YOEL 2:30 - Nanduk Ngget Tul Pidnak Wene

³⁰ Mbal pem-nen na irit, nggweyakma-nen na irit, an-nen kwiye worak mende kwarat kwarimin-o. Iri yosolar-e, eneyabi liring yosolat, kan mare mborosolat, kule kwarat yosolat ma-o.

YOEL 2:30 ပူးပေါင်းရင်းမြစ်များ

NDAK WIRIDNAK WENE 19:28

Mberarig-e, Sorom nggwe, Nggomora nggwe min o lid ereba na nggwe yik kagaidnggal-e, kule-ge nggweyak kan nasolat kan mondok nggok kwiye worak mabosoma-nen laso nggal ndugunuruk lasola kagaij-o.

MATIUS 24:29

”Andi bandi rak unpuwa tarem iri na lak yosoluk ereya na-net molengen ndamuk yosolat, waneya na eyaya pil wagit lak yosolat, wonaru na mbal pem-nen mbuwasolat, teram amawi rak poso mende na nari wari mbosolat ma-o.

LUKAS 21:11

Nin me nan me o lele nggok yosolat, nogoro mbud yosolat, kugi enpem mbosolat ma-o. Kwiye kudtak mende min kwiye worak mende min mbal nggwe-nen kwat ma-o.

YOSUA 8:20

Iri kwarogola, Ai nap-nen onmbol nggwe yik kaiganggal-e kule ndugunuruk lasolar-e, mbal woragosola yik kaiga-o. Kule iri na Yosua owosirak inmin-nen karuk-nen peragolar-e: ”Nit nap kere erep ereba na-nen o siri iri na-ge abu wanili-o” luk yebet kaiga-o. Peraruk, Yosua-nen lit karuk ap kere ereba na-ge tuguruk eyak marogolar-e, Ai nab-e enpem kore yogolat mondok indiga-o. Nde, Isarael nap onmbol nggwe Ai worali ereba na-nen-e inmbirik nggwe lobok yogola, kwarogolar-e, Ai nab-e ndumu ndumu rak onpogola, mbururak meya irit agaij-o. Iri yogolar-e, Ai nab-e misiget ter-o luk mondok mbirigit lak, ndegera indiga-o.

NAM PARA WENE 18:18

kwe na kan nasolat kule lasola karuk-nen enne nggoksa yogolar-e: ”O siri erep mbi o siri nggulok yu nggal mbi mondok worasu bug-o!” luk yiga-o.

NAM PARA WENE 18:9

Kwe na imin mbabi yogolat, at-nen ukwe ukwe kwaroso imin kwarugwi nggweyak ma nagawan nagawan-nen-e at kan pidnak kule lasola karug-e, o siri iri abuwa-nen yip togolat, tabun puruk wolma-o.

NAM PARA WENE 8:7

Aid nap nandug-et (yang pertama) iri-nen-e at oboba ene pu yosola-ge, talme engen min kan amare min-e mep min nat karuk nggweyak pem nggilara mbuwagaij-o. Nggweyak erep menggesa (sepertiga) kan nasolat, e na erep menggesa (sepertiga) min tusuwangge miri oboksa min kan ninggij-o.