YOEL 2:17 - Nanduk Ngget Tul Pidnak Wene

¹⁷ Nde, tepan ombo Nagawan Indo ama iri na me yabu wanugwi nab-e Nagawan Indo amanggim kan pugwi iri na wok, iri-nen o panggo tumende bem iri na wok, enggendumu iri na me-nen yip togolat-nen tepan yogolar-e: ”Nagawan Indo wa-e. Kat kilirag-e enabuwa ki-o. Kat kilirag-e kat-nen keya unpugunmu, kopkap tobok yogola, ap enlem erep-nen eneyaruk yogolar-e: ’It Enmbal Pem Nagawan-e ngge me worasu-o?’ luk yuwa naru, keya unpurak pug-o” luk yuwakluk yak ender-o.

YOEL 2:17 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 6:3

Nde, Nagawan Indo uwi iri erep kundik tumende ambigit nggwe ndak wiriga-ge mot nggwe-ge 4,5 meter, nde wigak tak nggwe 9 meter irit ndak wiriga iri-ge o ebe iri na wigak tak nggwe ndak ndak irir-o.

1 NAGAWAN NAGAWAN-NEN KWARIDNAK WENE 9:7

an-nen-e nilirak Isarael nab-e an-nen wok indigi o yu me-nen sera wirik inpimin-o. Kat-nen an nerembel wanurak lenak pigen o yu na keya-t pimin-o. Iri yumu, nin me nan me ereba oboksa-nen Isarael nab-e sit mbit tak woragola, ap-nen pesel konpogolat, nda kondogolat wolma-o.

NEMIA 9:36

Nit yawo-ge kat-nen wok nindigen nonnggweyak iri na bem-et worali-t nde, mumnggupmanggi worali-o. Nonnggweyak yu-ge mondok amburu worak, nit-nen nonggolat wolmomtak nunggwi mende na kwarat worasu-o.

NDAWI ENGGA 115:2

Noluk-nen ap enlem ereba na-nen yogolar-e: ”It Enmbal Pem Nagawan-e ngge me worasu-o?” luk yili-o?

NDAWI ENGGA 42:10

Nuwim nap-nen nggweyel nobogolat-nen yogolar-e: ”Kembal Pem Nagawan-e ngge me worasu-o?” luk yak nererenak worali iri bem nindi abi kalok yosolat worasu-o.

NDAWI ENGGA 42:11

Noluk-nen an-e nindi abi kalok yosolat, yane wat tenak worasu-o? An-e Mbal Pem Nagawan ebem nindi mbung mbung tak woralat, an-e Nembal Pem Nagawan, nimiri yoso nap iri na wiwa-o yak tosolat woramin-o.

NDAWI ENGGA 42:3

An-e kubu-nen lengge-nen yip nak tenak woralat, nunggwi mende nggal-e yip nak nok tenak worasu-o. Pempa an nuwim nap-nen kin wok nobogolar-e: ”Kembal Pem Nagawan-e ngge me worasu-o?” luk yak nererenak worali-o.

NDAWI ENGGA 42:4

An-e nanduk woralat, ap kwarat inmin Mbal Pem Nagawan erembel wanurak at ama mborogolat, an-e nandug-et anggul tak puruk mborosola, Mbal Pem Nagawan erembel wil wil nenalen-nen ndawi bem mburugwi ereba na nindi yebet karug-e, nindi puru kwarat yusu-o.

NDAWI ENGGA 89:41

Ap oboksa-nen iri nggwe mborogolar-e, arengge-ge mengga wanili-o. Ar-e at imin woragwi nap-nen pesel ubugwi kwat yij-o.

NDAWI ENGGA 89:51

Nagawan Indo wa-e. Kuwim nap-nen-e kat-nen lenak pigen nagawan iri na enlengenma nggal tak ibili-o. At mbiridnak sa-ge pesel nag-et ibil nili-o.

MBIRIGA WENE 34:9

”Nagawan Indo wa-e. Kat nde ndemeret kalen nebem poso ala-ge, nab-o. Mondok ninmin mbururak kindi koni-o. Nde, ap enlem yu-ge wene kulugwi buk lem-nen yili-o. Alat nde, nit-nen lugud tak kwarugwi min meya kwarugwi min kamberam tak puruk, nir-e kat kelem nap tag-et nunpurag-o yij-o.

OSEA 14:2

Isarael nap wa-e. Kir-e tuguruk Nagawan Indo Kenmbal Pem Nagawan eram lobok yer-o. Kir-e meya kwatli ereba-nen ndowaga mboroksa mbud yili-o.

YOEL 1:13

Kit tepan ombo Mbal Pem Nagawan amanggim wam wosa kan pugwi sa iri na me yabu wanugwi nap wa-e. Karung sum yutluk, yip ter-o. Mbal Pem Nagawan amanggim purak nggandum mbato min anggut engen min-e lak yidnak me, kir-e Mbal Pem Nagawan ama nggugupndik, yip tenak nak worakmu, o nda mag-o!

YOEL 1:9

Nggandum mbato min anggut min Nagawan Indo ama pugwi ereba na-ge pusa lak yamu me, tepan ombo pempa tugup lak Nagawan Indo ama yabu wanugwi ereba na-ge yip nggu lek tenak worali-o.

AMOS 7:2

Nde, sil oro ereba na-nen-e nggweyakma-nen yak yoso mende ereba na-ge mondok oboksa nasola kagi-o. Iri yosola karuk, an-nen yosolar-e: ”Nagawan Indo Mondok Kek tak wa-e. Kat kilirag-e it-nen meya yidnag-e kamberam tak pi-o! It iri-ge mondok marik, enmawi lak-nen yili-o. It nggal-e nggesa-nen unluk wolma-o?” luk yigi-o.

AMOS 7:5

Karuk, an-nen yosolar-e: ”Nagawan Indo Mbal Pem Nagawan wa-e. Kanduk iri-ge nigirik pi-o! Kilirag-e mondok marik, enmawi lak-nen yili-o. It nggal-e nggesa-nen unluk wolma-o?” luk yigi-o.

MIKA 7:10

Nanduk nit nunuwim nap-nen pesel nonpogolat-nen yogolar-e: ”Kit-nen idnak Nagawan Indo, Kenmbal Pem Nagawan iri na-ge ngge me worasu-o?” luk yiga-t nde, yawo Nagawan Indo-nen nit nenmanggim kwarusu ereba na karug-e, ir-e innggiri yuwa-o. Nde, nit nunuwim nab-e urugwe nggwe rak unpuruk, tulama miril yumndugwi nggal unuwok tebere rak onpogolat, nenlengen-nen kul-o.

MALEAKI 1:9

Kit tepan omborak wa-e. Yawo-ge nit nenabuwa yuwaklug-e, Mbal Pem Nagawan emengen mbarugwi mbi wal ker-o. At-nen-e kit-nen tepan yugub-e kenne ereb-e nggaruwa bug-o. Iri kwaruwa iri-ge kit-nen lugud tak kwaridnak pem-et kenne ereb-e nggaruwa bug-o.

MATIUS 23:35

Iri kwarogolar-e, lud tak nak kwaroso Abel wirid kuri Mbereka ambara Sakaria wirigep kuri lud tak nak kwarugwi nap oboksa eneyabi-ge kit konmbol pem-o. Nde, Sakaria na worogolar-e, Mbal Pem Nagawan uwi wok Mbal Pem Nagawan amanggim wam wosa pugwi sa wok enggendumu iri me-nen wirigeb-o.

MATIUS 27:43

At indi-ge Mbal Pem Nagawan ebem mbung mbung tak worasolat-nen yosolar-e: ’An-e Mbal Pem Nagawan Ambara-net yusu-o’ luk yoso ala-ge, Mbal Pem Nagawan-nen at indingen nde ala-ge, yawo-t at imiri yuwag-o” luk yiga-o.

TUGURUK YIDNAK WENE 32:27

an-nen nilirak kwat unpusu yu na-ge kagit lak-nen Isarael nap unuwim nap-nen inndi kek yogolat-nen yogolar-e: ”Mondok nit-net urugwe nggwe rak inpige-o” yuwa naru, an-e larok yusu-o’ yij-o.

YOSUA 7:9

Nde, Kanaan nap min yu me nap oboksa min-nen wene yu kulurug-e, lop lop nunduwarik, mondok oboksa nunduwa-o. Iri ala-ge, kat kunu kek tak purak pem-e kar-e no kwarugun-o?” luk yak tij-o.