) iri pinggirij-o. Ponggorosola-ge, o lele mondok kwiye worak yosolat, molengen na miri tup luk, kolpo woraga labuk yidnak nggal yosolat, waneya na mimi luk, mep tam yosolat,

NAM PARA WENE 8:12

Iri luk, aid nap imbirik (yang keempat) iri-nen oboba ene pu yosola-ge, mo erep menggesa (sepertiga) lel kasola, waneya erep menggesa (sepertiga) min wonaru erep menggesa (sepertiga) min lel kaidnak me, yaya erep menggesa (sepertiga) ndamuk yosola-ge, lengge erep menggesa (sepertiga) min kubu erep menggesa (sepertiga) min yaya lak, ndamuk irit woragaij-o.

WENE MBENARUGWI NAP-NEN KWARIDNAK WENE 16:28

Iri tarem Simson-nen tepan yosolat-nen yosolar-e: ”Nagawan Indo Kek tak wa-e. Kindi an yebet niyi-o. Mbal Pem Nagawan wa-e. Pilisin nap-nen an nerengen kiliga nemepnggo beyek-nen yawo nak tuguruk kamawi wok niri-o” luk emengen mbarij-o.

WENE MBENARUGWI NAP-NEN KWARIDNAK WENE 5:2

Isarael nap wim wari-ge wim nggurak wat tak puruk woragolat, nde, it erep na ondomok inndi-net wim timbiril mborogolat kwatli bem-e Nagawan Indo nak erembel wanurag-o!