YOEL 2:2 - Nanduk Ngget Tul Pidnak Wene

² Iri tarem-e mondok muruk tak, ndamuk mom ki irit ma-o. Nde, sil-e mondok kwarat ndobo bem nggan nggan langgurak ereba nggal-et lobok yuwa-o. Nde, sil ereba nggal-e nanduk woragolar-e, iri nggal-e mondok kagwi bug-o. Iri-nen abok na iri nggal-e mondok kwat ma bug-o.

YOEL 2:2 ပူးပေါင်းရင်းမြစ်များ

MBIRIGA WENE 10:14

Lobok yosolar-e, Mesira wi oboksa-nen sil-nen nak kobong yij-o. Nde, sil kwarat iri nggal woragolar-e, mondok kagwi bug-er-o. Iri ombol nggwe-nen na iri nggal-e kwat yigit lag-er-o.

MBIRIGA WENE 10:6

Kat woraso sa min kat keyabu wanugwi nap min kat-nen tenagidnak wi woragwi nap min enma sil-nen nak kobong ma-o. Iri ma iri ge nanduk konmborak sil-nen kwat onposo-ge te-t nde, yawo-n kwat kunpuwa iri-ge mondok terak minig-et kwaruwa-o’ yak ti-o” yid. Yak tosola-ge, Musa na-ge tuguruk mbirij-o.

MBIRIGA WENE 20:21

Iri yak indij-et nde, it ap ereba na-ge erepma mboksa ereba na-t mendak wiriga-o. Alat nde Musa arig-et nak nggan nggan mom kirak Mbal Pem Nagawan worasu sa iri na me panggosa mbirij-o.

YESAYA 8:22

nggweyak nggwe mbel kagolat yuwa-t nde, nin nan ereba-ge yik kujwa bug-o. Are, anggun panggun kagwi mende min ndamuk nak worawi mende min lumu kumu rak onposo mende min nak inmbiriwak pem wolma-o. Ir-e anggun panggun irit kerenak wolma-o.

YESKIEL 34:12

Nde iri-ge lomba yik karok woraso nap-nen olomba nggilarak ndibi ndi rak ereba na kore luk, ndok wosa keya buruk ndogoroso iri na nggal-et kwarimin-o. An nolomba o muruk tak ndamuk tarem-nen yi wi ndi wi inpil mbiridnak ereba na-ge it nggilarak woragwi sa-nen wok unpuruk lobok yimin-o.

NDANIEL 12:1

Nde, aid nap sum linen sum yirik iri na-nen tuguruk yosolar-e: ”Iri tarem abog-e aid nap kek tak kit kenlem Isarael nap nggetlel kunpuruk woraso Mikael iri na wok ma-o. Iri luk imbirig-e anggun panggun wolmomtak tarem irit wok ma iri-ge ap nanduk woraiga ereba woragolat-nen enpem mboso nggal-e lag-o. Are, terak mena anggun panggun wolmomtak tarem irit wok ma-o. Alat nde, kit kenlem nap unnu Mbal Pem Nagawan engga bem mbarak worasu nab-e inmiri-t yuwa-o.

NDANIEL 9:12

Kat-nen-e nit-nen idnak nagawan min nit min ’Kwat kinpimin-o’ luk urul yak nindigen ereba na ndak ndag-et kwat ninpigen-o. Iri kwat nonposolar-e, nggweyakma yu me-nen mbi o siri misik mbi yu nggal-e kwat inpigit lag-et nde, Yerusalem nenpem-e mondok angin worak irit mberak pigen-o.

YOEL 1:6

Sil oro kwarat lobok yosolat, nit nunuwi nggweyak pem mbud yusu-o. Sil ereba-ge amawi worak, wonarurak puk-nen yusu-o. Nde, eyak anggar-e singa ija eyak yengge eyak anggat nggal-o.

YOEL 2:25

Olengen ereba arem woragolat kit-nen yagidnak mende sil-nen ninggid ereba na-ge an-nen uwi yagimin-o. Nde, uwi yagimin iri-ge an-net sil kere ereba-ge pil lobok yigirik me, uwi yagimin-o.

YOEL 2:31

Molengen mom ki yosolat, waneya-ge mep worok yosolat kwaruwa-o. Nde, ereba kwat ma iri-ge Nagawan Indo-nen idnak tarem mondok kwiye worak kwiye-nen enaboro min linggi yurak iri na awo wok yigit lak ma nandug-et kwat ma-o.

YOEL 2:5

Sil ereba na mbisingsa mborosolar-e, ndobo nggwe-t nde, ya kud mbok mborosolat, ijok ene mbirib-e wim koma ene mbirip nggal. Nde, enemu-ge terak kani pagosolat enemu nggal. San ombo kere kwarat obo nesa keya buruk, mabunuruk wim pil ngguwokluk nggal irit lid lud tak puruk worali-o.

YOEL 3:4

Tirus woragwi min Sindon woragwi min Pilisin nggweyak pem woragwi oboksa min wa-e. An-e kit kinmin-e erem-e lag-o. Kir-e kenmep nggo an kwat nubugub-a? Iri ala-ge ob-o. An-nen na ndag-et nak kit-nen kwarugup iri onggo-ge kwar-et kinpimin-o.

AMOS 4:13

Mbal Pem Nagawan-net ndobo min o wija min ndak wirij-o. At-nen kwarurak indi-nen pidnag-e ki nap inmbiri bem nam tak poso-o. At-net lengge min kubu min kwarak pamu-o. Ar-e ndobo anggul pem waring kasu-o. Nde, at unu-ge Nagawan Indo Mbal Pem Nagawan Mondok Amawi worak irir-o!

MATIUS 24:21

Iri tarem andi bandi mondok nggulok kujwa iri-ge ndak worak pid kuri-nen yawo kuri-ge andi bandi iri mende-ge mondok kagwi bug-o. Abok na iri nggal tuguruk kujwa bug-o.

MARAKUS 13:19

Iri tarem-e andi bandi kagwi mende mbuma iri-ge nanduk Mbal Pem Nagawan-nen nggweyak yu ndak wiridnak kuri-net yawo kuri-ge andi bandi iri nggal-e kagwi-ge bug-o. Nde, woragolat nagolat na andi bandi iri nggal-e wok ma bug-o.

TUGURUK YIDNAK WENE 32:7

Nanduk ereba woraiga kinndi yebet ker-o. Ap abok woraiga kinndi yebet ker-o. It-nen yak kunduwakluk, kit-nen kineidtak min ap indi worak min kin wok enper-o.

IBERANI 12:18

Nde, nanduk Isarael nap-nen wok yiga nggal, kir-e wok yili bug-o. Ir-e ndak unuwok purak sa Sinai ndobo bem wok yiga nggal-e kan mare kwarat yosola, o mom ki yosola, o ndamuk yosola, o wijakni yosola, kaiga-o.

YURAS 1:13

It iri-ge yi koma nggulok-nen yi nggweyerep nggwayarep lobok yosolar-e, yi eragup nam tak poso nggal, it ondomok innggiri kagwi mende nam tak pili-o. It iri-ge kasa waring kaso wonaru nggal-nen yili-o. Nde, Mbal Pem Nagawan-nen it onndoro-ge pem-et mondok ndamuk nak woraso sa iri me it enmanggim lid lud tak pidnak worasu-o.

NAM PARA WENE 9:2

Wonaru iri na-nen wat yugwi mbun tu kuwarosola-ge, arem-nen-e tirik kule nggal mundurak luwasolar-e, wat yugwi mbun kule iri na-nen teram nggwe pidsa muruk yosolar-e, mo eyaya lumu rak posolar-e, ndamuk yij-o.