YOEL 2:31 - Nanduk Ngget Tul Pidnak Wene

³¹ Molengen mom ki yosolat, waneya-ge mep worok yosolat kwaruwa-o. Nde, ereba kwat ma iri-ge Nagawan Indo-nen idnak tarem mondok kwiye worak kwiye-nen enaboro min linggi yurak iri na awo wok yigit lak ma nandug-et kwat ma-o.

YOEL 2:31 ပူးပေါင်းရင်းမြစ်များ

YOEL 2:1

”Lak tak nunpurak wok yamu-o” luk yenggerak puwakluk, Mbal Pem Nagawan woraso sa Sion ndobo marak iri na bem-nen terompet ene pu yer-o. Ene pu yogolat kwarer-o. Nagawan Indo-nen idnak tarem-e panggo yosolat, ndag-et nak wok ma me, Yewura woragwi nap wa-e. Kwiye-nen ye le mber-o.

YOEL 2:10

Nde, enpem mbud yuwokluk it mborogola-ge, nggweyak min lele yosolat, mbal min tugup yosolat, iri kwarosolar-e, waneya min mo min-e mondok lumu yosolat, wonaru yaya min-et lak yusu-o.

YOEL 2:11

Nde, Nagawan Indo-nen-e at-nen idnak san ombo ereba na ene o nggu nggal pem-nen ”Yu nggal kwarurak, iri nggal kwarurak” yak undusu-o. At-nen yidnak yidnak kwatli esan ombo-ge enpe na kwarat, mondok enmawi worak irir-o. Nde, Nagawan Indo-nen idnak tarem iri-ge ndemeret mondok ija kwiye worak-nen yusu-o! Ap misiger-o luk mbi mondok mamak puwa bug-o.

YOEL 2:2

Iri tarem-e mondok muruk tak, ndamuk mom ki irit ma-o. Nde, sil-e mondok kwarat ndobo bem nggan nggan langgurak ereba nggal-et lobok yuwa-o. Nde, sil ereba nggal-e nanduk woragolar-e, iri nggal-e mondok kagwi bug-o. Iri-nen abok na iri nggal-e mondok kwat ma bug-o.

YOEL 3:1

Nagawan Indo-nen yosolar-e: ”Iri tarem-e Yerusalem min Yewura min-e it-nen enalen pem yamuksa woragwi ereba na nggal tuguruk kwarak inpimin-o.

YOEL 3:15

Mo min waneya min mom ki yosolat, wonaru na eyaya lak ma-o” luk yij-o.

MALEAKI 4:1

Nagawan Indo Mondok Amawi worak iri na-nen yosolar-e: ”Inndi kek tak min meya yugwi nap min oboksa tusuangge kan pidnak nggal kan unpurak tarem-e wog-et ma-o. Nde, iri tarem-e erep mbi keya bigit lak, mondok oboksa kan paga lak tak unpuwa-o.

MALEAKI 4:5

Alat nde, Nagawan Indo-nen idnak tarem mondok kwiye worak, ija lombok an-nen lud tak pigi iri na wok yigit lak ma-ge nandug-e an nene lomboksa yoso nap Elia iri na-ge kendam pil lobok yimin-o.

MATIUS 24:29

”Andi bandi rak unpuwa tarem iri na lak yosoluk ereya na-net molengen ndamuk yosolat, waneya na eyaya pil wagit lak yosolat, wonaru na mbal pem-nen mbuwasolat, teram amawi rak poso mende na nari wari mbosolat ma-o.

MATIUS 27:45

Nde, mo enggendumu-net o iri me obok ndamuk luk woralar-e, keyama jam tiga agaij-o.

LUKAS 21:25

Yuruk, Yesus-nen yosolar-e: ”Iri tarem-e molengen min waneya min wonaru min-e arik nin nggal kwiye worak mende kwarosola kagub-o. Nde, nggweyak ma yu me-nen-e yi koma usune kwarat luk, yi yuk lenak mbosola-ge, yi ap ndi ab-e kwiye luk, inndi kabak ma-o.

YIDNAK YIDNAK WENE 2:20

Nde, Nagawan Indo-nen idnak Tarem, nggulok abinal worak Tarem iri wok yigit lak ma-ge, molengen na lumu yosolar-e, mom ki yosolat, waneya na eyabi worak yosolat ma-o.

NAM PARA WENE 8:12

Iri luk, aid nap imbirik (yang keempat) iri-nen oboba ene pu yosola-ge, mo erep menggesa (sepertiga) lel kasola, waneya erep menggesa (sepertiga) min wonaru erep menggesa (sepertiga) min lel kaidnak me, yaya erep menggesa (sepertiga) ndamuk yosola-ge, lengge erep menggesa (sepertiga) min kubu erep menggesa (sepertiga) min yaya lak, ndamuk irit woragaij-o.