YOSUA 10:12 - Nanduk Ngget Tul Pidnak Wene

¹² Nde, iri tarem-e Nagawan Indo-nen Amori nap urugwe nggwe rak unpuruk, Isarael nab-e ombol nggwe rak onposola-ge, Isarael nap inmbiri bem-et Yosua-nen Nagawan Indo imin yosolar-e: ”Mo yu-ge wa-e. Kar-e Nggibeon anggul pem yu-t ndong min-o. Waneya kat yu-ge wa-e. Ayalon mbirik yu anggul pem-nen konoksa nin me mbururak pug-o” luk yij-o.

YOSUA 10:12 ပူးပေါင်းရင်းမြစ်များ

2 SEMUEL 2:12

Nde, misik tarem-e Apnet iri na-ge Isiboset imin nugwi nap ereba na inmin Maganaim-nen-e o siri Nggibeon mbiriga-o.

2 NAGAWAN NAGAWAN-NEN KWARIDNAK WENE 20:10

Yosoloma, Isikia-nen yosolar-e: ”Mo amorok obo sepulu kwid turuk mbururak iri-ge mboroso me, te-nen yusu-o. Alat nde, tuguruk nden karuk obo sepulu kwid turuk mbururak iri perak nde mirik nuburag-o” luk yak tij-o.

2 NAGAWAN NAGAWAN-NEN KWARIDNAK WENE 20:11

Yosoloma, Yesaya-nen Nagawan Indo eram tepan yosoloma-ge, Nagawan Indo-nen kwarosolar-e, mo amorok ndak wurugwi iri na bem-e mo amorog-e tuguruk nden karuk obo sepulu kwid turuk mbirij-o.

2 NAGAWAN NAGAWAN-NEN KWARIDNAK WENE 20:9

Yosoloma, Yesaya-nen onggo yosolar-e: ”Nagawan Indo-nen kat-nen yenggerak purak mende mirik kobosolar-e, at-nen urul pidnak ndak ndag-et kwaruwa-o. Nde, yenggerak purak pem kat-nen-e no mende mirik kuburak perasu-o? Nagawan Agas-nen kwaridnak mo amorok ndak wurugwi iri na bem-nen mo amorok kasolar-e, obo sepulu nggal kwid turuk mbururak perasu, lak? Are, tuguruk nden karuk obo sepulu nggal mbururak perasu-a?” luk kin wanij-o.

NDAWI ENGGA 148:3

Mo min waneya min wa-e. At nak erembel waner-o! Wonaru abinal worak wa-e. At nak erembel waner-o!

NDAWI ENGGA 19:4

enne anggungga-ge yi wi ndi wi lung yusu-o. It-nen yidnak wene-ge o kuri nggweyak kuri wok yij-o. Nagawan Indo-nen-e molengen amanggim o-ge mbal pem iri me wirij-o.

YESAYA 28:21

Nagawan Indo-ge Ndobo Perasim pem men yid nggal-et men ma-o. Nagawan Indo-ge at indi-n pidnak iri na kwarosolar-e, Nggibeon mbirik iri me amawi kundid nggal irit amawi kunduwa-o. At indi-n pidnak kwaruwa iri-ge nggweyakma nap-nen-e yebet kudtak puk irit kwaruwa-o. At-nen-e at-nen kwaroso mende kwiye worak irit, wi yurak mende irit kwaruwa-o.

YESAYA 60:20

Nagawan Indo an-e kat yaya rak koboso mo min waneya min nggal kwat yosolar-e, kat kambigir-e neyaya-ge wusa na nggwigit lak, lumu na yigit lak wolma-o. An-e lak yoso buk yaya irit kwat yimin me, kat-nen tabun puruk, kindi puru bera woraso tarem-e lak ma-o.

AMOS 2:9

Nilirak wa-e. Kir-e iri kwatli-t nde, an-e kit kenabuwa-nen Amori nap e nggabina nggal mot ereba na min e lom nggal enmawi worak ereba na min-e mondok lak tak unpukmu-o.

AMOS 8:9

An-nen mo lenggesilmu-t nde, mo wusa mberak posolat, lengge-t nde, o ndamuk tak purak tarem-e awo wok ma-o. Yu-ge Nagawan Indo Mondok Kek tak an-nen yusu-o.

ABAKUK 2:20

Nagawan Indo-ge at uwi marak iri na me-t worasu-o. Iri ala-ge, nggweyakma nap oboksa-nen enne laksa at indipma nak wolmomtag-o.

ABAKUK 3:11

Kat kamare abinal-e ndag-et nak abinal nggwerek luk mborosolat, kuwuru abinal yerek nggwerek mborosolat, iri yosola-ge, mo min waneya min-e ondolma-t tugup lak nak yosolat kwarij-o.

TUGURUK YIDNAK WENE 4:19

Kit-nen kagwi mende mbal pem woraso: mo min waneya min wonaru min erembel wanogolat, ndegel obogolar-e, meya yurak pug-o. Nagawan Indo kit nen idnak Mbal Pem Nagawan-nen ap enlem ereb-e ereba-t erembel wanogolat wolmakluk keya inpij-et nde,

YOSUA 10:13

Yosoloma-ge, mo na ndong yosolat, waneya na konoksa nin me mbirigit lak yosolat irit kwasa worala-ge, Isarael nab-e unuwim nap urugwe nggwe rak inpiga-o. Nde, iri kwaridnak wene-ge engga Yasat arem mbarak worasu-o. Mo na ndong tak woralar-e, o misik tarem aptusa ndong tak worasolar-e, siyak kwarat woraruk-net tuguruk woroksa nggwij-o.

WENE MBENARUGWI NAP-NEN KWARIDNAK WENE 5:20

Wonaru-nen na at waring kaso sa mbal pem iri me-net Sitera imin wim mbarij-o.

1 SEMUEL 12:18

Iri yak unduruk, Semuel-nen tepan yosola-ge, iri na tarem-et Nagawan Indo-nen talme mberak posolat, o nggu rak posolat kwarij-o. Iri yosola-ge, Isarael nap oboksa-nen-e Nagawan Indo min Semuel min enaye kaiga-o.

1 SEMUEL 14:31

Nde, iri tarem-e o Mikmas-nen watsa o Ayalon kuri tula tula ereba wim nggogolar-e, Pilisin nab-e urugwe nggwe rak inpiga-o. Iri kwatlug-e, ir-e mondok enpabok lak yij-o.