YOEL 3:7 - Nanduk Ngget Tul Pidnak Wene

⁷ Nde, yawo-ge it iri-ge kit-nen onnggo wanigep sa-nen wok unpuruk lobok yimin-o. Kit-nen it meya sa-t kemet inpigep onggo kit kwat kinpimin-o.

YOEL 3:7 ပူးပေါင်းရင်းမြစ်များ

ESET 7:10

Iri kwasa Aman iri na-ge at-nen Morendekai wururak e sindik pid iri na bem-e at nde urusu kerebara tiong tak uburug-e, nagawan-nen isilepma yid iri na-ge isilepma teyok yij-o. 8:1–10:3 Pasal 8 kuri-nen Pasal 10 kuri iri arem-e Nagawan Agasuweros-nen-e Aman arengge oboksa Eset wok tosola, Eset-nen Morendekai wok tidnak wene mbarak worasu-o. Iri-nen Yawuri nab-e it ondomok inmiri yuwakluk, Morendekai-nen nagawan unu bem engga mbara tomborosola, it-nen-e it inmin sirid nap mondok kwarat indiga wene mbarak worasu-o. Iri-nen Yawuri nap enalen kagolar-e, it inmiri yidnak yebet kagolar-e, Purim nggok sakwi tel kwiriga wene na pasal yeba arem mbarak worasu-o.

YESAYA 49:12

Nde, an nilirag-e erepma abare abam (utara) nggwe-nen mo mboso (barat) nggwe-nen abare ena (selatan) ambigit o Sinim-nen na lobok yuwa-o” luk yij-o.

YESAYA 66:6

Kwara koler-o! O silmu-nen ene o nggu nggal yusu-o. An nama-nen ene yusu-o. Iri-ge an-nen nuwim nap kemnggo onposolat-nen an nene-o!

YEREMIA 23:8

Are, Mbal Pem Nagawan nuruk nak woraso, an-nen o abare abam (utara) nggwe-nen na o siri erep nin me nan me it nggilara ndibi ndi rak inpigi sa-nen wesera wok unpuruk lobok yigi Mbal Pem Nagawan an nebem-nen owak mbaruwa-o. Nde, ir-e it ondomok unuwi nggweyak pem-et wolma-o” luk yij-o.

YEREMIA 31:8

An-nen tuguruk it ereba-ge abare abam (utara) nggwe-nen wok unpuruk lobok yosolat, yi wi ndi wi-nen wok unpuruk ndok wosa inpimin-o. Enlengen ngguru min onowak ya landok nugwi min-et nde, it inmin lobok yuwa-o. Kweyap li nggeret waga nggwidnak min enabila la abu ogwere min na inmin-et lobok yuwa-o. It oboksa mondok enpe kwarat irit o yu me tuguruk lobok yuwa-o.

YESKIEL 36:24

Yi nap ndi nap enlem ennggendumu-nen, yi wi ndi wi-nen waga ndok worak kunpuruk, an-nen tuguruk wok kunpuruk kit kondomok kunuwi nggweyak pem-et tuguruk kinpil lobok yimin-o.

YOEL 3:4

Tirus woragwi min Sindon woragwi min Pilisin nggweyak pem woragwi oboksa min wa-e. An-e kit kinmin-e erem-e lag-o. Kir-e kenmep nggo an kwat nubugub-a? Iri ala-ge ob-o. An-nen na ndag-et nak kit-nen kwarugup iri onggo-ge kwar-et kinpimin-o.

SAKARIA 9:13

Nde, Yewura iri-ge san ombo ensan nggal kwat onposolat woramin-o. Nde, Isarael nab-e mare mbising kudtak anggare bem puruk woragwi nggal tak inpimin-o. Nde, Sion woragwi nab-e kabo nggal tak onposolug-e, kabo iri bem-nen Yunani nab-e inmin wim mbarimin-o” luk yij-o.

MATIUS 7:2

Nde, kit-nen ap enpem wene mbarugup iri na bem-net Mbal Pem Nagawan-nen kit kenpem wene mbaruwa-o. Nde, kit-nen ap ndak wat unpugup iri na bem-net Mbal Pem Nagawan-nen kit ndak wat kunpuwa-o.

2 TESALONIKA 1:6

Mbal Pem Nagawan-nen mot mot nak kwarosolar-e, kit andi bandi rak kinpili nap na enpem-e at-nen-e andi bandi mende enpem puwa-o.

YAKOBUS 2:13

Ap enabuwa kagwi buk nap enpem wene mbarosolar-e, enabuwa lag-et enpem wene mbaruwa-o. Alat nde, ap enabuwa kagwi nab-e nenpem wene mbaruwa-o luk unmud kudtak pug-o.

NAM PARA WENE 13:10

Ap-nen mondok yemen unpuwag-o yidnak nab-e yemen-et unpuwa-o. Nde, yalawi bem unduwag-o yidnak nab-e ndemeret yalawi bem unduwar-o. Iri bem-nen Mbal Pem Nagawan ilirag-e mondok inndi luruk puruk, inndi angin tubu luk wolmomtag-o.

NAM PARA WENE 16:6

It iri-nen-e Mbal Pem Nagawan ilirak min Mbal Pem Nagawan ene lomboksa yugwi nap min eneyabi wirik pidnak me, yawo it-nen nujwakluk, kat-nen yabi mak indigen iri-ge it kwat unpurak ndag-et kwat inpigen-o!” luk yosola, kuligi-o.

NAM PARA WENE 19:2

At-nen enpem wene mbaroso-ge mot mot lud tak nak irit mbaroso me, terak yebugwi kwe nggulok iri-ge at-nen mbabi kwaroso iri na bem nggweyak ma yu me nari wari rak poso kwe iri-ge Mbal Pem Nagawan-nen-e ebem angin worak mberak pij-o. Kwe iri-nen at ndegel ubugwi nap ondoso me, Mbal Pem Nagawan-nen ebem wene mbarij-o!” luk yiga-o.

1 SEMUEL 15:33

Lobok yosola, Semuel-nen yosolar-e: ”Kat keyalawi-nen kweyap kwarat inlirak lak tak onposo iri na nggal-et kat kiya-ge ambara na lag-et mag-o” yosoluk yarik, Nggilnggal-nen wam wosa Mbal Pem Nagawan amanggim kan pugwi sa eralu iri me Agak na-ge yalawi bem-nen mbarep parepsa keya bij-o.