YOSUA 1:8 - Nanduk Ngget Tul Pidnak Wene

⁸ Nde, imiri mbarak pidnak engga iri-ge kar-e pempa an nilirak ereba wonat ondosolat wolmin-o. Nde, kat-nen engga iri arem mbarak worasu mende ereba oboksa kwarosolat worayeklug-e, kubu-nen lengge-nen kwara mbenarosolat wolmin-o. Kat-nen nde ereba oboksa kwarosolat worala-ge, kar-e ukwe lak, kalen pem woralat, konak nak irit woragun-o.

YOSUA 1:8 ပူးပေါင်းရင်းမြစ်များ

NDAK WIRIDNAK WENE 24:63

misik tarem-e keyama nggwe o lije ma-nen waring kil eyapmu ereba na me nosolat-nen erengen yik kagaidnggal-e unta wam ereba lobok yosola, yik kagaij-o.

NDAWI ENGGA 119:97

An-e kat-nen idnak imiri mbarak pidnak wene iri na nindi kundik woralar-e, pempi pempa kat-nen idnak imiri mbarak pidnak wene iri na-ge mbenat tenak worasu-o.

NDAWI ENGGA 119:99

Kat-nen kwarurak nebem pidnak wene mbenat tenak woraso me, an mul nurugwi nap-nen yebet kagwi-ge teberag-et nde, an-nen yebet kaso-ge terak minik-net yusu-o.

NDAWI ENGGA 19:14

An-nen yoso wene min an-nen yebet kaso min-e kat kalen tak purak mende kwat mag-o. Nagawan Indo wa-e. Kar-e an nggetlel nobosolat, nonggo boso-nen yusu-o!

NDAWI ENGGA 40:10

Inmiri yurak wene iri na-ge an narik narem na-ge yemndak pigit lag-o. Kat-nen tugup lak yongga nenderenak woraso wene iri na-ge pempa an-e yak ondosolat woraso-o. Kat kilirak ndok worak ennggendumu-ge an nene lak woraso bug-o. Alat nde, kat-nen tugup lak nenabuwa kaso wene iri na-ge wigal tenak woraso-o.

NGGOMO WENE 3:1

Nambara wa-e. An-nen nggomo korosolat mul kurusu wene-ge meme rak purak pug-o. ”Iri kwari-o” luk an-nen kebem pusu wene-ge pempa kindi yeberak wolmin-o.

MATIUS 12:35

Konak nap-nen-e at arem-e konak nak kobong tak worasola me, konak wene nak wirik poso-o. Nde, meya yoso nap-nen-e at arem-e meya mende nak kobong tak me, meya wene nak wirik poso-o.

MATIUS 28:20

an-nen ’Iri nggal mer-o’ luk yak kindigi wene oboksa-ge it mul ender-o. Yebet yebet tak wolmer-o. An-e pempa-t kit kinmin irit worasoma, woroksiyem wok ma-o” luk yak indij-o.

MATIUS 7:21

”An nimin-e: ’Nagawan Indo wa-e. Nagawan Indo wa-e’ yugwi nap oboksa-nen-e Mbal Pem Nagawan-nen tenagaidnak wi ngguwa bug-o. Are, an Neid aid arem woraso na indi-n pidnak nak kwarugwi nap it nak-nen ngguwa-o.

MATIUS 7:24

”Iri ala-ge, an-nen yidnak wene kuluruk, kulidnak iri ndak ndak kwaruwa nab-e, ap indi nggat nggat worak-nen at uwi worosolar-e, kerep pem wirid nap iri na nggal-nen yili-o.

LUKAS 11:28

Yesus-nen yosolar-e: ”Iri yigen-et nde, Mbal Pem Nagawan-nen yidnak wene na kuluruk, iri-nen yidnak yidnak kwatli nab-e enalen-e terak menna kagolat wolma-o” luk yij-o.

YOANES 13:17

Nde, kit-nen nde wene ya kenaru luk, kwarugup ala-ge, kir-e kenalen worak yugub-o.

YOANES 14:21

An-nen yidnak yidnak nak wanuruk, irit kwaruwa nab-e, an nabuwa kaso nab-e irir-o. Nde, an Neid-nen-e an nabuwa kasu nap na abuwa kujwa-o. An-nen na at abuwa kasolat, an-net an mirik obosolat yimin-o” luk yij-o.

EPESUS 4:29

Kit kenmende nggwe-nen meya wene wirik purak pug-o. Are, it-nen kuluruk, inndi yek tak purak wene nak yogola-ge, kit-nen yidnak wene kuluwa nap iri-ge inmbiringgat tak pugub-o.

TUGURUK YIDNAK WENE 30:14

Kin iri nggal wanurak pug-o. Kenpem pidnak wene iri-ge kit kenndam koroga worasu-o. Wene iri-ge kir-e mondok kenaru, pempa kenemnde bem yil nugwi-o. Iri ala-ge, iri ndak ndak kwarurak iri nak worasu-o.

TUGURUK YIDNAK WENE 31:11

Nagawan Indo Kenmbal Pem Nagawan-nen at erembel wanurak ondoro lenak pidnak sa at erembel wanuwokluk lobok yidnak Isarael nap ereba na kuluwakluk, kit-nen-e imiri mbarak pidnak wene yu wonarogolar-e, kenne nggoksa wonarurag-o.

TUGURUK YIDNAK WENE 31:24

Iri luk Musa-nen-e Mbal Pem Nagawan-nen idnak imiri mbarak pidnak wene mbarosolar-e, mondok anggul-nen tel kwiridnak kuri mondok woroksa irit ndindera mbarij-o.

KOLOSE 3:16

Kerisut owene utlud lombok iri-ge kit kenarem wolmag-o. Kinndi mondok lid tak pem-nen-e kit na kit-net mul kerak mbogolat, kit na kit-nen nggomo wat kerak mbogolar-e, ndawi engga bem nde, Mbal Pem Nagawan erembel wanugwi ndawi bem nde, aid ndawi bem nde yogolar-e, kit kinndi arem-nen ”Mbal Pem Nagawan wiwa-o” luk yak togolat wolmer-o.

YOSUA 1:7

Alat nde, mbigija-ge kar-e kindi uwi yaga tugup lak, kwiye lak irit wolmin-o. An-nen imiri mbarak pidnak wene oboksa ndegel noboso nap Musa-nen wok kirid ereba-ge mondok mborok tak pimin naru kwara yik karok wolmin-o. Mariget tet mondok meme rak pigit lak yosola-ge, kat-nen kwarugun-e mondok ebe-t kwat ma-o.

NAM PARA WENE 22:14

It unsum masa ngget tak pili nab-e unluk wolmomtak e iri na engen nonggolat, o siri iri nggogolar-e, kerep pak tumende nggwe nggogolat yurag-e it nak-net yili me, enalen kujwag-o.