YOEL 1:14 - Nanduk Ngget Tul Pidnak Wene

¹⁴ ”Nunggwi mende ninggit lak, tepan nak yogolat wolmer-o” luk, kenlem nap yak ondogolat, nggok ndok wururak wene naru karu rak per-o! Enne kulugwi nap min Yewura woragwi nap oboksa min-e Nagawan Indo Kenmbal Pem Nagawan ama ngguruk, at eram wene mbo bil lujwakluk, yonggo enper-o!

YOEL 1:14 ပူးပေါင်းရင်းမြစ်များ

NEMIA 8:18

Nde, iri na sak tenak woragolar-e, tuju bem woraiga-o. Iri kwarogolar-e, sakolat woraiga irit wosa Mbal Pem Nagawan-nen idnak imiri mbarak pidnak wene-ge Esera-nen it kuluwakluk enmanggim wonarosolat woragij-o. Iri kwat tenak woraruk, delapan pem tak posolar-e, imiri mbarak pidnak engga arem worasu ndak ndag-et woroksa tu lerak pogolar-e, nggok irit saiga-o.

ESET 4:16

”Kar-e Yawuri nap o Susan worali oboksa ndok worak unpuruk, an namanggim tepan yogolat wolmer-o. Lengge-nen kubu-nen kenan pem ereya woragolar-e, nunggwi mende ninggit lak, tepan nak yogolat wolmer-o. Nde, an min an ndegel nubugwi kweyap ndugum inmin na nit na tepan-et yogolat wulmul-o. Iri luk, pem-nen kwarugwi wene iri na kwid turuk, an-e nagawan eram mbirimin-o. Iri kwarosola karuk, norosola-ge, war-et yimin-o!” luk wene wosa bil mborosoloma-ge,

YEREMIA 14:2

”Uwi siri ereba na lak yurak ala karuk, Yewura-ge indi puru kwarat yusu-o. Nde, iri me woragwi nab-e ’Ngge nde kwarul-o?’ yogolar-e, nggweyak pem mbud luk, yane witli-o. Nde, Yerusalem woragwi nab-e yongga unduwakluk, nemengen mbal tenak worali-o.

YEREMIA 36:9

Nde, Yewura nap nagawan Yoyakim iri na-nen o tena woralat tarem waneya sembilan, nde, olengen lima iri bem-e ap oboksa-nen Nagawan Indo-nen enabuwa kujwakluk mburu ninggit lak woragolat, tepan yiga-o. Iri yogolar-e, Yerusalem woragwi nap oboksa min Yewura nggweyak pem o siri ereba me-nen lobok yidnak nap oboksa min-e tepan yiga-o.

YOEL 1:2

Kit ap inndi worak-nen-e kwara koler-o. Yewura iri me woragwi nab-e kwara lombot per-o. Kit woragolat tarem-nen na irit, nanduk konmborak woragolat tarem-nen na irit, yu nggal-e kwar-et yoso-a?

YUNUS 3:5

Iri yosola-ge, Niniwe woragwi nab-e Mbal Pem Nagawan-nen yidnak wene iri na-ge ”Mondok ndemerer-o” luk yebet kaiga-o. Iri luk, Niniwe woragwi nap oboksa nggok-nen marik-nen ”Niri nera-nen meya kwarige-o” luk, kondok yogolat-nen yurugwi sum karung sum nak yutluk woragolat, ”Nunggwi mende ninggit lak tepan nak yogolat wolmog-o” luk wene mbariga-o.

YUNUS 3:8

Ap-nen na irit, wam-nen na irit, mondok karung sum nak yururag-o. Ap oboksa-nen niri nera meya kwaroso-o luk, kondok yogolar-e, ap oboksa-nen ndemeret kinndi-net Mbal Pem Nagawan eram tepan yurag-o. Nir-e mondok nenpage konogolat, nit-nen meya nak kwarugwi iri konogolat wolmomtag-o.