YOEL 1:19 - Nanduk Ngget Tul Pidnak Wene

¹⁹ Tusuangge worak sa ereba na-ge mondok umbuk ye le mbosolat, e oboksa kan-nen ninggidnak nggal umbuk yidnak me, Nagawan Indo wa-e. Yongga noronokluk nggi yak kurusu-o.

YOEL 1:19 ပူးပေါင်းရင်းမြစ်များ

NDAWI ENGGA 91:15

It-nen nde an neram wene pil luwagola-ge, an-nen enne erep nggarimin-o. Anggun panggun enpem mbidnak tarem na an-net yongga indimin-o. An-nen inmiri yosolat, kek tak onposolat yimin-o.

YEREMIA 14:4

Nde, iri me talme mbigit lak yosolat, nggweyag-e umbuk le yosolat, yang mbang mbosola karuk, ’Ngge kwarurag-o?’ luk, inndi kabak yogolar-e, unmud-nen enanggul tena bili-o.

YEREMIA 9:10

Yosoloma, Yeremia-nen yosolar-e: ”Wam tusuangge taroso sa ereba min ndobo bem min-e umbuk merek lesa labuk yosolat, ap na iri nggwe mbirigit lak yogolat ala karuk, an-e abuwa-nen yip tosolat, tabun pimin-o. Nde, iri me-ge wam ene na mondok kuligit lak yogolat, towe mena na ndegera mborosolat, lak yij-o” luk yigi-o.

YEREMIA 9:9

Ap enlem yu nggal enpem it-nen kwarugwi ndak ndak onggo pigit lak keya inpimin-a? It-nen kwarugwi onggo-ge mondok pimin-er-o. Nagawan Indo an-net wene yusu-o” luk yij-o.

YOEL 2:3

Kanduk-nen nuruk lak tak poso nggal yagidnak mende oboksa sil-nen nuruk lak tak puwa-o. Nde, ninggit lak ma-ge o iri me-ge Nagawan Indo-nen idnak Eren nggal-et woraso-t nde, abok nujwama-ge, nggweyak umbuk nembaga nggal kwat yusu-o. Yi mende ndi mende misiger-o luk keya buwama wolma bug-o.

AMOS 1:2

Amos-nen yid wene-ge yu-o: ”Nagawan Indo-ge Sion ndobo bem-nen urum ene ngol yosolat, Yerusalem-nen ene o nggu nggal yosolat yusu-o. Tusuangge ereba na-ge mondok umbuk le yosolat, nde, tusuangge Karamel Ndobo bem ereba na-ge merek le yij-o” luk yij-o.

AMOS 7:4

Tugurug-et Nagawan Indo Mondok Kek tak iri na-nen nabi misik mirik nobosolar-e, an-nen yik kaginggal-e, Nagawan Indo-ge at ilirak iri na-ge it-nen kwarugwi onggo kanduk enpem mberak purak lid lud tak posolat kagi-o. Nde, kanduk iri-nen-e mondok yi koma nggweyak arem ereba na leraben waga nasolat, nggweyak min-et nayekluk yosola kagi-o.

MIKA 7:7

Alat nde, nit-nen tepan yili-ge Nenmbal Pem Nagawan-nen nenne kolosolat, nimiri yuwa-o luk ninndi-ge Nagawan Indo ebem nak wat tak puruk, yik karok worali-o.

LUKAS 18:1

At owosirak-nen inndi tugup lak woragolat, kundugu kundugu tepan yogolat wolmakluk, Yesus-nen mul ondosolar-e, nden karuk wene yu yak indij-o.

LUKAS 18:7

Nde, at lenak inpidnak nab-e kubu-nen lengge-nen at emengen mbal tenak wolma nap iri-ge Mbal Pem Nagawan-nen wene kona wok unduwa buk kali-a? It yongga ondosolar-e, ndan-et yongga unduwa nde kali-a?