YOANES 9:7 - Nanduk Ngget Tul Pidnak Wene

⁷ Ndarak puruk, Yesus-nen at yak tosolar-e: ”Siloam ugup arem kerare maril mbiri-o” luk yak tij-o. (Siloam iri-ge nit nenne bem-e Wirik Pidnag-o yogolar-o.) Yak tosoloma-ge, ap na mberarik, at erare yi masa keya buruk, erengen kuwak yamu lobok yij-o.

YOANES 9:7 ပူးပေါင်းရင်းမြစ်များ

NDAWI ENGGA 146:8

Enlengen ngguru woragwi nab-e enlengen kuwara keya bosola, kona yik kagwi rak onposolat, wosa mbidnak nab-e at-nen mendak onposolat, mot mot woragwi nab-e enabuwa kasolat kwaroso-nen yusu-o.

MBIRIGA WENE 4:11

Yosoloma, Nagawan Indo-nen onggo yak tosolar-e: ”Ap enemnde-ge ta-nen ndak woramu-o? Ta-nen eneyanggo lak tak posolat, enne lak tak posolat kwaroso-o? Ta-nen enlengen kuwarak posolat, enlengen ngguru rak posolat yoso-o? Iri-ge Nagawan Indo an-net kwaroso-o.

YESAYA 32:3

It unuwokma worali nap ereba na-nen ukwe peraidnak mende enlengen karug-e, kagit lak nggal ma bug-o. Eneyanggo-nen kulurug-e, kwara-t yebet iniyujwa-o.

YESAYA 35:5

Iri tarem-e ap enlengen ngguru-ge enlengen kona yik kagolat, ap eneyanggo lak wene kulugwi buk na enne kulugwi kwat yogolat ma-o.

YESAYA 42:7

Kar-e enlengen ngguru enlengen kuwara wok ondosolat, o kubu me woragwi nap wisirik onposolat kwarugun-o.

YESAYA 43:8

Mbal Pem Nagawan-nen yosolar-e: ”An nilirag-e enlengen worag-et nde, enlengen ngguru min eneyanggo worag-et nde, eneyanggoru lak min-e ndak yu me wirik inpil lobok yer-o.

YESAYA 8:6

”It ap enlem yu-ge yi waru ene lak nabu nabu mburusu Siloa iri na-ge keya buruk, Nagawan Eresin min Nagawan Peka min nde inndingen tak inpili-o.

MATIUS 11:5

Enlengen ngguru nap na enlengen kuwarak posolat, onowak wat yidnak nap na tula nugwi rak onposolat, ndigiril laso mbijap enpem mbidnak nap na ambut tak onposolat, eneyanggo lak nap na wene kologolat, wat yidnak nap na unluk tak posolat, insilobulo lak nap na aid wene yak ondosolat kwarusu-o.

LUKAS 13:4

Nde, o Siloam-nen o mot na tud yosolar-e, ap delapan belas iri yemen inpid iri na ngge perali-o? Nde, iri kwaridnak pem-e kit-nen peragolar-e: ’Yerusalem woragwi nap ereb-e meya yidnag-e marig-et nde, it yemen inpid iri-ge meya yidnak kwarat ala nen kwat inpij-o’ luk perali-a?

LUKAS 2:32

At iri-nen-e kat keram lobok yuwakluk, enlem nin nap untula yaya rak posolat kat kelem nap Isarael nap unnu kek tak puwa nap-nen yusu-o” luk yij-o.

YOANES 10:36

Neid-nen len nuburuk wirik nibil lobok yidnak nab-et nde, an-nen-e: ’An-e Mbal Pem Nagawan Ambara-o’ luk yusu iri bem kit noluk-nen: ’Mbal Pem Nagawan obok poso nab-o’ luk yak nitli-o?

YOANES 11:37

Alat nde, it erep-nen yogolar-e: ”Ap yu-nen-e enlengen ngguru enlengen kuwarak poso-net nde, Lasarus na wat yigit lak ma-net yongga wururag-et nde, noluk yongga wirigit lag-o?” luk yiga-o.

YOANES 9:11

Yogolikma-ge, at-nen yosolar-e: ”Ap unu Yesus iri na-nen nggweyak omok worak puruk, an nerengen pem ndarak puruk-nen an yak norosolar-e: ’Kar-e Siloam ugupmu kerare maril mbiri-o’ luk yak norosoloma, an-e mbirigirik, nerare yi marosola ereya na-net nerengen kuwak yij-o” luk yij-o.

YOANES 9:39

Iri yosoloma-ge, Yesus-nen yosolar-e: ”An-e nggweyak ma yu me lobok yigi-ge ap enpem wene mbarosolar-e: Enlengen ngguru nab-e enlengen kuwarak posolat, enlengen op nab-e enlengen ngguru rak posolat yekluk-nen lobok yigi-o” luk yij-o.

YIDNAK YIDNAK WENE 26:18

It enlengen kuwarak pugunmu-ge, it-nen ndamuk arem-nen nden karuk, yaya ambigit nggwe lobok yogolat, Sere inggiyapma-nen Mbal Pem Nagawan ambigit nggwe lobok yogola-ge, it meya yidnak iri-ge an-nen namberam tak posola, an nebem inndi angin tubu yidnak pem korak inpidnak nap inmin lambuk makluk, endam wirik kibimin irir-o’ luk yak nirij-o.

OROMA 8:3

Nde, ki nap enpage ndeyak me, imiri mbarak pidnak wene-nen kwarurag-e meya agaid iri-ge Mbal Pem Nagawan-net kwarij-o. Kwarosolar-e, meya kwarugwi elem lak tak puwakluk, at ambik Ambara ibil lobok yosolar-e, meya kwarugwi nap enaboro worak irit ibil lobok yid iri-nen-e meya kwarugwi elem ki nap enarem worasu iri na urugwe nggwe rak pij-o.

NGGALATIA 4:4

Alat nde, iri kwarurak tarem-e ndak yosola-ge, Mbal Pem Nagawan-nen-e at ambik ambara ibil lobok yosola, at ambara na-ge ki kwami-nen ndet ebamu-ge, imiri mbarak pidnak wene urugwe nggwe worala-ge,