YOSUA 1:7 - Nanduk Ngget Tul Pidnak Wene

⁷ Alat nde, mbigija-ge kar-e kindi uwi yaga tugup lak, kwiye lak irit wolmin-o. An-nen imiri mbarak pidnak wene oboksa ndegel noboso nap Musa-nen wok kirid ereba-ge mondok mborok tak pimin naru kwara yik karok wolmin-o. Mariget tet mondok meme rak pigit lak yosola-ge, kat-nen kwarugun-e mondok ebe-t kwat ma-o.

YOSUA 1:7 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 2:2

”An wat momtak abu panggo yij-o. Kar-e kindi tugup lak kwiye lak irit wolmomtag-o.

1 NAGAWAN NAGAWAN-NEN KWARIDNAK WENE 2:3

Nagawan Indo Kembal Pem Nagawan-nen kebem pidnag-et kwarosolat wolmin-o. Kat-nen mburugundik, yi kwatlik ndi kwatlik kwarugun oboksa ebe worak maklug-e, Musa-nen mbaridnak engga arem mbarak worasu imiri mbarak pidnak wene oboksa min at-nen ’Iri kwarurag-o’ luk kebem pidnak wene oboksa min mondok ndak ndak kwarosolat wolmin-o.

2 NAGAWAN NAGAWAN-NEN KWARIDNAK WENE 22:2

Nde, Yosia-nen-e Mbal Pem Nagawan alen tak purak mende nak kwarij-o. Nde, at-nen-e ombo Ndaut-nen kwaroso nggal nak kwarosolat, at-nen-e Mbal Pem Nagawan-nen ”Iri nggal kwarurag-o” yidnak oboksa ndak ndak nak kwarosolat woragij-o.

AYUP 1:8

Yosoloma, Nagawan Indo-nen kin wok obosolar-e: ”Kar-e an ndegel noboso nap Ayup-nen worasu abage iri-ge kwara kaigen, lak? Yi wi ndi wi oboksa-nen mbi at Ayup iri nggal indi tugup lak, konak iri nggal mbi worali bug-o. At iri-ge an nak kek tak nobosolat, meya mbi mondok kwarusu bug-o” luk yak tij-o.

NDAWI ENGGA 80:19

Nagawan Indo Mbal Pem Nagawan Mondok Kek tak Kamawi Worak wa-e. Tuguruk nanduk woragwi nggal tak ninpi-o. Kar-e kalen pem-et yik neneyasola, ninmiri worag-et wulmul-o.

NGGOMO WENE 8:20

An-e lud tak kwarugwi nggwe-t mboroso-o. An-e mot mor-et kwarugwi nggwe-t mboroso o.

NDANIEL 10:19

Iri yosola, at-nen yosolar-e: ”Mbal Pem Nagawan-nen-e kar-e kabuwa-t kasu-o. Kar-e kumud kalik, kwiye kalik yurak pug-o. Ndak kamawi kwat min-o” yak nirij-o. Iri na yak norosoma ereya na-net an-e namawi kwarat kwat yosolat, an-nen yosolar-e: ”Nab-o. Wene yi-o. Nap kat-nen namawi rak pigen-o” luk yak tigi-o.

WONARIDNAK WENE 27:23

inggi Yosua anggul tena buruk-nen Nagawan Indo-nen yak tid iri na ndak ndag-et yosolar-e: ”Yosua yu-ge an nondolmar-o” luk yak indij-o.

TUGURUK YIDNAK WENE 12:32

An-nen yak kindigi wene yeba-ge mariger-o luk siyak keya bogolat, are, siyak nambena pogolat mondok kwarurak pug-o.

TUGURUK YIDNAK WENE 31:7

Yak unduruk, Musa-nen-e Isarael nap oboksa enlengen pem-et Yosua wene mbo uburuk-nen yak tosolar-e: ”Yosua wa-e. Kar-e mondok kindi tugup lak, kwiye lak irit wolmomtag-o. Isarael nap yu Nagawan Indo-nen onmborak wok undurak urul yak indid iri na me winde makluk, kat-net lit unpuruk nggugun-o.

TUGURUK YIDNAK WENE 4:2

An-nen yak kundusu wene yeba-ge mariger-o luk siyak ebem nambena pogolat, are, siyak keya bogolat mondok kwarurak pug-o. Nagawan Indo kit Kenmbal Pem Nagawan-nen kenpem pidnak wene an-nen yak kundusu yeba-ge mondok ndak ndag-et kwarogolat wolmer-o.

YOSUA 1:1

Nagawan Indo ndegel oboso nap Musa iri na wat yamu-ge Musa indipma Nun ambara Yosua imin wene yak tosolat-nen

YOSUA 1:8

Nde, imiri mbarak pidnak engga iri-ge kar-e pempa an nilirak ereba wonat ondosolat wolmin-o. Nde, kat-nen engga iri arem mbarak worasu mende ereba oboksa kwarosolat worayeklug-e, kubu-nen lengge-nen kwara mbenarosolat wolmin-o. Kat-nen nde ereba oboksa kwarosolat worala-ge, kar-e ukwe lak, kalen pem woralat, konak nak irit woragun-o.

YOSUA 1:9

An-nen kat yak korosolar-e: ’Kar-e kindi uwi yaga tugup lak, kwiye lak irit wolmin-o’ yak kirigi iri na kindi yeberak wolmin-o. Nagawan Indo Kembal Pem Nagawan an-e kat mburugun sa-ge pempa kimin nosolat woramin me, kar-e kwiye yosolat, kamawi lak yurak pug-o” luk yak tij-o.