YOEL 2:20 - Nanduk Ngget Tul Pidnak Wene

²⁰ Sil kwarat abare abam (utara) nggwe-nen lobok yidnak ereba na-ge langgara wirik pimin-o. Nde, ereb-e nembaga karu me nggwe wirik pimin-o. Nde, kere nanduk mboroso ereba na-ge Wat Yoso Yi Koma ambigit nggwe pil mbirimin-o. Nde, kere abok mboroso ereba na-ge Yi Koma Nggok ambigit nggwe pil mbirimin-o. Iri rak unpumu, orogwak ereba na-ge enmben to yuwa-o. Ereba-ge kit andi bandi rak kinpidnak me, mondok lak tak inpimin-o.

YOEL 2:20 ပူးပေါင်းရင်းမြစ်များ

NDAWI ENGGA 126:3

Nde, ndemeret Nagawan Indo-nen kwiye worak irit nenmanggim kwaramu-o! Iri bem-e nenalin nenalen yige-o!

MBIRIGA WENE 10:19

Emengen mbarosoloma-ge, Nagawan Indo nen obube iri na-ge nden kaga mo mboso (barat) nggwe-nen nggok amawi worak puk kil lobok yoso rak pij-o. Iri yosolar-e, sil kwarat ereba na-ge obube-nen puk kuruk yi Nggelaga koma arem puk kaga pil nggosolar-e, misiget tet Mesira nggweyak pem mbi keya bigit lag-o.

MBIRIGA WENE 8:14

Worak pamu-ge, it Mesira nap-nen-e mangge worak pidnak ereba na-ge ndok wosa ligik pil lobok yikma, o iri me-ge emben to yosolat woragij-o.

AMOS 4:10

An-nen-e Mesira nap enpem pil lobok yigi kugwi iri na nggal perek perek mboroso kugwi kenpem pil lobok yigi-o. Nde, kit kennggendumu ap sujwe-ge wim abi bem onposolat, kit-nen idnak kura wam ereba na-ge wim nap ininggem pigi-o. Nde, kit woragwi sa-ge ap onowak yidnak emben worak ereba na yebet tak pumu, emben-nen kenabirumu urud ndo yij-o. Iri nggal-et kwat konposola-t nde, kir-e tuguruk an neram lobok yigit lak yigeb-o

MALEAKI 3:11

Yagidnak mende naso sil ereba-ge yagidnak mende ereba na nujwakluk keya bimin pug-o. Iri yosola-ge, kit-nen idnak anggut ari ereba na-ge engen-e utlud puwa-o.