YOEL 2:26 - Nanduk Ngget Tul Pidnak Wene

²⁶ Kir-e nunggwi mende-ge ndak irit nonggolat kinmbit ma-o. Nagawan Indo-nen-e kir-e kwiye worak kwarat kwat kunpusu me, kir-e Nagawan Indo Kenmbal Pem Nagawan kek tak pugub-o. An nilirag-e pesel kunpugwi enne are kwat yugup pug-o!

YOEL 2:26 ပူးပေါင်းရင်းမြစ်များ

NDAK WIRIDNAK WENE 33:11

Nab-o. An waruk lobok yigirik, wok kirigi mende ereba-ge mondok wani-o. Mbal Pem Nagawan-nen an nimin konak yosolar-e, an-nen ukwe kaso mende obok wok neramu me, kar-e ninggem keya busu-ge meyog-o” luk owe indi yanggunid yanggunid abok nggwe-nen-e Esau na-ge wok tid ereba na-ge wanij-o.

NEMIA 9:25

Kat kilirak-nen-e o siri mondok pak waga nggwidnak ereba na min nggweyak amburu worak ereba na min o silobulo kwarat arem yebet tak ereba na min yi kenanggugwi emnde mbarak ereba na min yilusu ereba na min oboksa it-nen mengga wanuruk, ombo luk larok yiga-o. Iri-nen anggut yabu min saitun elem ereba na min engen nin nan min-et kwarat nok tenak woragolar-e, enpe ge kwarat limbiriga-o. Kat-nen konak nak kwat onposola, mondok ndak nak irit woraiga-o.

NDAWI ENGGA 103:5

Kat-nen woraso-ge at-nen yamuksa ndak tak kobosola-ge, kar-e towe ud nggal ngget tak kuburuk, sujwe rak kubusu-o.

NDAWI ENGGA 116:7

Nagawan Indo-ge an nimin konak kwaroso me, an-nen-e nindi tugup lak tak puruk worasu-o.

NDAWI ENGGA 22:26

Enarengge lak nab-e kwarat nonggolat inmbit ma-o. Nagawan Indo eram lobok yuwa nap-nen-e at erembel wanuwa-o. Kir-e yamuksa pem irit woralik nalik irit wolmer-o!

NDAWI ENGGA 37:19

Angin worak mende enpem lobok yuwa tarem-e ir-e andi bandi kujwa bug-o. Nogoro ennggendumu mbud ma tarem-e mondok ndak irit wolma-o.

NDAWI ENGGA 67:5

Mbal Pem Nagawan wa-e. Yi nap ndi nap enlem-nen kat nak kerembel wanuwag-o. Yi nap ndi nap enlem oboksa-nen kat nak kerembel wanuwag-o.

NDAWI ENGGA 72:18

Nagawan Indo Isarael nap Enmbal Pem Nagawan iri nak erembel wanurag-o! Wi yurak mende-ge at nak-nen kwaroso-o.

NGGOMO WENE 13:25

Konak nab-e nunggwi mende bem-e ndak woragwi-o. Alat nde, meya kwarugwi nab-e pempa nere nak woragwi-o.

YESAYA 45:17

Alat nde, Nagawan Indo-nen-e Isarael nab-e inmiri yuwa-o. Nde, at-nen inmiri yidnak iri-ge mondok pem inmiri mbarak irit wolma-o. Pem irit woragolat nagolat nggweyel na kinpigit lak, kinnggiri na wirigit lak irit woragub-o’ luk yak kunduwa-o” luk yij-o.

YESAYA 49:23

Nagawan nagawan-e kit kineid nggal kwat yogolat, nde, it onkwerag-e kit kiniya nggal kwat yogolat mao. It-nen kat keram tebe yogolar-e, kat keram entare nggwe tud luk kat kek tak kubuwa-o. Iri yogola, kat-nen an nimin-e: ’At iri-ge Nagawan Indo-net yusu-o’ luk neberagun-o. Nde, indi an nebem wat tak wolma nab-e indi kabak ma bug-o” luk yij-o.

YESAYA 54:4

Kar-e kwiye yusu-ge meyog-o. Kar-e kinggiri rak puwa bug-o. Pesel kobogolat, kinggiri-nen wandu yugun pug-o. Kar-e kundugum woralat-nen terak waring kaso ereba na-ge meme rak pugun-o. Iri-nen togwe karik woralat kindi aptuporak woraso ereba na meme rag-et pugun-o.

YESAYA 55:2

No amanggim-nen enpem yamuk tak poso buk mende onggo pogolat, indi alen tak purak puk ereba na wanurak pem nde yabu wanogolat kwatli-o? Kir-e konag-et nonggolat, undu konak saga pidnak ereba nonggolat yurak pem-e an-nen yidnak yidnak nak kwarogolat wolmer-o.

MIKA 6:14

Kir-e nunggwi mende-ge nunggub-et nde, kinmbir-e ma bug-o. Pem irit nere nak woragub-o. Kir-e silobulo-ge mburunuruk mburugub-et nde, imiri mbara ndok wosa-ge pugup pug-o. Kit-nen ndok wosa pugup mende ereba na-ge an-nen wim pem yigisa keya bimin-o.

SAKARIA 9:15

Nde, Nagawan Indo Mondok Kek tak iri na-nen at ilirag-e inmiri yosola, it unuwim nab-e urugwe nggwe rak unpuwa-o. Inndi nden kaso yi nuruk, urugwe nggwe yugwi nggal wim nggogolat enne sa nggwa mbuwa-o. Wam wosa kan pogolat eyabi wam kan pugwi sa nggilara mbusu iri nggal wim nap eneyabi-ge nggilara mbuwa-o.

SAKARIA 9:17

Nde, nagawan uwi nggweyag-e konak lombok-nen yusu-o! At onggweyak iri-ge konak lombog-e ijar-o! Nde, iri me-ge nggandum mbato min anggut min-e ndag-et nak wigak yosolat, iri-nen ndowaga ap sujwe min kweyap ndugum min na kwarat enmawi worak ma-o.

OROMA 10:11

Mbal Pem Nagawan engga mbarak pem-nen yosolar-e: ”Inndi-ge at ebem angin tubu yuwa nab-e innggiri mondok wuruwa bug-o” luk yij-o.

OROMA 5:5

Mbal Pem Nagawan-nen Konak Indi wok nindid iri na bem-nen enabuwa kaso elem nggilara nit nenarem yebet tak pidnak me, ninndi ebem mbung mbung tak woragwi iri na wolma me, ninndi nggwirik yul pug-o.

OROMA 9:33

Kerep iri wene-ge Mbal Pem Nagawan engga bem-e yu nggal mbarak worasu-o: ”Kwara yebet ker-o. O Sion iri me-ge ap unuwok abis pijaksa mburak kerep an-nen pusu-o. Kerep nggulok na bem-e ab-e pijaksa mbud yuwa-o. Alat nde, kerep na ebem inndi angin tubu yuwa nab-e abog-e innggiri wuruwa bug-o” luk yij-o.

TUGURUK YIDNAK WENE 12:12

Nagawan Indo Kenmbal Pem Nagawan eram kenalin kenalen yogolar-e, kinlirak min ndegel kunpugwi nap min Lewi nap kit kunuwi silmu woragwi nap min oboksa-nen kenalin kenalen ker-o. Nde, Lewi nab-et kit kenma iri me-ge nggweyak wok indigit lak yid iri yeberak wolmer-o.

TUGURUK YIDNAK WENE 12:18

Kit min kinlirak min ndegel kunpugwi nap min Lewi nap kit kunuwi silmu woragwi nap min kit oboksa-nen Nagawan Indo amanggim pugup ereba na nonggolar-e, ondoro at-nen lenak puwa Nagawan Indo eram iri na nak-nen norag-o. Nde, nonggolar-e, kit-nen kwaridnak mende oboksa-ge ebe worak yidnak pem iri me-nen nonggolar-e, mondok kenalin kenalen kudtag-o.

TUGURUK YIDNAK WENE 12:7

Kit-nen yabu wanidnag-e Nagawan Indo-net imbiringgat tak posola, ebe yuwa me, kir-e konkwela inmin Nagawan Indo eram iri me-net nunggwi mende nonggolat, kenalin kenalen yurag-o.

TUGURUK YIDNAK WENE 8:10

Iri me-nen nunggwi mende kinmbitsa nonggolar-e, Nagawan Indo Nenmbal Pem Nagawan nak erembel wanogolar-e: ’O nggweyak amburu worak wok nindigen pem-e wiwa-o’ luk erembel wanogolat woragub-o” yij-o.

1 TIMOTIUS 6:17

Nggweyak ma mende winde nap nggomo ondosolar-e: ”Kenambik kek yurak pug-o. Lak wolmomtak mende iri bem kinndi-ge mbung mbung tak wolmomtak pug-o. Are, nit nenalen kujwakluk, yi mende ndi mende kwarat tak nonposo Mbal Pem Nagawan ebem nak kinndi mbung mbung tak wolmer-o” luk nggomo indi-o.

1 YOANES 2:28

Nde, nilirak wa-e. Kerisut lobok yuwa tarem-e ninggiri min lak, mondok kwiye lag-et at eram wok yuwok-nen Kerisut imin kundik irit wolmer-o.