YOEL 2:11 - Nanduk Ngget Tul Pidnak Wene

¹¹ Nde, Nagawan Indo-nen-e at-nen idnak san ombo ereba na ene o nggu nggal pem-nen ”Yu nggal kwarurak, iri nggal kwarurak” yak undusu-o. At-nen yidnak yidnak kwatli esan ombo-ge enpe na kwarat, mondok enmawi worak irir-o. Nde, Nagawan Indo-nen idnak tarem iri-ge ndemeret mondok ija kwiye worak-nen yusu-o! Ap misiger-o luk mbi mondok mamak puwa bug-o.

YOEL 2:11 ပူးပေါင်းရင်းမြစ်များ

NDAWI ENGGA 46:6

Mbal Pem Nagawan ene o nggu nggal yosolat, o yu-ge yigisa ndamera nggururak pusu-o. Yi ap ndi ap oboksa-nen enne lek kagolat, nggweyakma nagawan-nen tenagidnak wi ereba na nari wari mbosolat yusu-o.

YESAYA 42:13

Nagawan Indo-ge wim wari nggal wim mbareyekluk mburusu-o. Ap san ombo misik-nen wim nggurak amawi kunduruk mboroso nggal mburusu-o. At-nen-e wim nggurak pem ene-nen mburusu-o. At amawi na-ge at imin wim nap inmbiri bem nam tak pusu-o.

YESAYA 7:18

Iri tarem-e Nagawan Indo-nen Mesira nap min Asiut nap min yonggo unpuwa-o. Iri yosola-ge, ap enlem mberen iri-ge mirabon nggal, ngin ija ndelak nggal irit lobok yogolar-e, nggorok kobok arem min kerep uru arem min ereba na me irige lak yosolat, egere isile worak pem-nen na tusuangge bem-nen na utlud puwa-o.

YOEL 1:15

Mondok Amawi Worak iri na-nen yigisa lak tak unpurak tarem, kwiye-nen enaboro min wat yurak tarem, Nagawan Indo-nen idnak tarem iri na-ge panggo yij-o.

YOEL 1:6

Sil oro kwarat lobok yosolat, nit nunuwi nggweyak pem mbud yusu-o. Sil ereba-ge amawi worak, wonarurak puk-nen yusu-o. Nde, eyak anggar-e singa ija eyak yengge eyak anggat nggal-o.

YOEL 2:1

”Lak tak nunpurak wok yamu-o” luk yenggerak puwakluk, Mbal Pem Nagawan woraso sa Sion ndobo marak iri na bem-nen terompet ene pu yer-o. Ene pu yogolat kwarer-o. Nagawan Indo-nen idnak tarem-e panggo yosolat, ndag-et nak wok ma me, Yewura woragwi nap wa-e. Kwiye-nen ye le mber-o.

YOEL 2:2

Iri tarem-e mondok muruk tak, ndamuk mom ki irit ma-o. Nde, sil-e mondok kwarat ndobo bem nggan nggan langgurak ereba nggal-et lobok yuwa-o. Nde, sil ereba nggal-e nanduk woragolar-e, iri nggal-e mondok kagwi bug-o. Iri-nen abok na iri nggal-e mondok kwat ma bug-o.

YOEL 2:25

Olengen ereba arem woragolat kit-nen yagidnak mende sil-nen ninggid ereba na-ge an-nen uwi yagimin-o. Nde, uwi yagimin iri-ge an-net sil kere ereba-ge pil lobok yigirik me, uwi yagimin-o.

YOEL 2:31

Molengen mom ki yosolat, waneya-ge mep worok yosolat kwaruwa-o. Nde, ereba kwat ma iri-ge Nagawan Indo-nen idnak tarem mondok kwiye worak kwiye-nen enaboro min linggi yurak iri na awo wok yigit lak ma nandug-et kwat ma-o.

YOEL 3:14

Nagawan Indo-nen idnak tarem mondok ndag-et wok yurak ala karuk, Ap Enpem Wene Mbenarugwi Mbirik iri na me-ge ap mondok kwarat (ribu ribu) irit ndok worak worali-o.

YOEL 3:16

Nagawan Indo-ge at Ondobo Sion pem-nen singa ene nggal ngol yosolat, Yerusalem-nen ene-ge o nggu nggal yosolat, ene-nen ndowaga mbal min nggweyak min-e lele yosolat yusu-o. Alat nde, Nagawan Indo-nen-e at ilirak Isarael nap enambigit yosolat, nggetlel onposolat wolma-o.

AMOS 1:2

Amos-nen yid wene-ge yu-o: ”Nagawan Indo-ge Sion ndobo bem-nen urum ene ngol yosolat, Yerusalem-nen ene o nggu nggal yosolat yusu-o. Tusuangge ereba na-ge mondok umbuk le yosolat, nde, tusuangge Karamel Ndobo bem ereba na-ge merek le yij-o” luk yij-o.

AMOS 5:18

Kit Nagawan Indo-nen idnak tarem iri na kindingen kali nab-e mondok ndemeret kenabuwa worag-o! Iri ala-ge, no manggim-nen Nagawan Indo-nen idnak tarem iri kindingen tak pili-o? Nde, iri tarem-e kit kenmanggim-e yaya-ge lag-o, mondok ndamuk irit kwat ma-o.

AMOS 5:20

Nagawan Indo-nen idnak tarem iri-ge ndamuk elem pil lobok yurak tarem-nen yusuo. Yaya elem pil lobok yurag-e lag-o. Iri tarem-e yaya-ge lak, mom ki irit ma-o.

MALEAKI 3:2

Alat nde, Nagawan Indo lobok yosolat, at ondomok-nen nam yuwa iri tarem-e ta-nen nggal mamak puruk wolma-o? At iri-ge kik lena labuk makluk posid tol woragoso nap-nen kan mabidnak kanduk nggal-nen yusu-o. Sum maroso kwe esabon nggal-nen yusu-o.

WONARIDNAK WENE 24:23

Iri luk Mbileyam-nen wene yu min-et urul pij-o: ”Mbal Pem Nagawan-nen iri kwaruwa tarem nde ta-nen nde uruk wolma nab-e mondok enabuwa-o.

1 TESALONIKA 4:16

Nagawan Indo ar-et aid arem-nen mbuwasola ereya na-net aid nap nagawan-nen ene nggoksa yosolat, Mbal Pem Nagawan obosid poba ene yasolat ma-o. Nde, Kerisut ebem inndi angin tubu luk wat yidnak nab-e nandug-et unluk ma-o.

NAM PARA WENE 18:8

Iri bem-e misik tarem-et at andi bandi rak uburak mende at ebem mbosolar-e, ud andi kagwi mende min inndi puru yugwi mende min nere min at ebem mbuwa-o. At ebem wene mbaroso Nagawan Indo Mbal Pem Nagawan iri-ge amawi kwarat me, kwe iri na kan puwama, kan nujwa-o” luk yij-o.

NAM PARA WENE 6:17

It insilepma mberak purak tarem nggulok na yawo wok yarik, it insilepma mberak pogola, ap misiger-o luk-nen it entare bem wolmomtag-e meya-o” luk yiga-o.