YOSUA 1:18 - Nanduk Ngget Tul Pidnak Wene

¹⁸ Ta-nen nde kat-nen nenpem pugun wene ereba na eyak worosolat, are, kat-nen yugun wene nde kuligit lak yosolat kwarosola-ge, mondok wururag-o. Nde, kar-e mondok kwiye lak, tugup lak irit wolmin-o” luk yak tiga-o.

YOSUA 1:18 ပူးပေါင်းရင်းမြစ်များ

ESERA 10:4

Kat-net kamawi yosolat wene-ge yurag-o. Iri yosola, nir-e kwara kene erep logo bul-o. Iri yurak iri-ge kat keyabu me, mondok wat tag-et purag-o” luk yak tij-o.

LUKAS 19:27

Nde, an nimin wim nap an it ennggendumu nagawan wolmomtak insili yiga nap iri-ge wok unpuruk lobok luk, an nimbiri bem pidsa ender-o’ ” luk yij-o.

1 KORINTUS 16:13

Kenpage kwil kwalsa wolmer-o. Kinndi angin tubu yidnak pem tugup lak woragolat, kwiye lag-et woragolar-e kenarong min wolmer-o.

EPESUS 6:10

Worok tak posolar-e, Nagawan Indo ebem woragolar-e, at amawi kwarat iri bem kenarong worak irit wolmer-o.

IBERANI 12:25

Iri bem-e, wene yak kundusu nap-nen yidnak wene iri-ge ”Kulimin pug-o” luk yugup naru, kwil kwalsa womer-o. Nggweyak ma yu me-nen Mbal Pem Nagawan-nen yidnak wene yak ondogola, ”Kulul pug-o” luk yiga nap ereya-ge at inggem-nen mengga mbirigit lak nar-o. Nde, nit-nen na irit aid arem-nen wene mberak pil mbuwasu iri na kuligit lak keya bogola-ge, nggesa-nen at inggem-nen mengga mburul-o? Mondok meya-o.

YOSUA 1:17

Nde, nir-e pempa Musa-nen yidnak nak kwatli iri na nggal-et kat-nen yidnak nak kwarul-o. Nde, Nagawan Indo-ge Musa imin woragid iri na nggal-et kat kimin wolmag-o.

YOSUA 1:9

An-nen kat yak korosolar-e: ’Kar-e kindi uwi yaga tugup lak, kwiye lak irit wolmin-o’ yak kirigi iri na kindi yeberak wolmin-o. Nagawan Indo Kembal Pem Nagawan an-e kat mburugun sa-ge pempa kimin nosolat woramin me, kar-e kwiye yosolat, kamawi lak yurak pug-o” luk yak tij-o.

YOSUA 2:1

Nde, misik tarem-e Nun ambara Yosua-nen-e o Sitim iri me-nen ap mberen enlengen waruk Kanaan wi wirik inpij-o. Wirik onposolat-nen yak ondosolar-e: ”We mbik mbok nak Kanaan wi min nggog-e o siri Yeriko min kwara mbenarurag-o” yak ondosoloma-ge, ap mberen ya na-ge mbiriga-o. Mbirigarig-e, kwe terak yebil nugwi unu-ge Arakap iri na ama nene yiga-o.

1 SEMUEL 11:12

Iri rak puruk Isarael nap-nen Semuel yak togolar-e: ”Kwiye lag-et yogolat: ’Saul nggal-nen nit nenanggul pem nagawan yurag-e ndag-a?’ luk yiga nap yeba na-ge ngge me worali-o? Nab-o. Mondok unduwok-nen wok nindi-o” luk yiga-o.