YOEL 3:18 - Nanduk Ngget Tul Pidnak Wene

¹⁸ Nde, ereya tarem-e ndobo ndobo ereba-ge anggut yabu-nen nggweyak lak ma-o. Nde, wam-e ndobo amun ereba na bem tusuangge miri ereba na nasolat wolma-o. Nde, Yewura iri me yi ereba na-ge eberek yigit lak, mborosolat nak wolma-o. Nde, yi misig-e Nagawan Indo ama-nen puluruk mborosolat wolma-o. Mborosolar-e, Akasia Mbirik iri na-ge amburu rak pil mburuwa-o.

YOEL 3:18 ပူးပေါင်းရင်းမြစ်များ

NDAWI ENGGA 46:4

Mbal Pem Nagawan mondok kek tak iri na woraso uwi siri iri na-ge yi inggi sid mborosolat amburu rak pusu-o.

MBIRIGA WENE 3:8

Iri ala karuk-nen an-e Mesira nap iri ininggiyapma-nen wisirik unpuruk, o terak wolmomtak sa mbi me inmin mbereyekluk-nen yu me mbuwagi-o. Nde, o iri me nggweyag-e mondok amburu worak, yi mende ndi mende na kwarar-o. Nde, yawo o iri me-ge Kanaan nap min Et nap min Amori nap min Peris nap min Ewi nap nim Yebus nap min worali-o.

YESAYA 35:6

Ap onowak wat yidnak-nen na onowak mot luk, urusa wam-nen kwaroso nggal kud mbok kud mbok mborogolat, ap enne lak woragwi-nen na enne kuwakluk, enalen-nen enne nggoksa yogolat yuwa-o. Yi lak ma nembaga karu me-t nde, yi ulusu pilana wasolat, karu me-t nde, yi mborosolat ma-o.

YESAYA 44:3

An-nen-e yi-ge nggweyak amburu lak pem kilik posolat, nggweyak mbeng larak pem-et nde, yi wirik posolat kwarimin-o. An namawi-ge kat-nen wigarak ininggem posolat, kat kilirak-nen ndaguwa imbiringgat tak onposolat kwarimin-o.

YESAYA 45:8

An-nen-e mbal pem-nen ombol nggwe yugwi elem-e talme nggal nggilara mberak pil mbuwasola, nggweyag-e ebem mbuwakluk larok nak ma-o. Iri yosola-ge, iri arem-nen inmiri yoso elem min wisirik woragwi elem min nam tak puwa-o. Iri kwat ma iri-ge an Nagawan Indo-net kwarak posola-nen kwat ma-o” luk yak tij-o.

YESAYA 55:1

Nagawan Indo-nen yosolar-e: Kit yi nere-nen kinndi eberek yusu nab-e lobok yugupndik, yi kenangga lud tak pidnak yu mer-o! Kit kontol lag-e lobok yugupndik, onggo pigit lag-et nggandum mbato yeba wanugupndik mer-o! Anggut amburu min sapi wam agamo amburu min-e kenmanggim lid lud tak worasu-o. Mondok onggo pigit lag-et waner-o!

YESAYA 66:11

Li marik-nen iniyarak enkamo nunggwi nggal, at ebem woraso ibinil ombomo nonggolat mondok ndak woragub-o.

YEREMIA 31:12

Nde, ir-e an-nen wok ondoso mende wok indidnak nggandum min amburu min anggut amburu min sapi min lomba min ereba na bem-e entare yek tak pem-et Ndobo Sion yu me lobok yogolar-e, enalen-nen ndawi bem-et lobok yuwa-o. Yik kudtak amanggim engen kerengen uwi yi worak sa yagidnak nggal, it iri-ge mondok ndak nak irit wolma-o.

MIKA 6:5

Nilirak wa-e. Moap nagawan Mbalak-nen kit kwat kunpurak yemnak puruk worala, Mbeyot ambara Mbileyam-nen-e wene onggo yak tid iri na kinndi yebet ker-o. Kit lobok yogolat tu ndumu kit woraigen sa o Sitim wok, Nggilnggal wok, ereya lobok yogolat kwat yidnak ereba na mbi kinndi yebet ker-o. Kit-nen nde ereba kwat kinpigi ereba na oboksa yebet kagolat nggal-nen-e an-nen kinmiri yosolat kwat kinpigi ereba-ge ’O! Iri nggal kwat ninpigen-o!’ luk yebet kudtag-et nde yili-o” luk yak indij-o.

WONARIDNAK WENE 25:1