YOEL 1:13 - Nanduk Ngget Tul Pidnak Wene

¹³ Kit tepan ombo Mbal Pem Nagawan amanggim wam wosa kan pugwi sa iri na me yabu wanugwi nap wa-e. Karung sum yutluk, yip ter-o. Mbal Pem Nagawan amanggim purak nggandum mbato min anggut engen min-e lak yidnak me, kir-e Mbal Pem Nagawan ama nggugupndik, yip tenak nak worakmu, o nda mag-o!

YOEL 1:13 ပူးပေါင်းရင်းမြစ်များ

2 SEMUEL 12:16

Worosoloma-ge, la iri na ki rak puwakluk Ndaut-nen-e Mbal Pem Nagawan emengen mbarosolat woralar-e, nunggwi mende na ninggit lak, pempa kubu-ge at nene yoso sa kune bem tag-et mbiringgik nak woragij-o.

1 NAGAWAN NAGAWAN-NEN KWARIDNAK WENE 21:27

Nde, Elia-nen wene iri na yuruk keya bosola karug-e, Akap na-ge ”Niri nera kwarigi-o!” yosolar-e, usum ndela keya buruk, sum-e karung ndelak meya ereba na yirij-o. Yutluk, nunggwi mende ninggit lak irit woragij-o. Nene yosolat na, karung iri na-t yutluk nene yosolat, nde tu mborosolat na erare yek tag-e nigit lag-o.

YESAYA 61:6

”Kir-e Mbal Pem Nagawan ndegel ubugwi nab-o” yak kondogolat, kunnu-ge ”Nagawan Indo-nen yidnak tepan ombo-o” luk yaruwa-o. Kir-e enlem nin nap enarengge ereba na bem kunluk konak woragolar-e, it enarengge ereba na bem kinndi kek yogolat woragub-o.

YEREMIA 9:10

Yosoloma, Yeremia-nen yosolar-e: ”Wam tusuangge taroso sa ereba min ndobo bem min-e umbuk merek lesa labuk yosolat, ap na iri nggwe mbirigit lak yogolat ala karuk, an-e abuwa-nen yip tosolat, tabun pimin-o. Nde, iri me-ge wam ene na mondok kuligit lak yogolat, towe mena na ndegera mborosolat, lak yij-o” luk yigi-o.

YOEL 2:12

Nagawan Indo-nen yosolar-e: ”Alat nde, yawo-ge kinndi puru min-et nunggwi mende keya buruk, tepan nak yogolat, yip-nen ndemeret kinndi-net an neram tuguruk lobok yer-o.

YOEL 2:14

Erep-nen-e Nagawan Indo Kenmbal Pem Nagawan-e indi nden karuk, imbiringgat kwarat wok kunduwa nde ma-o. Iri kwarosola-ge, kit-nen-e nggandum mbato min anggut min-e Nagawan Indo Kenmbal Pem Nagawan amanggim pugub-o.

YOEL 2:17

Nde, tepan ombo Nagawan Indo ama iri na me yabu wanugwi nab-e Nagawan Indo amanggim kan pugwi iri na wok, iri-nen o panggo tumende bem iri na wok, enggendumu iri na me-nen yip togolat-nen tepan yogolar-e: ”Nagawan Indo wa-e. Kat kilirag-e enabuwa ki-o. Kat kilirag-e kat-nen keya unpugunmu, kopkap tobok yogola, ap enlem erep-nen eneyaruk yogolar-e: ’It Enmbal Pem Nagawan-e ngge me worasu-o?’ luk yuwa naru, keya unpurak pug-o” luk yuwakluk yak ender-o.

1 KORINTUS 4:1

Ap-nen yik neneyagolar-e, Kerisut ndegel ubugwi nab-er-o luk nenperagolat, Mbal Pem Nagawan-nen kura bidnak wene tena woragwi nab-er-o luk nunpurujwag-o.

1 KORINTUS 9:13

Mbal Pem Nagawan ama yabu wanugwi nap-nen-e it norak mende-ge iri me-nen wanogolat, nde, wam wosa Mbal Pem Nagawan amanggim kan pugwi sa iri me wam wurugwi nap-nen-e wam ereb-e iri me-nen wanogolat kwarugwi iri-ge kir-e kenaru bug-a?

2 KORINTUS 11:23

Ir-e Kerisut ndegel ubugwi nap-nen yili-a? Ap indi wawa-nen yugwi nggal yimin-et nde, it na ndegel ubugwi-t nde, an-e terak menna ndegel oboso-o. It yabu-ge mariget waniga-t nde, an perak nde yabu kwarat wanigi-o. Ir-e siyag-et linggamburok undugwi-t nde, an perak kwarat pem linggamburok nurugwi-o. Ir-e misik tarem nggal-et o kubu me inpil nggugwi-t nde, an-e kwarat pem o kubu me nibil nggugwi-o. An-e kwarat pem wat yugwi tu nggambut mu wok yukmu-o.

2 KORINTUS 3:6

At nak-nen nenpem tak pidnak pem-nen nir-e ngget urul pidnak wene iri na ndugurugwi nap-nen yili-o. Urul pidnak wene iri-ge engga bem mbaridnak imiri mbarak pidnak wene-nen yusu-ge lag-o. Are, Konak Indi-nen idnak-nen yusu-o. Engga bem mbaridnak imiri mbarak pidnak wene iri-ge ap worak onposo-t nde, Konak Indi-ge ap unluk tak poso-o.

2 KORINTUS 6:4

Are, yi mende ndi mende bem nir-e ndemeret Mbal Pem Nagawan ndegel ubugwi nap nenpage-t neneyujwaklug-e, andi bandi kagolat na, angin worak mende nenpem mbosola na, ninndi kabak ala na, nir-e ninndi kwara luruk puruk woragwi-o.

NAM PARA WENE 11:3

Nde, an nene yugwi nap mberen unsum-e tabun puruk woragolat-nen yurugwi sum yutluk, Mbal Pem Nagawan-nen yidnak wene ap yak ondogolar-e, seribu dua ratus enam pulu (1,260) tarem wolma-o” luk yak nirij-o.