YOEL 2:16 - Nanduk Ngget Tul Pidnak Wene

¹⁶ Ap oboksa ndok worak enper-o. Ap oboksa marak wolmomtak wene yak ondogolat, ap indi worak min li marik min li nggisiya min-et oboksa lobok yer-o yogolat, nggeret kwe ap wok kerak mbidnag-et nde, it-nen-e it nene yugwi ondoro mondok keya buruk, lobok yuwag-o.

YOEL 2:16 ပူးပေါင်းရင်းမြစ်များ

AYUP 1:5

Nde, sagurug-e, sagidnak ereba na irit wosa Ayub-e kubu kabu men yosolar-e, ilirak meya yidnak ereba na Mbal Pem Nagawan-nen amberam tak puwakluk pempa at ilirak ereba na enmanggim lombok wam wosa kan posolat woragij-o. Nde, iri kwaroso iri-ge Ayup-nen perasolar-e: ”It inndi-nen mboroksa-ge kwarigit lag-et nde, it-nen meya mbi kwarogolat, Mbal Pem Nagawan pesel pidnak worasu, lak?” luk-nen enmanggim wam wosa kan posolat woragij-o.

NDAWI ENGGA 19:5

Kubu kabu molengen wasolar-e, kwe wanurak nap-nen nene yoso sa-nen waso nggal, pong kaso nap-nen pong kudtak pem lid lud tak puruk woraso nggal irit waso-o.

MBIRIGA WENE 19:10

Yawo-ge kar-e it iri endam mbiri-o. Nde, it iri-ge yawo min kup min-e Nagawan Indo erembel wanurak pem it ondomok lid lud tak pogolat, unsum mondok maruwag-o.

MBIRIGA WENE 19:22

Tepan ombo an neram panggosa lobok yurak min et it na it-net mat kurudtag-o. Iri nde kwarigit lak ala-ge, mondok indimin-o” luk yij-o.

YOEL 1:14

”Nunggwi mende ninggit lak, tepan nak yogolat wolmer-o” luk, kenlem nap yak ondogolat, nggok ndok wururak wene naru karu rak per-o! Enne kulugwi nap min Yewura woragwi nap oboksa min-e Nagawan Indo Kenmbal Pem Nagawan ama ngguruk, at eram wene mbo bil lujwakluk, yonggo enper-o!

MATIUS 21:16

Yuruk, it-nen Yesus yak togolar-e: ”Li yu-nen yili yu-ge kar-e kulusu, lak?” luk yak togolikma-ge, Yesus-nen wene erep nggarosolar-e ”Eyo. Kulusu-o. Nde, engga mbarak pem-nen mbaridnak wene yu-ge: ’Li marik marik nde, kamo nunggwi nggisiya nde, enemendam-nen-e kat kerembel kwara wanuwakluk mul indigen-o’ luk mbaridnak wene iri-ge kir-e wonarugwi bug-a?” luk yij-o.

MATIUS 9:15

Kin wok obogolikma-ge, Yesus-nen it yak ondosolar-e: ”Kwe wanurak nap iri na anggamirak-nen-e kwe wanurak nap na it inmin worasola-ge, inndi puru pera yugwi-a? Mondok lag-o! Alat nde, kwe wanurak nap na it ennggendumu-nen wok uburak tarem wok yosola-n perak nde mburu ninggit lak, we wolma-o.

1 KORINTUS 7:5

Kir-e inmin nene yugwi iri bem-e yuk puk yurak pug-o. Nde, kit kenmberek wene mbarogolar-e: ”Tepan yogolat wolmok-nen-o” yuruk, iri kwarurak na keya buruk, tepan yurag-o. Yurug-e, kit kondomok-nen mamak purag-e meya me, Sere-nen kinndi ngaruwa naru, kenmberek lambuk yurag-o.

YOSUA 7:13

Yosua, yawo kar-e men min-o. Isarael nab-e marak puruk wolmag-o. Kat-nen yak indi-o. Ir-e an neram lobok yurak mondok lid lud tak puruk wolmag-o. Nagawan Indo Isarael nap Enmbal Pem Nagawan an-nen kub-e wene yu yak indimin-o: ’Isarael nap wa-e. Silobulo oboksa mondok lak tak purag-o luk yak kindigi ereba na-ge ereb-e kit kendam worasu-o. Kit-nen nde iri yidnak silobulo ereba nde mbo bigit lak ma-ge, kir-e wim nap inmin-e mondok pak tugup pug-o’ yak indimin-o.

1 SEMUEL 16:5

Yogolikma, Semuel-nen yosolar-e: ”Ndemerer-o. An-e Nagawan Indo amanggim sapi wam wosa purak lobok yusu-o. Iri ala-ge, wam wosa pogolat nggok sagurak me, kit na kit-net marak puruk wolmer-o” yak ondosolar-e: ”Isai ilirak inmin na ondomoktak-nen marak puruk Mbal Pem Nagawan amanggim wam wosa pukmu lobok yurag-o” luk yonggo inpij-o.