YOEL 2:28 - Nanduk Ngget Tul Pidnak Wene

²⁸ ”Iri kwatluk ombol nggwe-ge ap oboksa enpem nindi-ge nggilara mberak pil mbuwamin-o. Iri yosola, kin kinliap min kinligwami min-e an-nen enpem pidnak wene ap yak ondogolat, kit kennggendumu ap indi worak-nen-e nabi kagolat, sujwe-nen-e nabi nggal pem yik kagolat ma-o.

YOEL 2:28 ပူးပေါင်းရင်းမြစ်များ

NGGOMO WENE 1:23

An-nen nggomo korosolat met kobosola-ge, kwara kulurag-o. Kit-nen kologola-ge, an-nen-e an narem woraso wene nam tak posolat, an-nen naru yidnag-e mirik konposolat kwarimin-o.

YESAYA 32:15

Alat nde, tuguruk Mbal Pem Nagawan lobok yosolar-e, at amawi bem-nen kwarosolar-e, nembaga karu-t nde, amburu worak tak puruk, yabu rak puwa-o. Nde, yabu ereba-ge ebe-ge kwarat puwa-o.

YESAYA 40:5

Iri yosola-ge, Nagawan Indo abinal-e nam tak puwa-o. Iri yosola-ge, nggweyakma nap oboksa enlengen-nen kujwa-o. Ndemeret Nagawan Indo-net urul pusu-o” luk ene misik-nen yusu-o.

YESAYA 44:3

An-nen-e yi-ge nggweyak amburu lak pem kilik posolat, nggweyak mbeng larak pem-et nde, yi wirik posolat kwarimin-o. An namawi-ge kat-nen wigarak ininggem posolat, kat kilirak-nen ndaguwa imbiringgat tak onposolat kwarimin-o.

YESAYA 49:26

An-nen-e kunuwim nab-e inndi lak lak tak posola, it nak it nak wat kerak mbuwa-o. Iri kwarogolat, ap enlem oboksa-nen enaru yogolar-e, Nagawan Indo kinmiri yoso nap an neresa-nen kinmiri yusu-o luk enaru ma-o. Iri-nen an-e Yakup Embal Pem Nagawan Mondok Amawi Worak wisirik konposo-nen yusu-o luk enaru ma-o” luk yij-o.

YESAYA 49:6

Nagawan Indo-nen an yak norosolar-e: ”Ndegel noboso nap wa-e. Yabu mondok nggok terak minik lombog-e kat-nen wanurak worasu-o. Kat-nen wanurak yabu-ge Yakup-nen wigarak erep minggirik ereba kek tak woraiga ereba na tuguruk kek tak onposolat, enma inpil mborosolat kwarurak iri nak worasu-ge lag-o. Alat nde, yi wi ndi wi oboksa-nen inmiri yuwakluk, an-nen kar-e ap enlem oboksa ennggendumu yaya rak kibimin-o” luk yij-o.

YESAYA 54:13

Kat kilirak oboksa Nagawan Indo an-nen mul indimin-o. Ir-e ukwe mende bem-e mondok ndak enalen pem irit wolma-o.

YEREMIA 23:25

Ennesiget an nene lomboksa yugwi nap-nen yili ereba-ge an-e naru worasu-o. An nunu bem ennesiget yogolar-e: ’An neresa-nen nabi bem yak nendamu-o’ luk yili-o.

YEREMIA 23:28

Nde, an nene lomboksa yoso nap-nen nabi kasolug-e, ’We nabi kagi-o’ luk yurag-o. Nde, an-nen wene enpem pidnak nap-nen-e enpem pidnak ereba na-t ndemeret yak undurag-o. Nggandum mbato-ge ariwak min ndak ndak tak purag-e meya-o.

YESKIEL 36:27

Nde, an nindi-ge kit kinndi arem nggilara nggorak pimin-o. Kit woragolar-e, an-nen imiri mbarak pidnak wene ereba na ndak ndag-et kwarogolat, an-nen kenpem pidnak ereba na-nen yidnak yidnak kwarogolat worabokluk an-nen-e yik keneyarok woramin-o.

YESKIEL 37:14

An-nen-e unluk tak enpeyekluk nindiseb-e it enarem pu yaga pil nggwimin-o. Iri rak unpurug-e, it ondomok enma tuguruk woragwi rak inpimin-o. Iri rak onposola karuk, it-nen-e an nimin-e Nagawan Indo-nen yusu-o luk enaru ma-o. Nagawan Indo an-nen yigi iri-ge mondok ndemeret kwarimin-er-o” luk yij-o.

NDANIEL 7:1

Nde, misik tarem kubu nggeret Nagawan Mbelsiasat iri na Mbabilonia nagawan men yid olengen iri bem-e Ndaniel an-nen nabi kasolat-nen nabi bem yik kagi-o. Nde, nabi kagi iri na-ge engga bem mbarigi-o. Nde, nabi kagi engga bem mbarigi na-ge yu-o: O wija ponok ponok, abare abam nggwe, ena nggwe, mo mboso nggwe, mo luwaso nggwe, mondok kwiye worak puk kasolar-e, iri-nen ndowaga yi koma nden penden kasolat, saberep mbaberep mbij-o.

WONARIDNAK WENE 11:17

Nde, an-e iri me mbuwamindik, wene mbarul-o. Amawi kat wok kirigi ereba na-ge ereb-e menggesa it enpem pimin-o. Nde, kat karig-et nak angin pangin iri-ge meya-o. Ap kwarat yu ndegel unpurak yabu iri-ge kat yongga korogolat ereb-e it-nen wanurag-o.

WONARIDNAK WENE 12:6

Nagawan Indo-nen yak ondosolar-e: An yak kindimin yu kwara koler-o! Kit kennggendumu nde an nene lomboksa yugwi nap nde woragola-ge, an-e nabi bem nggal at imbiri bem nam yaga mirik nobosolat, nabi nggal pem imin wene yosolat kwaroso-o.

LUKAS 1:67

Iri lug-e, la iri eid Sakaria na-ge Konak Indi ebem mbuwasolar-e, at-nen Mbal Pem Nagawan-nen yidnak wene yosolar-e:

LUKAS 3:6

Nde, ap yi wi ndi wi oboksa-nen Mbal Pem Nagawan-nen ap inmiri yosola, kujwa-o’ ” luk mbarij-o.

YOANES 7:39

(Yesus-nen wene iri yid iri-ge at ebem inndi angin tubu yidnak nap-nen Konak Indi wanurak pem-nen yij-o. Nde, Yesus na awo kek tak ibigit lak worala me, Konak Indi na awo ap enpem mbuwagit lak ma-nen yij-o.)

YIDNAK YIDNAK WENE 2:33

Iri bem-e, Yesus na Mbal Pem Nagawan inggi kigit nggwe-nen kek tak puruk, Eid-nen obok yak tidnak Konak Indi-ge at wok turuk, tak purug-e, at-nen nit nenpem nggilara pil mbuwasola-ge, kit-nen kagolat, kologolat kwatli yur-o.

YIDNAK YIDNAK WENE 2:39

Nde, urul pidnak wene iri-ge kit kenmanggim na, kit kinlirak enmanggim na, it erepma worali nap pidsa, Mbal Pem Nagawan nit Nagawan Indo-nen yonggo unpuwa nap pidsa enmanggim na irit urul pij-o” luk yak indij-o.

YIDNAK YIDNAK WENE 21:9

At eli kwami-ge ap wanigit lak kweyap ndugum empat iri-nen-e Mbal Pem Nagawan-nen yidnak wene yogolat woraiga-o.

NGGALATIA 3:28

Iri bem-e, Yawuri nab-o yurak na lag-o. Yunani nab-o yurak na lag-o. Ndegel unpugwi nab-o yurak na lag-o. Wisirik woragwi nab-o yurak na lag-o. Ab-o yurak na lag-o. Kwami-o yurak na lag-o. Kit oboksa-ge Kerisut Yesus ebem-e misiget nak kwat yili-o.

IBERANI 1:1

Nandug-e kwarat pem Mbal Pem Nagawan-nen nit nenlawingga yak ondosolar-e, Mbal Pem Nagawan ene lomboksa yugwi nap enpem nggwe-nen yak indij-o. Iri yosolar-e, tu nin tak nan tak pem yak ondosolat woragaij-o.

1 SEMUEL 19:20

Iri yogola kulurug-e, Saul-nen-e ap ereb-e Ndaut tenaguruk lobok yurak wirik inpij-o. Wirik enpamu mbiriganggal-e, Semuel-nen lit kuruk Mbal Pem Nagawan ene lomboksa yugwi nap siyak enne nggoksa ndawi ndorogolat, kot kil lobok yukmu eneyaiga-o. Nde, it Saul-nen wirik inpid nap ereba na-ge Mbal Pem Nagawan Indi enpem wok yosolar-e, it min-et enne nggoksa ndawi yogolat, kot kaiga-o.

1 SEMUEL 19:21

Nde, iri kwatli wene ereba na Saul eram wok yosoloma-ge, Saul-nen-e ap erep iri na me wirik inpij-et nde, it min-et enne nggoksa ndawi yogolat yot kot mbiga-o. Iri na nggal-et kenan pem tak posolat wirik inpid na iri na nggal-et kwariga-o.

1 SEMUEL 28:6

Kwiye kwarat lug-e, Nagawan Indo-nen tu mirik ubuwakluk yak tij-et nde, nabi bem-nen na irit, Urim min Tumim min pem-nen na irit, Mbal Pem Nagawan ene lomboksa yugwi nap enpem-nen na irit ene erep mondok nggarigit lag-o.