YOEL 2:18 - Nanduk Ngget Tul Pidnak Wene

¹⁸ Iri yogola-ge, Nagawan Indo-nen-e o nggweyak iri yeber-et kasolat, at ilirag-e enabuwa-t yij-o.

YOEL 2:18 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 19:31

Nagawan Indo-nen-e ’Iri nggal kwat ma-o’ luk urul pidnak me, Yerusalem min Sion ndobo bem min-e inmiri yidnak nab-e wolmar-o.

NDAWI ENGGA 103:13

Ineidtak-nen inlirak enabuwa kagwi iri nggal-et Nagawan Indo-nen-e at ebem indi angin tubu yugwi nab-e enabuwa kaso-o.

NDAWI ENGGA 103:17

Alat nde, Nagawan Indo-ge at aye worak woragwi nap pem irit enabuwa kasolat, at-nen konak nak kwat onposo mende-ge ap pem lud irit pem kundugu kandugu kwat onposolat woraso iri-ge

YESAYA 42:13

Nagawan Indo-ge wim wari nggal wim mbareyekluk mburusu-o. Ap san ombo misik-nen wim nggurak amawi kunduruk mboroso nggal mburusu-o. At-nen-e wim nggurak pem ene-nen mburusu-o. At amawi na-ge at imin wim nap inmbiri bem nam tak pusu-o.

YESAYA 60:10

Nagawan Indo-nen Yerusalem yak tosolar-e: ”Kat kegerep pak leger-e enlem nin nap-nen tuguruk worak kubuwa-o. It-nen idnak nagawan ereba na-nen-e ndegel kubuwa-o. Nandug-e nisilepma bem angin worak kebem posolat woragi-t nde, yawo-ge an nindi-ge kat kabuwa yurak nindingen yusu-o.

YESAYA 63:15

Nagawan Indo wa-e. Kat woraso sa marak abinal worak aid arem-nen kerengen-e mbel niniyi-o. Kat kamawi woraso min nenabuwa kaso min-e ngge rak pigenma-o? Nunpud kaso min nenabuwa kwarat kaso min-e ngge rak pigenma-o? Nenabuwa yigit lak keya nunpurak pug-o.

YESAYA 63:9

it-nen anggun panggun kagwi mende-ge at ebem mbij-o. Nde, Nagawan Indo-nen-e it yongga unduwaklug-e, ap ala na, aid nap ala na, mbi wirik inpigit lag-o. Ar-e enabuwa kwarat kasolat me, Nagawan Indo ondomok-net wisirik enpamu-o. Ar-e o nanduk ereba-net mondok ndegel onposolat woraso-t nde,

YEREMIA 31:20

Isarael wa-e. Kar-e nera kabuwa worak-nen yusu-o. Nera nindi kundik, nindi kumburak-nen yusu-o. Pempa an-e kat kebem kore yusu-t nde, nindi andi-nen pempa nindi-ge kebem-et worasu-o. Kar-e an-nen kwat kobosolar-e, mondok kabuwa min-et kwat kibimin-o.

LUKAS 15:20

Iri yebet karuk, la na at eid eram mbirij-o. Mborosola-ge, eid na-nen erepma ereba-nen yik karug-e, abuwa kwarat karuk, puburak mborosolar-e, ambara na urusu ngonok turuk, wa yak tij-o.

TUGURUK YIDNAK WENE 32:16

Keya buruk, ir-e kugwiwak erembel wanogola-ge, Nagawan Indo-ge erengen ale yij-o. Nde, it-nen meya kwarogolar-e, at isilepma kwarat tak piga-o.

TUGURUK YIDNAK WENE 32:36

Nagawan Indo-nen-e at ilirak nde yik eneyasolar-e, ndeyak yogola, enmawi lak ala karug-e, at ndegel ubugwi nap enabuwa kasolar-e, at ilirag-e inmiri yuwa-o.

TUGURUK YIDNAK WENE 32:43

Ap enlem oboksa wa-e. At ilirak indili nab-e oboksa undusu me, Nagawan Indo ilirak entembel waner-o. At uwim nap-nen kwat ibidnag-e onggo posolat, nde, at ilirak-nen meya yidnag-e amberam tak pusu-o” luk yij-o.

YAKOBUS 5:11

Ir-e mamak puruk woraidnak me, ir-e imbiringgat-nen yili-o luk nir-e yugwi-o. Ayub-nen mamak puruk woragaij-e kir-e kulugwi nar-o. Nagawan Indo iri-ge mondok enabuwa kaso, indi konak me, abok nggwe-ge Ayup na imbiringgat tak pid iri-ge kenaru nar-o.