YOEL 2:13 - Nanduk Ngget Tul Pidnak Wene

¹³ Kunsum ndela keya bili iri na-ge ndag-e lag-o. Are, niri nera-o luk yip min-et kinndi puru yurag-o” luk yij-o. Nden karuk Nagawan Indo Kenmbal Pem Nagawan eram lobok yer-o. At iri-ge mamak puruk worasolat, enabuwa kasolat, ndag-et nak isilepma yoso buk, indi konak unpud kaso-nen yusu-o. Ap meya yidnak emberam tak poso indingen, ndag-et nak enpem wene mbarurak isili-nen yusu-o.

YOEL 2:13 ပူးပေါင်းရင်းမြစ်များ

NDAK WIRIDNAK WENE 37:29

Iri rak pikma nde, at Uruben na-ge lobok yarik, yi mbun emnde mbaridnak sa iri na me wok yarik, lombot pidnggal-e, Yusup lak alama karug-e, indi andi-nen usum ndela bela keya bij-o.

NDAK WIRIDNAK WENE 37:34

Iri yosolar-e, Yakup na-ge usum ndela bela keya buruk, indi abi kalak woragolat-nen yurugwi sum karung nggal yutluk, ambara iri na ubud-nen tabun puruk, kwarat woragij-o.

2 SEMUEL 1:11

Wene iri na kulurug-e, Ndaut na-ge indi puru yosolar-e, Ndaut min at imin nugwi nap min unsum ereba na-ge ndela bela keya biga-o.

1 NAGAWAN NAGAWAN-NEN KWARIDNAK WENE 21:27

Nde, Elia-nen wene iri na yuruk keya bosola karug-e, Akap na-ge ”Niri nera kwarigi-o!” yosolar-e, usum ndela keya buruk, sum-e karung ndelak meya ereba na yirij-o. Yutluk, nunggwi mende ninggit lak irit woragij-o. Nene yosolat na, karung iri na-t yutluk nene yosolat, nde tu mborosolat na erare yek tag-e nigit lag-o.

2 NAGAWAN NAGAWAN-NEN KWARIDNAK WENE 22:11

Wonarosola, nagawan-nen kulurug-e, indi puru yosolar-e usum-e ndela bela keya bij-o.

2 NAGAWAN NAGAWAN-NEN KWARIDNAK WENE 22:19

kar-e niri nera iri nggal kwarigi-o luk an neram tebe yigen-o. An-nen-e Yerusalem min Yerusalem woragwi nap min mondok angin worak mende enpem pimin-o. O siri iri-ge an-nen-e unmunggum lera mburak mende rak pumu, ap-nen yik kagolar-e, unmunggum lera mbuwa-o. O Yerusalem unu-ge imbiri lamut mende rak pimin-o. Alat nde, kat-nen iri kwat inpimin wene iri na kulurug-e, kindi kalok yosolat, kusum lebena keya bosolat, yip tosolat yigen-o. Iri yosolat, kat-nen tepan yigen iri-ge an-e kuligi-o.

2 NAGAWAN NAGAWAN-NEN KWARIDNAK WENE 5:7

Isarael nagawan iri na-nen engga iri na wonatlug-e, indi wendet yosolat, usum ndela keya bosolat-nen yosolar-e: ”Mondok meya-o! Noluk-nen Siria nagawan iri-ge an-nen ap yu ki rak purak yak nirij-o? An-e Mbal Pem Nagawan nggal unluk tak posolat, lak tak onposolat kwaroso iri na nggal namawi worak ala-nen yij-a? Siria nagawan iri-ge an nimin yurak tu kore yosolat-nen yid kagi-o” luk yij-o.

2 NAGAWAN NAGAWAN-NEN KWARIDNAK WENE 6:30

Wene iri na kolosolug-e, indi abi kala mbosolar-e, nagawan iri na-ge usum ndela bela keya bij-o. Ndela keya bosola-ge, ap kerep pak eralu mendak woraiga ereba na-nen yik kagolar-e, abare sum arem nggwe-ge karung sum yirik kaiga-o.

NEMIA 9:17

It-nen-e kat-nen yidnak yidnak kwarigit lak yiga-o, Iri-nen kat-nen konak kwat onposo ereba na meme rak piga-o. Nde, kat-nen kwiye worak mende it enlengen pem kwarigen ereba na-ge ir-e meme rak piga-o. Iri yogolar-e, tuguruk ndegel unpugwi nap tak unpuwakluk Mesira lit unpuruk mbururak it-nen ene kulurak nap misik inndi kek tak pem liniga-o. Alat nde, kar-e ap-nen lugud tak kwaridnak kamberam tak poso Mbal Pem Nagawan-nen yusu-o. Kar-e mamak puruk woraso, kindi konak enabuwa kwarat kaso-o. Kar-e ap unpud kwiye worak kaso iri na bem-nen it iri na-ge keya inpigit lak yigen-o.

AYUP 1:20

Yosoloma, Ayup na men yosolar-e, indi abi kalok yosolar-e, usum ndela bela keya buruk, anggulsu pena keya buruk, erare nggwe tud luk-nen

NDAWI ENGGA 103:8

Nagawan Indo-ge unpud kasolat, enabuwa kwarat kasolat yoso elem me, mondok mamak puruk worasolat, kwarat enabuwa kaso-nen yusu-o.

NDAWI ENGGA 34:18

Nagawan Indo-ge ”Ngge kwarimin-o?” luk inndi kabak yidnak nap inmin-et woraso-o. Inndi engga nggwe mbiridnak nab-e at-nen-e inmiri yoso-o.

NDAWI ENGGA 51:17

Nde, an-e Mbal Pem Nagawan kamanggim kan posolar-e, ”Niri nera-o” luk nindi abi kalok yusu irir-o. Indi nde kondok luk tebe yidnag-e kar-e keya bugun pug-o.

YESAYA 58:5

Kit-nen nunggwi mende keya buruk, tepan yogolar-e, kondomok-nen andi bandi rak pogolat, tusuangge-nen kwaroso nggal kenanggul mbara ujo rak pogolat, kunsum abak yemarak puruk, mabe pil yaga keya buruk, ebem mbiring yili-o. Kit-nen nunggwi mende keya buruk, tepan nak yik tenak woragwi-ge iri kwatli irir-a? Kit kinndi-nen-e: ’Nit-nen iri kwatli iri-nen Nagawan Indo-ge indingen nenperasu-o’ luk perali-a?

YESAYA 66:2

O yu-ge an ninggi-nen posola-net o yu oboksa kwat yamu-o. Alat nde, an-nen ukwe peraso-ge ap inndi teberak woragolat, it-nen meya kwarugwi iri na bem ’Niri nera-nen kwarigi-o’ luk kondok yogolat, an naye kagolat, an-nen yidnak yidnak kwarugwi iri nak nindingen-o.

YEREMIA 36:7

Nde, Nagawan Indo-ge isilepma kwarat onposolar-e, enpem mbud ma wene kuluruk, erep-nen-e ir-e Nagawan Indo eram tepan yogolat, it-nen yi meya ndi meya kwat tenak worali ereba-ge keya buwa nde ma-o” luk yigi-o.

OSEA 14:1

Samaria iri-ge an nimin wim mbarogolat, eyak witli iri bem-e angin worak enpem pimin-o. Iri me woragwi nab-e wim pem unduwa-o. Nde, li nggisiya-ge onowak mburuk waga lel eneyagolat, kweyap enabila-ge enmbe ngaril lobok yogolat ma-o” luk yij-o.

YUNUS 3:9

Iri nggal kwarogola-ge, Mbal Pem Nagawan-nen-e at indi-nen kwat nunpurak pidnag-e keya bosoluk, nenabuwa yosolar-e, lak tak nunpuwa buk nde ma-o!” luk wene wirik pij-o.

YUNUS 4:2

Isilepma yosolat-nen tepan yosolar-e: ”Nagawan Indo wa-e. Nanduk an-e nama-nen lobok yigit lak ma-net yu nggal-et kwarugun-o luk yigi na-ge lag-a? Iri ala karuk-nen an-e nok Sepaniol nggwe mbereyekluk yigi nar-o! Kar-e Mbal Pem Nagawan ap enabuwa kaso elem, unpud kaso elem, mamak puruk worasolat, yemnak nak kwarosolat, meya rak unpurak yidnag-et nde, pempa kindi luruk posolat yoso Mbal Pem Nagawan kar-e an-e naru-o.

MIKA 7:18

Nagawan Indo wa-e. Mbal Pem Nagawan kat nggal misik mbi worasu bug-o. Kat-nen len inpigen kilirak minggirik keya inpidnak ereba na-nen meya kwarugwi-ge kamberam tak poso-o. Kat-nen-e abu abu kisilepma yoso bug-o. Alat nde, kat-nen unpud kaso-ge pok tak poso buk iri na mirik onposolat-nen kwaroso-o.

WONARIDNAK WENE 14:18

’An-e ndag-et nisilepma yoso bug-o. An-e pempa mondok kenabuwa kwarat kasolat, an nimin eyak wurugwi nap min meya kwarugwi min-nen meya yidnag-e namberam tak pimin-et nde, ineidtak-nen meya kwarugwi bem onggo posolar-e, it inlirak-nen ndaguwa kuri-nen ap tap mberen pem min ap tap kenan enpem min-et onmborak-nen kwaruwa onggo-ge pimin-o’ yigen iri nar-o.

OROMA 2:4

Mbal Pem Nagawan-nen ap unpud kaso min indi yanggonak woraso min indi luruk puruk woraso min nggok iri-ge kir-e te rak pili-a? Kit meya yidnak keya buruk, kondok yuwakluk, ar-e kit kunpud kasu iri-ge kir-e kenaru buk yili-a?

EPESUS 2:4

Alat nde, Mbal Pem Nagawan-nen ap unpud kaso elem iri mondok kwarat ala, ar-e nit nenabuwa mondok nggulog-et kaso me,

1 TIMOTIUS 4:8

Ap enpe amawi makluk onowak mulugwi iri-ge ob-et nde, iri-ge te nggal-nen yusu-o. Nde, inndi-ge Mbal Pem Nagawan abage nggal makluk onowak mulugwi iri-ge mondok nggok lombok-nen yusu-o. Iri arem-e yawo nunluk worali min abok nunluk wulmul min worasu-nen yusu-o.