YOEL 1:15 - Nanduk Ngget Tul Pidnak Wene

¹⁵ Mondok Amawi Worak iri na-nen yigisa lak tak unpurak tarem, kwiye-nen enaboro min wat yurak tarem, Nagawan Indo-nen idnak tarem iri na-ge panggo yij-o.

YOEL 1:15 ပူးပေါင်းရင်းမြစ်များ

NDAWI ENGGA 37:13

Alat nde, Nagawan Indo-nen-e meya yugwi nap ereba na-ge lak tak unpurag-e komo panggorak ala karuk, Nagawan Indo-nen-e meya yugwi nap ereba na-ge nda wat onposolat worasu-o.

YOEL 2:11

Nde, Nagawan Indo-nen-e at-nen idnak san ombo ereba na ene o nggu nggal pem-nen ”Yu nggal kwarurak, iri nggal kwarurak” yak undusu-o. At-nen yidnak yidnak kwatli esan ombo-ge enpe na kwarat, mondok enmawi worak irir-o. Nde, Nagawan Indo-nen idnak tarem iri-ge ndemeret mondok ija kwiye worak-nen yusu-o! Ap misiger-o luk mbi mondok mamak puwa bug-o.

YOEL 2:31

Molengen mom ki yosolat, waneya-ge mep worok yosolat kwaruwa-o. Nde, ereba kwat ma iri-ge Nagawan Indo-nen idnak tarem mondok kwiye worak kwiye-nen enaboro min linggi yurak iri na awo wok yigit lak ma nandug-et kwat ma-o.

YOEL 3:14

Nagawan Indo-nen idnak tarem mondok ndag-et wok yurak ala karuk, Ap Enpem Wene Mbenarugwi Mbirik iri na me-ge ap mondok kwarat (ribu ribu) irit ndok worak worali-o.

YAKOBUS 5:9

Nanggamirak wa-e. Mbal Pem Nagawan-nen kit kenpem wene mbaruwa naru, kit na kit-net nobokpe kobokpe yurak pug-o. Yebet ker-o. Ap enpem wene mbaroso nab-e lobok eyekluk ijok tumende bem pil wagarik worasu-o.

NAM PARA WENE 6:17

It insilepma mberak purak tarem nggulok na yawo wok yarik, it insilepma mberak pogola, ap misiger-o luk-nen it entare bem wolmomtag-e meya-o” luk yiga-o.