YOEL 2:1 - Nanduk Ngget Tul Pidnak Wene

¹ ”Lak tak nunpurak wok yamu-o” luk yenggerak puwakluk, Mbal Pem Nagawan woraso sa Sion ndobo marak iri na bem-nen terompet ene pu yer-o. Ene pu yogolat kwarer-o. Nagawan Indo-nen idnak tarem-e panggo yosolat, ndag-et nak wok ma me, Yewura woragwi nap wa-e. Kwiye-nen ye le mber-o.

YOEL 2:1 ပူးပေါင်းရင်းမြစ်များ

NDAWI ENGGA 119:120

An-e kat kaye-nen lele yosolat, kat-nen ap enpem wene nggaruksa mbarugun iri na bem nindi-ge purung purung yusu-o.

NDAWI ENGGA 87:1

Nagawan Indo-nen uwi siri-ge ondobo marak iri na bem pij-o.

MBIRIGA WENE 10:14

Lobok yosolar-e, Mesira wi oboksa-nen sil-nen nak kobong yij-o. Nde, sil kwarat iri nggal woragolar-e, mondok kagwi bug-er-o. Iri ombol nggwe-nen na iri nggal-e kwat yigit lag-er-o.

YESAYA 66:2

O yu-ge an ninggi-nen posola-net o yu oboksa kwat yamu-o. Alat nde, an-nen ukwe peraso-ge ap inndi teberak woragolat, it-nen meya kwarugwi iri na bem ’Niri nera-nen kwarigi-o’ luk kondok yogolat, an naye kagolat, an-nen yidnak yidnak kwarugwi iri nak nindingen-o.

YESAYA 66:5

Kit Nagawan Indo aye worak woragolat, at-nen yidnak yidnak kwatli nap wa-e. Nagawan Indo-nen yak kundusu wene kwara koler-o. At-nen yosolar-e: ”Kit-nen an-nen yidnak yidnak tugup lak kwarogolat worali bem-e, kit kenlem nap ennggendumu ap erep-nen-e insili rak konpogolat, kit kinmin kundurak insili yili-o. It-nen pesel konpogolat-nen yogolar-e: ’Kit-nen kenalen kagola, nit kujwok-nen Nagawan Indo-nen at-nen kek tak woraso iri na mirik nunpuwag-o’ luk yili-o. Alat nde, it ondomok nde innggiri ma-o.

YESKIEL 33:3

Nde, tu yik karok woraso iri na-nen wim nap lobok yogolat eneyarug-e, at-nen-e wim lobok yogola-nen ene lo rak pugwi mende ap oboksa-nen kwil kwalsa wolmakluk ene lo rak poso-o.

YESKIEL 33:6

Alat nde, tu yik karok woraso nap iri na-nen nde wim nap lobok yogola eneyarug-et nde, wim lobok yogola, ene lo rak pugwi mende ene lo rak pigit lak yosoma, meya yugwi nap ereba unduwama-ge, meya yugwi nap ereba na indidnak pem erem-e tu yik karok woraso iri na bem-et an-nen-e pimin-o.

NDANIEL 6:26

Nde, iri rak purug-e, Nagawan Ndarius-nen engga mbara yi wi ndi wi worali nap enlem oboksa, enne lombok, enlem lombok enmanggim engga mbara wirik posolar-e: ”Naptak wiwa-o!

NDANIEL 9:16

Kar-e o nanduk ereba-net nit nenambigit nak yoso me, kisilepma Yerusalem ebem-e posolat wolmomtak pug-o. Yerusalem iri-ge kat kondomok kuwi siri min kondomok kondobo marak min-nen yusu-o. Nit min nonmborak min-nen meya kwaridnak iri na-nen ndowaga, nit nendam inggi inggi worali nap oboksa-nen-e kat kilirak min Yerusalem min yik eneyagolar-e, no mende nggal nde yik eneyali-o.

NDANIEL 9:20

An-e tepan kundugu woralar-e, an min an nelem nap Isarael nap min-nen meya kwarugwi ereba na-ge para yak tosolat, Nagawan Indo uwi marak iri na nanduk-nen woraso nggal tuguruk wuruwakluk Nagawan Indo Nembal Pem Nagawan emengen mbarosolat woragi-o.

OSEA 5:8

Nggibea-nen ene pu yer-o! Wim nggurak pem yenggerak puwakluk lel kagwi iri na Arama-nen ene lo rak per-o! Mbetel-nen wim nggurak pem kek kok per-o! Mbenyamin nap wa-e. Ndak wim timbiril mberer-o!

OSEA 8:1

YOEL 1:15

Mondok Amawi Worak iri na-nen yigisa lak tak unpurak tarem, kwiye-nen enaboro min wat yurak tarem, Nagawan Indo-nen idnak tarem iri na-ge panggo yij-o.

YOEL 2:11

Nde, Nagawan Indo-nen-e at-nen idnak san ombo ereba na ene o nggu nggal pem-nen ”Yu nggal kwarurak, iri nggal kwarurak” yak undusu-o. At-nen yidnak yidnak kwatli esan ombo-ge enpe na kwarat, mondok enmawi worak irir-o. Nde, Nagawan Indo-nen idnak tarem iri-ge ndemeret mondok ija kwiye worak-nen yusu-o! Ap misiger-o luk mbi mondok mamak puwa bug-o.

YOEL 2:15

Mbal Pem Nagawan Ondobo Sion iri na bem-nen ene pu yer-o. Mburu ninggit lak, tepan nak yogolat wolmomtak wene wirik per-o. Ap oboksa-nen mondok nggok irit ndok wuruwakluk yak ender-o.

YOEL 2:31

Molengen mom ki yosolat, waneya-ge mep worok yosolat kwaruwa-o. Nde, ereba kwat ma iri-ge Nagawan Indo-nen idnak tarem mondok kwiye worak kwiye-nen enaboro min linggi yurak iri na awo wok yigit lak ma nandug-et kwat ma-o.

YOEL 3:14

Nagawan Indo-nen idnak tarem mondok ndag-et wok yurak ala karuk, Ap Enpem Wene Mbenarugwi Mbirik iri na me-ge ap mondok kwarat (ribu ribu) irit ndok worak worali-o.

YOEL 3:17

”Isarael nap wa-e. Iri yosola-ge, an-e Nagawan Indo kit Kenmbal Pem Nagawan-nen yusu-o luk kenaru yugub-o. An-e nondobo marak Sion iri na bem-et woraso-o. Yerusalem na o siri marak irit kwat ma-o. Nde, Mbal Pem Nagawan enaru buk nab-e iri me-ge tuguruk ngguwa bug-o.

AMOS 3:6

Nde, o siri nggok ma woragwi nap-nen-e wim worasola-nen ene rak pugwi mende (terompet) kulurug-et nde, kwiye lak woragwir-a? Nagawan Indo-nen pil lobok yigit lak ma-ge o siri misik ebem lak tak onposo mende mbumomtag-e ndag-er-a?

AMOS 5:18

Kit Nagawan Indo-nen idnak tarem iri na kindingen kali nab-e mondok ndemeret kenabuwa worag-o! Iri ala-ge, no manggim-nen Nagawan Indo-nen idnak tarem iri kindingen tak pili-o? Nde, iri tarem-e kit kenmanggim-e yaya-ge lag-o, mondok ndamuk irit kwat ma-o.

AMOS 8:2

Nagawan Indo-nen an kin wok nobosolar-e: ”Amos wa-e. Kar-e no kasu-o?” yosoloma, an-nen onggo yosolar-e: ”Mul sum misik arem engen ogwere yidnak nak yarak iri kasu-o” luk yak tigi-o. Yosolakmu, Nagawan Indo-nen yosolar-e: ”An nilirak Isarael nap kwat unpurak tarem-e abu luk keya bij-o. An-e it kwat unpurak peragi iri-ge mondok nin tak pimin pug-o. Mondok ndemeret angin worag-e enpem-et mberak pimin-o.

MALEAKI 4:1

Nagawan Indo Mondok Amawi worak iri na-nen yosolar-e: ”Inndi kek tak min meya yugwi nap min oboksa tusuangge kan pidnak nggal kan unpurak tarem-e wog-et ma-o. Nde, iri tarem-e erep mbi keya bigit lak, mondok oboksa kan paga lak tak unpuwa-o.

1 KORINTUS 14:8

Nde, napiri poba ene parosa pigit lak ala-ge, ta-nen nde wim nggurak pem lid lud tak puwa-o?

PILIPI 2:12

Nenggamirak kenabuwa worak wa-e. Iri bem-e an-e kinmin worala-nen an-nen yidnak yidnak nak kwarogolat woraigep iri-ge ob-et nde, yawo an nebalma-nen na an-nen yidnak yidnak kwarogolat wolmomtak iri perak nde nggulog-o. Kit kondomok kinmiri yurak elem na-ge kwiye min konowak lele min-et wanogolat wolmer-o.

1 TESALONIKA 5:2

Yariya wanoso nap-nen yariya waneyekluk kubu nggwe lobok yoso nggal, iri nggal-et Nagawan Indo lobok yurak Tarem-e wok ma-o luk kit na mondok kenaru nar-o.

YAKOBUS 5:8

Kit na irit mamak puruk wolmer-o. Nagawan Indo lobok yurak tarem panggo yid me, kinndi tugup lak wolmer-o.

1 PETERUS 4:7

Yi mende ndi mende pidsa lak momtak tarem panggo yusu-o. Iri bem-e, tepan yobok-nen kit kondomoktak kinndi tena woragolat, kwil kwalsa wolmer-o.

NAM PARA WENE 6:17

It insilepma mberak purak tarem nggulok na yawo wok yarik, it insilepma mberak pogola, ap misiger-o luk-nen it entare bem wolmomtag-e meya-o” luk yiga-o.